Pamjet e siguruara tregojnë Arlind Demushin, 38-vjeçarin e dyshuar për vrasjen e 40-vjeçarit Hajdar Ismailgeci, duke u larguar nga vendi i ngjarjes në Babrru.

Në video, Demushi shihet duke folur në telefon ndërsa ecën, duke rregulluar rrobat dhe duke fshehur dorën që duket se ka gjak, duke e futur në xhep. Pas kësaj, ai largohet qetësisht në errësirën e lagjes, për t’u arrestuar më vonë në Durrës.

Ngjarja ka ndodhur jashtë një lokali ku viktima dhe autori i dyshuar ishin duke konsumuar alkool së bashku.

Hetimet paraprake tregojnë se konflikti, i nisur për motive të dobëta, përfundoi me sulmin me mjet prerës nga Demushi, që i shkaktoi vdekjen viktimës.

Dosja procedurale është referuar Prokurorisë së Tiranës për veprat penale “Vrasje me dashje” dhe “Prodhimi, mbajtja, blerja apo shitja pa leje e armëve të ftohta”. Hetimet vazhdojnë për zbardhjen e plotë të rrethanave.

Një shkollë në Babrru ra pjesë e grabitjes në Babrru pesë ditë më parë.

Policia ka identifikuar dhe arrestuar sot njërin nga autorët, ndërsa po ndiqen në gjendje të lirë për shkak të moshës, 2 bashkëpunëtorët e tij, nxënës të kësaj shkolle.

E.N., 19 vjeç, u kap dhe vu në pranga, ndërsa për 2 bashkëpunëtorët e tij, ishin të moshave 14 dhe 17 vjeç.

Pajisjet e vjedhura, konkretisht: 3 kompjuterë, 1 laptop, 5 tastiera kompjuteri, 3 monitorë, 1 celular dhe 2 bokse, u gjetën të fshehura nga këta 3 shtetas dhe u sekuestruan nga Policia, me cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.