Lushnje, 26 Gusht 2025,- Një pallat në qytetin e Lushnjes është përfshirë mbrëmjen e sotme nga flakët, duke shkaktuar panik dhe rrezik për jetën e banorëve. Zjarri ka shpërthyer në katet e poshtme të ndërtesës dhe është përhapur me shpejtësi, duke bërë që disa familje të mbeten të bllokuara në apartamente.

Sipas të dhënave paraprake, katër persona janë dërguar në spital në gjendje të mesme për shkak të asfiksisë nga tymi, ndërsa shërbimet zjarrfikëse dhe emergjencat civile po punojnë në vendngjarje për evakuimin e plotë të ndërtesës dhe izolimin e flakëve.

Nuk dihet ende shkaku i zjarrit, ndërsa autoritetet kanë nisur hetimet për të zbardhur rrethanat dhe për të vlerësuar dëmet materiale.

Gjendja e personave të shtruar në spital po monitorohet nga stafi mjekësor dhe sipas raportimeve të para, nuk ka rrezik për jetën e tyre.

Zjarret pyjore që përfshinë Spanjën në gusht përbëjnë “një nga katastrofat më të mëdha mjedisore” që vendi ka pësuar në vitet e fundit, sipas qeverisë, e cila miratoi masa të martën për të përshpejtuar pagesën e kompensimit për të prekurit. 

“Me 15 zjarre të mëdha që ende digjen në vend, “është e qartë se po përballemi me një nga katastrofat më të mëdha mjedisore në vitet e fundit”, tha Ministri i Brendshëm Fernando Grande-Marlaska në një konferencë për shtyp pas një mbledhjeje të kabinetit. 

“Dëmi në infrastrukturë është “padyshim i madh”, shtoi ai, duke vënë në dukje se katër persona kanë vdekur dhe më shumë se 3.5 milionë hektarë janë shndërruar në hi.

Qeveria ka shpallur gjendje fatkeqësie natyrore në zonat e prekura, me qëllim përshpejtimin e shpërndarjes së fondeve, për të vazhduar me përjashtimet nga taksat dhe për të marrë masa të ndryshme të tjera për të mbështetur banorët.

 “Për t’ju dhënë një ide për shkallën e tragjedisë, gjendja e fatkeqësisë natyrore mbulon 16″ nga 17 rajonet e Spanjës”, vuri në dukje ministri, pasi vendimi ka të bëjë edhe me zonat e goditura nga përmbytjet në fillim të verës. 

Qeveria e kryeministrit socialist Pedro Sanchez ka hedhur poshtë edhe një herë kritikat nga opozita, dhe në veçanti nga Partia Popullore (PP), e cila e akuzon atë për vonesë në dërgimin e ndihmës për t’u përballur me zjarret. 

Në Spanjë, menaxhimi i zjarreve në pyje është përgjegjësi e rajoneve. Tre rajonet më të prekura në javët e fundit, Castile-Leon, Extremadura dhe Galicia, qeverisen nga PP.

ITALI- Qyteti i Napolit paraditen e sotme është shkundur nga lëvizja e tokës. Mësohet se një tërmet me magnitudë 4 ballë e shkallës rihter goditi zonën e Napolit në orën 09:14. Deri më tani nuk ka raportime për të lënduar apo dëme materiale.

Përshkak të lëkundjeve shumë banorë dolën të frikësuar nga shtëpitë dhe zyrat e tyre. Për të qenë të sigurt ata u mblodhën në hapësira të hapura si sheshet e qytetit. Për arsye sigurie, qarkullimi i trenave u pezullua dhe Universiteti i Napolit “Federico Secondo” u evakuua.

Njëri nga lajmet, që u përballen ata ishte se: “Donald Trump zgjedh Shqipërinë për pushime! Kalon 3 ditë në Sazan mes luksit dhe misterit”.

Ky ishte lajmi që ka ngjallë më së shumti diskutime mes banorëve, dhe papritmas shumica e banorëve vendosën të anojnë nga kolltuku i së vërtetës, duke besuar se ish-presidenti amerikan kishte vizituar vërtet Shqipërinë dhe kishte kaluar disa ditë në ishullin e Sazanit.

Përveç dikujt që qëndroi më skeptike dhe ka insistuar se lajmi ishte i pavërtetë, dhe ajo ishte Loredana, me argumentimin se “Nuk ka luks në Sazan”.

Dhe faktikisht, ajo kishte shumë të drejtë sepse Ishulli i Sazanit, për shumë vite ka qenë bazë ushtarake dhe ka mbetur jashtë funksionit turistik, nuk ofron resorte luksoze apo kushte për një pushim të tillë siç sugjeronte lajmi.

Bëhet fjalë për momentin kur Gjesti, Danja e Rozana u kapën shah mat teksa përdorinin rrjetin social “Instagram” nëpërmjet një ekran të madh që shërben për promocion i cili ndodhej në dhomën e surprizave.

Në një video të publikuar në rrjet vërehet qartazi momenti kur banorët vijojnë të komentojnë mes tyre rreth Instagramit.

Gjesti i emocionuar tenton që të hapë aplikacionin, ndërkohë Danja e paralajmëron: Kujdes se është e monitoruar.

Plot entuziasëm e humor, banorët tërhiqen mbrapsht në momentin kur produksioni i njofton për të dalë nga dhoma.

Banorët e Lagjes së Re në qytetin e Kukësit kanë bllokuar për rreth 30 minuta hyrjen e rrugës nacionale Prizren-Kukës, në shenjë proteste për mungesën e sigurisë në këtë segment të rrugës.

Gjatë protestës, ata kërkuan rritjen e sigurisë rrugore, zgjerimin e korsive dhe ndërtimin e trotuarëve për të garantuar siguri për këmbësorët.

Në 7 vitet e fundit, kjo rrugë ka shkaktuar vdekjen e afro 10 qytetarëve, ndërsa një ditë më parë, një 51-vjeçar humbi jetën pas një përplasjeje me një automjet që lëvizte me shpejtësi të madhe.

Shtëpia e Big Brother ka qenë relativisht e qetë dhe mbushur me pozitivitet gjatë ditës së sotme. Një atmosferë e tillë është mundësuar nga shpërblimi që Rozana mori gjatë sfidës së “Ninxhave të Natës”, ku për një ditë banorët do të bindeshin çdo urdhri dhe dëshire të saj.

Një nga urdhrat e Rozanës ishte që meshkujt e shtëpisë të vishen si gra dhe t’u shërbejnë banoreve në çdo kërkesë. Ky moment ka sjellë shumë të qeshura dhe ka krijuar një atmosferë të veçantë dhe të ngrohtë në shtëpi. Por, surprizat nuk ndaluan me kaq.

Gjatë pasdites, banorët u vendosën për të zhvilluar një sfiladë si dhe për të dhënë “intervista” dhe në një moment të papritur, Laerti dhe Gjesti shkëmbyen një puthje në buzë. Ky veprim ka qenë një nga momentet më gazmore dhe shokues për disa.

Rizarta si liderë e shtëpisë kishte në dorë të zgjidhte tre banorë për t’iu dhënë imunitet.

Ajo ka zgjedhur veten e saj, Kellyn dhe Mikelën, duke çuar kështu të gjithë banorët e mbetur në nominim.

Ndërkohë pas këtij njoftimi, Gjesti ka thyer kutinë e imunitetit.

Në letër thuhej “mund të zgjedhësh të ndërrosh veten me tre banorë”.

Kështu Gjesti del nga nominimi dhe çon të gjithë të tjerët në nominim.

Ditën e sotme banorët e “Big Brother VIP 4” kanë zgjedhur liderin e shtëpisë më të famshme në Shqipëri. Përmes një zarfi të bardhë, ata u lajmëruan se do të votonin për lider dhe në garë ishte grupi që u përzgjodh nga Top Albania Radio.

“Banorë, Top Albania Radio vlerëson përkushtimin dhe angazhimin tuaj gjatë intervistave dhe përzgjedh si më të spikaturit ato të grupit Egli dhe G-Bani. Të gjithë ju duhet të zgjidhni se kë dëshironi të bëni lider mes Eglit, G-Banit, Rizartës, Valbonës, Danjës dhe Shkëlzenit. Vëllai i Madh iu kujton se ky rol vjen me një avantazh të rëndësishëm në lojë”, shkruhej në zarfin e bardhë që lexoi Ola.

Menjëherë banorët nisën duke dhënë emrin që ata dëshironin të kishin si lider dhe donin që t’i jepnin rolin e rëndësishëm që ka, të cilin ende nuk e dimë se për çfarë bëhet fjalë. Rizarta u zgjodh si lidere e kësaj jave dhe direkt nisi me ndarjen e punëve të shtëpisë. Por jo vetëm kaq, pasi ajo u shpreh se ‘me avantazhin do i vë flakën’.

Gjesti, Valbona dhe Aldo e qajtën veprimin e Laertit si një gjest të shëmtuar vetëm për lojë, me banorët që u përplasën me njëri-tjetri, ndërsa Egli lëshoi një deklaratë të bujshme për banorin, që sipas saj, i pëlqente të nxirat në trup.

Laerti: Kur kam dëgjuar Olën në Prime që tha se i pëlqeja unë, kam parë një afrimitet, një ngrohtësi që mua më ka pëlqyer. Për këtë arsye i kërkova Vëllait të Madh që të kisha një darkë me të. Më dha të drejtën që të kisha darkën e parealizuar.

Valbona: Po gënjen.

Laerti: Valbona çdo dy-tre ditë përfundonte te cepi i “Lori Caffe” dhe më thoshte jetë të lumtur.

Valbona: Zoti Vasili, ke shprehur tre pëlqime në këtë shtëpi. Valbona, Livia dhe tani Ola.

Laerti: Sa për çështjen e Livias, e kam trajtuar si një fëmijë të vogël. Dhe kur kam kam kapur Danjën, e kam pyetur nëse kishte parë ndonjë shikim erotik timin ndaj Livias dhe më tha jo në asnjë mënyrë. Unë kam thënë që nuk zihem me Valbonën. Ajo më ka thënë që të tërhiqem.

Nuk e di pse Egli kujtohet në ditën e 65 për këtë deklaratë. Çdo dy-tre ditë kam pasur nga një përqafim shumë të ngrohtë me Eglin dhe i kam thënë kujdes veten.

Egli: Nuk mundem as unë e askush të gënjejë këtu. Kur vishja një fund të shkurtër, Laerti më thoshte ma trego pak atë të nxirën.

Laerti: Egli po gënjen.

Egli: Arsyeja pse kam duruar pa i thënë gjërat, është pikërisht sepse sjellja tepër e mirë e këtyre njerëzve, është që të bën keq kur i bie. Laertiti i kam thënë një gjë, sa e çuditshme, që kur jemi njohur në fillim, kishe një epsh ndaj meje…

Laerti: Jo, jo. Të kam luajtur skenën e torturës.

Egli: Lëre skenën e torturës. Laerti kishte një afeksion ndaj të nxirave në turp, në Laertin që më kujtoi gjyshin kur më zgjonte në mëngjes.

Laerti: Këtë sjellje, e kam pasur para mesazheve?

Egli: Jo, nuk e ke pasur.