Të shtunën në mbrëmje do të luhet në Tiranë ndeshja Shqipëri-Serbie vlefshme për eleminatoret e kampionatit Botëror 2026 teksa masat e sigurisë kanë nisur të vihen në zbatim.

Mësohet se rreth 1,500 forca policie do të jenë të angazhuara për garantimin e rendit, përfshirë njësinë RENEA, Anti-terrorin dhe SHISH-in. Po ashtu bëhet me dije se fokusi do të jetë i veçantë mbi përfaqësuesen serbe që do të shoqërohet nga momenti i mbërritjes në Tiranë deri në largim.

Ndërkohë në stadium do të instalohen kamera me njohje të fytyrës për të identifikuar çdo person që mund të shkaktojë incidente. Gjithashtu, do të përdoren sisteme antidron për të parandaluar çdo kërcënim nga ajri. Çdo biletë është e personalizuar dhe tifozët duhet të paraqesin kartën e identitetit në hyrje për verifikim.

Nga ana tjetër, rrugët kryesore që çojnë drejt stadiumit do të bllokohen për qarkullimin e automjeteve. Bizneset pranë stadiumit janë urdhëruar të mbyllen përkohësisht, dhe nuk do të lejohet qëndrimi i personave në ballkonet apo dritaret e banesave që kanë pamje nga stadiumi.

Autoritetet e huaja që kanë identifikuar në vendet e tyre grupe kriminale shqiptare, kryesisht të përfshira në trafikun e drogës, kërkojnë sekuestrimin e pasurive që ata kanë krijuar në vendin tonë.

Gjatë 2024, me kërkesë të prokurorisë belge dhe gjermane, SPAK regjistroi 5 hetime pasurore.

Ndërkohë përveç verifikimeve, SPAK ka sekuestruara për llogari të autoriteteve të huaja, Belgjikës dhe Italia disa pasuri të identifikuara në pronësi të personave të arrestuar dhe dënuar në vendet përkatëse

Deri më tani përfshijnë 6 prona të paluajtshme, mbi 145 mijë euro në kesh dhe në llogari bankare, si dhe makina.

Ato janë në administrimin dhe menaxhimin e Agjencisë së Administrimit të Pasurive të Sekuestruara dhe vetëm pas marrjes së një vendimi konfiskimi, autoritetet do të duhet të përcaktojnë se çfarë ndodh me to.

Nëpërmjet letër-porosive, autoritetet e huaja rezultojnë të kenë identifikuar saktësisht këto pasuri, aktivitetet ekonomike me të cilat merren personat nën hetim dhe të afërm të tyre në Shqipëri.

Nga ana tjetër, SPAK thotë se pas vendosjes së sekuestros ka kërkuar informacion të vazhdueshëm për proceset penale atje në mënyrë që të marr një vendim për fatin e hetimit pasuror në vendin tonë.

Tajfuni Shanshan goditi sot rajonin Amami në Japoninë jugperëndimore dhe autoritetet u kërkuan banorëve të jenë në gatishmëri për rrëshqitje të dheut dhe përmbytje në zonat e ulëta.

Për shkak të shirave të rrëmbyeshëm që goditën vendin këtë mëngjes, trenat me shpejtësi të lartë midis stacioneve Tokio dhe Shin-Osaka janë pezulluar dhe shërbimet mund të pezullohen gjithashtu nga stacionet e Tokios në qytetin jugperëndimor të Fukuoka nga e enjtja deri të shtunën.

Agjencia Meteorologjike e Japonisë ka parashikuar reshje të dendura shiu dhe erëra në rajonin e Amami.

Një 23-vjeçar shqiptar është vënë në pranga nga autoritetet belge. Raportohet se  zyra kryesore doganore e Koblenzit në Gjermani sekuestroi më shumë se 3 kilogramë kokainë gjatë një kontrolli në kufirin belg.

Doganierët kontrolluan një automjet që ishte nisur për në Belgjikë. 23-vjeçar shqiptar tha se ishte nisur nga Shqipëria për në Belgjikë duke udhëtuar nëpërmjet Italisë dhe Gjermanisë. Kur u mor në pyetje, ai tha se nuk mbante asnjë lëndë narkotike.

Edhe pse nuk kishte gje me vete testi i drogës reagoi pozitivisht ndaj kokainës, oficerët më pas e panë automjetin nga afër. Më pas ata gjetën diçka në brendësi të automjetit, pak më shumë se 3 kilogramë kokainë.

“Kokaina e gjetur ka vlerën e rrugës mbi 200 mijë euro”, tha Thomas Molitor, zëdhënës i shtypit në zyrën kryesore doganore në Koblenz.

Duke qenë se kishte dyshime se drejtuesi i mjetit kishte konsumuar së fundmi lëndë narkotike, edhe komisariati i Prüm nisi procedimin ndaj tij me dyshimin se drejtonte mjetin nën ndikimin e drogës. Hetimet e mëtejshme po kryhen nga Zyra e Hetimit Doganor në Frankfurt am Main. Me kërkesë të Prokurorisë Publike të Trierit, gjyqtari hetues përgjegjës ka urdhëruar masën e paraburgimit për shqiptarin

Një 36-vjeçar i shpallur në kërkim nga autoritetet spanjolle për vjedhje me dhunë është arrestuar në Tiranë.

I riu me iniciale E. G., u kap në aksin rrugor Vorë- Fushë Krujë dhe u arrestua me qëllim esktradimi drejt Spanjës.

Ai ishte shpallur në kërkim ndërkombëtar, pasi Gjykata Provinciale e Geronas e ka dënuar me 3 vjet, 4 muaj e 12 ditë burgim, për veprën penale “Vjedhja me dhunë”.

Njoftimi i policisë:

DVP Tiranë

Finalizohet nga Komisariati i Policisë Rrugore Tiranë dhe Seksioni për Hetimin e Krimeve të Rënda ndaj Pronës në DVP Tiranë, operacioni policor i koduar “Wanted 2”.

I akuzuar nga autoritetet spanjolle, për vjedhje me dhunë, kapet në Tiranë dhe arrestohet me qëllim ekstradimin në Spanjë, një 36-vjeçar.

Shërbimet e Komisariatit të Policisë Rrugore dhe ato të Seksionit për Hetimin e Krimeve të Rënda ndaj Pronës në DVP Tiranë, në vijim të punës për kapjen e shtetasve të shpallur në kërkim ndërkombëtar, bazuar në inteligjencën informative mbi vendndodhjen e një shtetasi në kërkim, kanë organizuar dhe finalizuar operacionin policor të koduar “Wanted 2”.

Gjatë operacionit shërbimet e Policisë Rrugore kanë kapur në aksin rrugor Vorë- Fushë Krujë shtetasin E. G., 36 vjeç, i cili u arrestua me qëllim esktradimi drejt Spanjës.

Ky shtetas ishte shpallur në kërkim ndërkombëtar, pasi Gjykata Provinciale e Geronas, Spanjë, e ka dënuar me 3 vjet, 4 muaj e 12 ditë burgim, për veprën penale “Vjedhja me dhunë”, parashikuar nga Kodi Penal i Spanjës.

Viijojnë procedurat për ekstradimin e këtij shtetasi, në Spanjë.

Autoritetet greke janë vënë në alarm pas gjetjes së trupit të një burri në Janinë.

Mësohet se kufoma është gjetur në lagjen Fronzu, teksa koka dhe këmbët e viktimës ishin të prera dhe të futura në një qese plehrash, ndërsa pjesa tjetër e trupit ishte e ekspozuar.

Sipas informacioneve të para, viktima mbante një armë në njërën dorë, ndërsa në dorën tjetër ishte në pranga. Në vendngjarje pritet të mbërrijë një mjek mjekësor dhe të nisin hetimet mbi rastin, teksa nuk dihet edne asgjë për identietin e viktimës.

Qendra Kombëtare e Uraganeve në Shtetet e Bashkuara njoftoi të shtunën për “përmbytjeve katastrofike dhe kërcënuese për jetën” që rrezikojnë të godasin shtetin meksikan ‘Baja California’, si dhe pjesën jugperëndimore të Shteteve të Bashkuara deri të hënën, pasojë e uraganit ‘Hilary’.

Uragani po lëviz duke u shoqëruar me erëra me fuqi maksimale deri në 200 kilometra në orë.

Të shtunën në mbrëmje dhe të dielën në mëngjes pjesa qendrore dhe perëndimore e gadishullit ‘Baja California’ do të përfshihet nga erërëra të forta.

Autoritet kanë paralajmëruar për rrezikun që paraqet uragani për gadishullin e ‘Baja California-s’, zonat që shtrihen në afërsi të kufirit Kaliforni-Meksikë, si dhe ishullin Katalina në Kaliforni.

Paralajmërimet për uragane lëshohen zakonisht 36 orë përpara se ai të godasë zonat në rrezik./ VOA