Frenkie de Jong u bashkohet lojtarëve të tjerë të dëmtuar të Barcelonës si Pedri dhe Ronald Araujo dhe nuk do t’i bashkohet përfaqësueses holandeze për ndeshjet e ardhshme me Francën (të premten, jashtë) dhe Gjibraltarin (të hënën, në shtëpi), sfida kualifikuese për Kampionatin e ardhshëm Evropian.

Mesfushori holandez e përfundoi “El Clasicon” shumë i lodhur ndaj Realit të Madridit.

Testet e bëra sot kanë konfirmuar se ai ka nevojë për dy javë pushim për shkak të problemeve muskulare.

Edhe Steven Bergwijn është jashtë skuadrës. Sulmuesi i Ajaxit u lëndua në një tjetër klasike, atë të kampionatit holandez kundër Feyenoordit (2-3). Donyell Malen (Borussia Dortmund), i cili nuk ishte në listën kryesore, pritet të ftohet në vend të Bergwijn, ndërsa për të zënë vendin e Frenkie de Jong do të merret Joey Veerman (PSV).