Një rakete të lëshuar nga Jemeni ka goditur zonën brenda perimetrit të aeroportit Ben Gurion të Tel Avivit.

Gjashtë persona u plagosën nga mbeturinat e raketave që ranë mbi Ben Gurion.

Raketa e lëshur nga rebelët e mbështetur Huthi në Jemen ndaloi përkohësisht fluturimet dhe shkaktoi panik midis pasagjerëve.

Lëshimi i raketës aktivizoi sirenat e sulmit ajror në pjesë të shumta të Izraelit ndërsa pasagjerët janë përpjekur të fshiheshin.

Ministri izraelit i Mbrojtjes, Israel Katz, u zotua për hakmarrje për sulmin në aeroport: “Kushdo që na dëmton, ne do ta dëmtojmë shtatëfish.”.

Rebelët Huthi kanë qëlluar Izraelin që kur shpërtheu lufta me Gazën më 7 Tetor 2023, dhe raketat janë kapur kryesisht, megjithëse disa kanë depërtuar në sistemet e mbrojtjes nga raketat e Izraelit, duke shkaktuar dëme.

Sulmi në Aeroportin Ndërkombëtar Ben-Gurion ndodhi disa orë para se ministrat e lartë të kabinetit izraelit të votonin nëse do të intensifikonin operacionet ushtarake të vendit në Rripin e Gazës.

Izraeli është kundërpërgjigjur ndaj rebelëve në Jemen dhe SHBA-të, aleatja kryesore e Izraelit, gjithashtu nisën një fushatë sulmesh në mars kundër tyre./klan news

IZRAEL- Një seri shpërthimesh të enjten në tre autobusë të parkuar tronditën pjesën qendrore të Izraelit, në atë që autoritetet dyshojnë të jetë një sulm militant. Nuk ka njoftime për të lënduar nga shpërthimet që ndodhën pranë Tel Avivit.

Shpërthimet ndodhin ndërsa izraelitët mbajnë zi për katër trupat e pengjeve të kthyera nga Hamasi në Gazë si pjesë e një marrëveshjeje armëpushimi. Shpërthimet në autobusë të kujtojnë bombat gjatë kryengritjes palestineze të viteve 2000, por sulme të tilla janë të rralla tani.

Zëdhënësi i policisë, Asi Aharoni, tha për televizionin izraelit (Channel 13 TV) se u gjetën eksplozivë në dy autobusë të tjerë, por nuk shpërthyen. Autoritet thanë se të pesë bombat me sahat ishin identike dhe se njësitë speciale po çaktivizonin bombat e pashpërthyera.

Kryebashkiaku i qytetit, Tzvika Brot, tha se ishte një mrekulli që askush nuk ishte lënduar. Autobusët ishin parkuar pasi kishte përfunduar orari i punës, tha ai.

Ofir Karni, kreu i kompanisë së autobusëve tha se kishte urdhëruan menjëherë të gjithë drejtuesit e autobusëve që të ndalojnë dhe të kryejnë një “inspektim të plotë”. Zyra e kryeministrit Benjamin Netanyahu tha se shefi i qeverisë po ndiqte nga afër zhvillimet. Agjencia e sigurisë së brendshme Shin Bet po merrte drejtimin e hetimeve, tha policia.