Avioni me linjën Bali-Melburn është detyruar që të bëjë ulje emergjente pasi një pasagjere tentoi të hapi derën e avionit. Një avion i kompanisë ajrore ‘‘Jetstar’’, me mbi 200 pasagjerë në bord, u detyrua të kthehej pasi një pasagjere tentoi të hapte derën e avionit mbi Oqeanin Indian.

Kompania ajrore konfirmoi incidentin në një deklaratë të dhënë të martën, duke sqaruar se gruaja kishte shfaqur sjellje të papranueshme dhe ishte agresive ndaj ekuipazhit. Pas uljes emergjente në Bali, autoritetet lokale e nxorën atë nga avioni.

Një video e publikuar në rrjetet sociale tregon momentin kur pasagjerja, e vendosur në pjesën e pasme të avionit, arriti të ngrinte dorezën e derës, por një sinjal alarmi lajmëroi në kohë ekuipazhin. Sipas të dhënave nga Flightradar24, avioni u kthye rreth një orë pas ngritjes.

Jetstar theksoi se siguria e pasagjerëve dhe ekuipazhit është prioriteti kryesor dhe paralajmëroi se sjelljet e tilla nuk do të tolerohen. Incidenti është pjesë e një serie ngjarjesh të ngjashme që janë shtuar vitet e fundit, ku pasagjerët kanë detyruar ulje emergjente duke tentuar të hapin daljet e emergjencës ose duke sulmuar ekuipazhin.

Këtë të hënë, në një konferencë me gazetarët, kryetari i Partisë Demokratike, Sali Berisha, publikoi biletën e avionit të Erion Veliajt, duke u shprehur se kryebashkiaku i Tiranës po e mbush komunitetin ndërkombëtar me shpifje për të marrë azil

Berisha: Tani, natyrisht nuk mund të mos ndalemi tek problemi i ditës.

Unë kam këtu, u kam sjellë këtu, është bileta e Erion Veliajt, i cili thotë se është nisur me datën 28 dhe e ka kthimin me datën 18 janar.

Tani, çfarë komenti kam unë. Komenti është ky: skema e përdorur, cilido që ka ABC-në e kodeve dhe ligjeve, ishte mbathja se të arrestuam.

Prokuroria në mënyrë bizare, deklaron se i kemi të vërtetuara, unë e di që kanë të vërtetuara, se kanë dokumentet dhe llogaritë bankare të fshehta të tij, i kanë pasuritë, i kanë mashtrimet, se ai thotë më tradhtuan, keni bërë deklarata nën presion, aludon për vjehrrën, Velicën, nuk e di për kë aludon, e vërteta është se në seancën 5-orëshe në prokurori ka rrëzuar çdo gjë që ka mashtruar në seancën 8-orëshe para disa muajsh.

Dhe tani kërkon të fajësojë Velicën dhe vjehrrën, ky i ka bërë vetë, sepse del që kanë renditur aty, thuhet se kanë renditur të paktën minimumi 60 mashtrime, duke krahasuar dëshminë e parë me dëshminë e dytë të tij.

Mohimet e dëshmisë së parë dhe faktimet e dëshmisë së dytë.

Pastaj thotë ma bënë me hile, më thanë je person për dijeni dhe nuk më thanë se je person në hetim. Ku ka hile kur shkon e mashtron aty, thua nuk kam llogari bankare, nuk kam këtë, nuk kam atë, çfarë hile ka aty.

Ligësia e tij ekstreme është se ai po mbush komunitetin ndërkombëtar se po persekutohem nga Sali Berisha, e tëra kjo vetëm e vetëm që të marrë statusin e azilantit politik.

E ka kërkuar apo nuk e ka kërkuar, këtë nuk mund ta them, biletën ja ku e keni.

Në deklaratë tha se do kthehet sot, për dy ditë. Si do shkonte për uikend ai? A ka marrë ai kontakte me vendet e Amerikës Latine apo vendet nordike, ato nuk i di se nuk merrem me gjërat që qarkullojnë.

Një tjetër ngjarje e pazakontë ka përfshirë një aeroplan pasagjerësh Boeing 737, ndërsa prag tragjedia u shmang gjatë fundjavës. Këtë herë, rasti ndodhi në Afrikën e Jugut, kur një avion humbi një rrotë pak pas nisjes, duke e detyruar kapitenin të bënte një ulje emergjente.

Ky incident vjen në mes të akuzave për Boeing pas dëshmisë së Sam Salehpour para Kongresit javën e kaluar, në të cilën ai akuzoi kompaninë se po luante ‘ruletë ruse’ me jetën e njerëzve.

“Boeing” ka mohuar deklaratat e Salehpour dhe ka kërkuar të zbusë frikën e publikut pas incidenteve të tilla si humbja e prizës së derës në një fluturim në janar dhe humbja e një rrote në një fluturim të United Airlines nga San Francisko në mars. Kompania thotë se pretendimet për integritetin strukturor të 787 janë të rreme.

Dy drejtues të inxhinierisë së Boeing thanë këtë javë se si në testimin e projektimit ashtu edhe në inspektimet e avionëve – disa prej tyre 12 vjeçar, nuk ka pasur gjetje lodhjeje apo plasaritjeje në panelet e tyre.

Stafi i sigurisë në Aeroportin Ndërkombëtar OR Tambo në Johanesburg, Afrika e Jugut , vuri re se avioni FlySafair kishte dëmtuar pjesën e poshtme të tij gjatë nisjes më 21 prill. Pasi u urdhëruan të ktheheshin, pilotët bënë një kalim të ulët mbi pistë në mënyrë që inxhinierët të mund të inspektonin dëmin.

Ata zbuluan se një nga katër rrotat e pasme ishte shkëputur gjatë ngritjes dhe urdhëruan uljen e avionit. Por pamjet video të uljes tregojnë se rrota shpërbëhet teksa avioni u përpoq të shkonte në pistë.