Të paktën 10 persona kanë mbetur të plagosur, dy prej tyre në gjendje të rëndë, pas përmbysjes së një autobusi në Santa Susanna, rreth 53 kilometra në verilindje të Barcelonës.

Sipas Sistemit të Emergjencave Mjekësore të Katalonjës (SEM), autobusi doli nga rruga në autostradën C-32. Në vendngjarje u dërguan tetë ambulanca, dy helikopterë dhe disa ekipe zjarrfikësish. Në autobusin e aksidentuar ndodheshin 53 pasagjerë. Të plagosurit janë transportuar në spitalet më të afërta, ndërsa dy prej tyre ndodhen në gjendje të rëndë. Autoritetet nuk kanë dhënë detaje të mëtejshme mbi identitetin apo moshën e të lënduarve.

Pamje të publikuara nga shërbimi zjarrfikës i Katalonjës tregojnë pjesëtarë të ekipit të ndërhyrjes brenda autobusit të përmbysur. Ata njoftuan se mjeti është stabilizuar dhe kanë nisur punimet për pastrimin e zonës. Kompania e transportit ka dërguar një tjetër autobus për të marrë pasagjerët që nuk kanë pësuar lëndime.

Sipas SEM, pasagjerët janë sistemuar përkohësisht në një qendër sportive në Pineda de Mar, ku po u ofrohet edhe mbështetje psikologjike. Zjarrfikësit thanë se shumica e pasagjerëve kanë arritur të dalin vetë nga autobusi dhe të ngjiten në një kodër pranë rrugës për t’u larguar nga vendi i aksidentit.

Kompania ajrore Vueling realizoi dje fluturimin e parë nga Barcelona në aeroportin e Tiranes duke i hapur rrugë nj mundësie të re për qytetarët shqiptarë. 

Aeroporti i Tiranës dha lajmin se kjo linjë do funksionojë me katër fluturime në javë.

“Fluturimi i parë i @vueling drejt Tiranës u ul dje në pistën e @tirana.international.airport ! ✈️.