Drejtori i klubit katalunas, Deco sot është takuar me agjentin e Rashford, raporton gazetari Toni Juanmarti.

Këto raportime i konfirmoj edhe gazetari i njohur, Fabrizio Romano.

Transferimi i Rashford pritet të jetë në formë huazimi me të drejtë blerje.

Flick raportohet t’i ketë dhënë “OK” transferimit të anglezit, kurse ky i fundit thuhet se është i gatshëm dhe e do transferimin në “Camp Nou”.

Rashford së fundmi ishte i huazuar tek Aston Villa./lajmi.net/

Barcelona është fituese e Superkupës së Spanjës. Katalanasit shkatërruan me shifrat e thella 5-2 Realin e Madridit, në një finale pa shumë histori.

Dominimi i skuadrës së Hansi Flick, në fund u shpërblye me fitimin e trofeut.
Reali kaloi i pari në avantazh me Mbappe në minutën e 5-të, ndërsa Barça barazoi me Yamal në minutën e 21-të.

Robert Lewandowski shënoi nga penalltia në minutën e 35-të, duke përmbysur rezultatin.

Ishte Camavinga, që me një ndërhyrje të gabuar ndaj Gavit, shkaktoi 11-metërsh. Arbitri rishikoi pamjet në VAR dhe nuk kishte dyshime për penalltinë.

Në minutën e 39-të, Raphinha realizoi të tretin, ndërsa në fund të pjesës së parë shënoi edhe Balde.

Fraksioni i dytë nisi me Barçën më kërkuese dhe në minutën e 48-të, Raphinha shënoi të pestin.

Katalanasit mbetën me 10 lojtarë në minutën e 58-të, pasi Sczesny u ndëshkua me të kuq. Nga kjo përfitoi Real Madrid, që shënoi me Rodrygon për 5-2.

Edhe pse në superioritet numerik, madrilenët nuk ndryshuan dot rezultatin.

Kjo është fitorja e dytë në “El Clasico” për Barcelonën këtë sezon.

Real Madrid kaloi 0-3 pengesën e Leganes, në ndeshjen e luajtur në Estadio Municipal de Butarque.

Los Blancos hasën mjaft vështirësi në pjesën e parë, ndaj një rivali që qëndronte mjaft mirë i mbyllur në prapapavijë. Të besuarit e Ancelottit do gjenin rrugën drejt rrjetës në të 43-tën, ku pas disa pasimesh të bukura, aksioni u finalizua me sukses nga Mbappe.

Goli i dytë i Realit erdhi në të 66-tën, ku Valverde shënoi gol me një gjuajtje tokazi, falë një skeme nga goditja e dënimit. Në fund pati kohë edhe për Bellingham. Kështu, skuadra nga Madridi renditet në vendin e dytë me 30 pikë, 4 më pak se Barcelona kryesuese.

Barça këmbëngul për Joao Cancelo, i cili u rikthye te Manchester City pas huazimit të sezonit të kaluar, por që mbeti ndër objektivat e klubit katalanas. Sipas “Daily Star”, Barcelona ka paraqitur një ofertë, që përfshin tarifë huazimi prej 9 milionë euro dhe detyrim blerjeje prej 23 milionë euro, çka hyn në fuqi në fund të periudhës së huazimit. Kjo marrëveshje e strukturuar, sipas gazetës angleze, konfirmon vështirësitë financiare të klubit katalanas.

“Qytetarët” kanë vendosur një çmim mjaft të lartë për Cancelo; 30 milionë euro. Një shumë që Barça absolutisht nuk mund ta paguajë sot. Mbrojtësi portugez ka kontratë me Manchester City deri në vitin 2027 dhe për këtë klubi anglez nuk ka ndërmend të bëjë “skonto”. Klubi nga “Ettihad” vazhdon të kërkojë një shumë afër asaj që mendon se është vlera e portugezit.

Jorge Mendes, agjenti i lojtarit, po punon me “qytetarët” për t’i ulur kërkesat e tyre. Kjo për shkak se Barcelona nuk do të bëjë asgjë çmenduri për këtë lojtar, pasi ndihet mjaft e mbuluar në rol me Hector Fort dhe Julian Araujo. Katalanasit kanë prioritete të tjera transferimi (Nico Williams dhe, në përgjithësi, përforcimin e sulmit), ndaj për momentin nuk mund t’iu hyjnë aventurave me mbrojtësin portugez.

Barcelona ka zhvilluar një performancë magjike mbrëmjen e kësaj të marte, teksa kanë mundur 3-1, kampionët në fuqi të Italisë, Napolin, duke avancuar në fazën çerekfinale të Champions League.

Goli i Amir Rrahmanit nuk mjaftoi për të mbajtur italianët në lojë, teksa për djemtë e Xavit, Fermin Lopez, Joao Cancelo e “bomberi” polak, Robert Lewandowski dërguan topin në rrjetën e Alex Meret, në minutat 15’, 17’ e 83’, duke siguruar pas plot katër vitesh kalimin për në çerekfinalet e Ligës së Kampioneve.

Kështu, me rezultatin e përgjithshëm 4 me 2, katalanasit tashmë presin shortin e së premtes, për të mësuar emrin e kundërshtarit të radhës, në UEFA Champions League, teksa deri më tani si kundërshtar mund të ketë emra të mëdhenj të futbollit evropian, si Bayern Munich, Manchester City e Paris Saint-Germain.