Këtë të premte, në Gjykatën e Posaçme kundër Korrupsionit dhe Krimit të Organizuar ishte planifikuar seanca gjyqësore për Ilir Metën, i cili kërkon ndryshimin e masës së sigurisë nga “arrest në burg”.

Seanca është shtyrë për në datën 26 qershor. Pas seancës, avokati i tij Kujtim Cakrani deklaroi se ish-presidenti “është në formë perfekte, bën palestër, i bën të gjitha veprimet”.

Prej tetë muajsh si i paraburgosur, Meta kërkon që gjykata të detyrojë SPAK-un që të raportojë mbi veprimet që po kryen dhe të informojë mbi gjendjen e procedimit, pasi ka bindjen se akuza nuk ka administruar asnjë provë prej 20 tetorit kur dhe e arrestoi.

Meta i thotë gjykatës se ka qenë në dispozicion të hetimeve, ndërsa i kujton faktin që është lideri opozitar i Partisë së Lirisë dhe ky është një argument tjetër përse gjykata duhet ta lirojë.

Avokati i reperit Noizy, Besnik Berisha është shprehur përmes një reagimi në rrjetet sociale se klienti i tij akuzohet për lëndim të rëndë trupor në mënyrë të paligjshme.

Sipas tij kjo do të provohet në të ardhmen e afërt, ndërsa theksoi se i dëmtuari ka pësuar vetëm dëme të lehta trupore, ndaj edhe urdhërarresti dhe paraburgimi nuk janë të justifikueshme.
Ai shtoi se Prokuroria e Pejës “nuk ka guxim” që dokumentacionit mjekësor t’i sigurojë aktekspertim.

Reagimi i plotë:

Dy fjale per Noizyn meqe uren e “hapem” .
Noizy kunderligjshem pandehet per lendim te rende trupor dhe kjo do te provohet ne te ardhmen e afert.
I demtuari ne kete rast ka pesuar vetem demtime te lehta trupore, ndonese jo per fajin e Noizyt e as per shkak te perfshirjes se tij ne kete incident.

Lendimi i lehte trupor nuk justifikon urdherarrestin dhe as paraburgimin. Pike!
Sic duket Prokuroria Themelore ne Peje nuk ka guxim qe dokumentacionit mjekesore t’i siguroje aktekspertim.
Normalisht i kisha ftu me me demantu, por e di qe s’munden e s’kane me cka .
P.S.
Tash ju ftoj me cu pyetje edhe andej, se une si avokat i Noizyt u pergjigjem kur te doni

Genc Gjokutaj ka deklaruar se nuk mund të konceptohet tërheqja e tij nga mbrojtja ligjore e kryetarit të opozitës Sali Berisha, e cila mbart një rëndësi të madhe për vendin.

Gjokutaj tha se mungesa e tij në seancën e fundit gjyqësore për Berishën ishte lidhur me faktin se ka futur këmbën në allçi për shkak të një frakture dhe nuk mund të lëvizë pa paterica, dhe pa u rikuperuar së paku për 6-8 javët në vazhdim.

Por, “uroj Zotin që qëlloi një kohë pushimesh që të rikuperohem për në shtator të vazhdojmë betejën”, nënvizoi ai ndër të tjera.

“Doja të shuaja kureshtjen e publikut, sepse ka pasur disa portale që e kanë konsideruar mungesën tuaj në seancën e fundit si një tërheqje nga çështja “Berisha”. A është e vërtetë kjo, tërheqje nga mbrojtja e z. Berisha në proceset gjyqësore ndaj tij tashmë, që po zgjasin prej muajsh?”, e pyeti gazetarja.

“Mua më vjen vërtet shumë keq që abuzohet në këtë lloj niveli. Nuk mund të konceptohet një tërheqje  e imja nga çështja Berisha, sepse ajo nuk është çështje thjesht e një personi, çështje penale e regjistruar nga SPAK. Ajo është një çështje, zgjidhja e së cilës zgjidh shumë raporte jetësore për Shqipërinë, zgjidh çështjen kombëtare, zgjidh çështjen e identitetit gjinor, zgjidh çështjen e familjes, të integritetit të njerëzve, zgjidh çështjen e shpopullimit, pra, pjesë integrale të programit të PD, të liderit të saj, zotit Sali Berisha dhe pikërisht për shkak të këtyre vlerave që mbart, lideri i PD dhe Partia Demokratike në vetvete me aleatët e saj, Partinë e Lirisë dhe partitë e tjera, ky ka qenë dhe qëllimi i procesit, i “fake proces”it.

Sa i përket gjendjes sime, është e vërtetë: në datën 11 korrik unë kam pësuar një frakturë në gishtin e këmbës, se këta dhe i ironizojnë këto, thonë … “nuk shkon dot në gjykatë se ka thyer gishtin”… Ky është problem dashakeqësie i përzier edhe me injorancë sepse nuk është problemi thjesht i një gishti apo thoi, por është problemi i këmbës së tërë e cila është në allçi e mobilizuar, që do të hiqet pas 6 deri 8 javësh sipas mjekëve. Unë jam në kontroll mjekësor dhe nuk mund të eci pa paterica dhe kjo është e dokumentuar edhe në gjykatë. Uroj Zotin që qëlloi një kohë pushimesh që të rikuperohem për në shtator të vazhdojmë betejën,” tha Gjokutaj.

Kryebashkiaku në detyrë i Himarës, Jorgo Goro, është arrestuar ditën e djeshme me urdhër të Prokurorisë së Posaçme.

Ndërkohë i arrestuar ndodhet dhe kryebashkiaku i zgjedhur Fredi Beleri. Avokati Përparim Çaça, i ftuar në një  emision televiziv tregoi se si mund të zgjidhet ngërçi i Himarës që tashmë nuk ka më kryebashkiak.

Sipas tij, Goro duhet të japë dorëheqjen ose të shkarkohet nga Këshilli i Ministrave. Më pas do të jetë Këshilli Bashkiak që do të emëroj një nga dy nënkryetarët zv.kryetar, që do të gëzojë të gjithë kompetencat e një kryetari bashkie.

“Është një rast i rrallë që kemi  një kryetar të zgjedhur prapa hekurave dhe një kryetar në detyrë që është në arrest në burg. Në këto kushte Bashkia e Himarës do të duhet të administrohet dhe këtë  e ka zgjidhur ligji që në vitin 2015. Në këto raste duhet të ketë një veprim aktiv, ose nga vetë Zoti Goro duke dhënë dorëheqjen ose duhet të shkarkohet nga Këshilli i Ministrave, për shkelje të rënda të Kushtetutës. Më pas do të jetë Këshilli Bashkiak që do të emëroj një nga dy nënkryetarët zv.kryetar. Nëse ka një zv.kryetar, Këshilli Bashkiak voton që deri në zgjedhjet e reja do të duhet ta administratoj ky zv,kryetar. Ky i fundit ka të gjithë pushtetin e një kryetari bashkie”-tha ai.

Një krim i paprecedentë. Kështu e ka cilësuar avokati Gazmend Halilaj, vrasjen e gruas në Prishtinë, e cila në prani të familjes së saj, u vra nga grabitësit. Në një studio televizive avokati tha se prokuroria dhe policia duhet të zbardhin ngjarjen.about:blank

“Është rast tronditës, pasi në 2023 veprohet kështu ndaj një gruaje, ndaj një viktime krejtësisht të pafajshme. Një lajm tronditës që na ka shokuar të gjithëve. Shpresoj që Prokuroria dhe policia të bëjnë të pamundur që të zbardhin detajet.”, tha Gazmend Halilaj.

Avokati tha se ende policia nuk ka një pistë konkrete.

“Mendoj se portalet te ne në këto ngjarje i pasurojnë për klikime, pa pasur asnjë bazë. Janë disa prononcime që nuk kanë bazë. Ata aludojnë se pse kanë shpëtuar burri dhe fëmijët dhe është vrarë gruaja. Ata kanë pasur qëllim që të marrim aq sa munden. Çdo ambient ka kamera sigurie sot dhe më pas shkon drejt autorëve. Kam besim se do të zbulohet ngjarja.”, theksoi ai.