Erjola Doçi ka treguar hapur se ka nevojë për dashuri.

Në intervistën për “Canape”, Erjola rrëzoi të gjitha deklaratat e saj të mëparshme të cilat i përmendi edhe vetë duke thënë se dëshiron vetëm dikë që ta dojë vërtet. Thënë kjo, ajo dha si shembull Bardhin, duke vlerësuar publikisht veprimet e tij për partneren, Sarën.

Deklarata e Erjolës:

“Unë kërkoja shumë gjëra dikur, por sot në këtë pikë ku jam, duket klishe dhe s’më intereson aspak se si e mendojnë njerëzit, por sot realisht vuan për dashuri, atë emocionin e vërtetë, për këtë vuan sot. Të gjitha të tjerat i gjen, ia mundëson vetes, më përpara thoja jo po mashkulli të jetë burrë me shumë ‘rr’, jo po të jetë nga veriu, jugu, vende të ndryshme, jo po të më japë siguri, do ti që të gjitha këto nuk e definojnë atë që quhet burrë?

A të të jap një shembull kush quhet burrë? Quhet Bardhyl Idrizi, me këtë që bëri së fundmi. Megjithëse e kam shok, nuk po i flas si shoqe, por po ta them këtë si publik. Vajzën që ka në krah ia paragjykuan, la interesat, lekun, suksesin dhe një njeri që hedh poshtë suksesin, famën, të ecurën përpara, mundësitë ekonomike për dikë, kjo është dashuri. Ky është burrë me shumë pantallona dhe atribute për mua, kështu që dua dikë që të më ndjekë në çdo hap të jetës sikurse unë atë. Nuk dua dikë që të më mbushë jetën me lule, por dua dikë që të më japë dashuri”

Duket se gjithcka është sqaruar me vajtjen e Sara Gjordenit në Kumanovë, teksa “drama” më e madhe e ditëve të fundit, e nisur me daljen e Bardhit nga shtëpia e “BBVIP” krejt papritur dhe e vazhduar nga vetë Sara në “luftën” e saj me menaxherin e këngëtarit dhe me të gjithë ata që i kanë dalë kundër për deklaratat e saj, duket mund të ketë pas të gjithash një fund të lumtur. 

Edhe pse Bardhi akoma nuk e ka “follow” Sarën në Instagram, kjo e fundit po qëndron në shtëpinë e këngëtarit, ndërsa më herët sot postoi një foto me të, duke treguar se janë bashkë, teksa tani ka postuar një foto po ashtu me nënën e tij, e cila sic ju bë me dije Bardhit në reality show nuk ishte në gjendje të mirë shëndetësore, po ashtu sic tregoi edhe vetë reperi me anë të disa fotove në Instagram, por tashmë duket se gjithcka është mirë. 

Kështu, ish-Missi ka nxjerrë një foto ku duket se ka kapur dorën e nënës së Bardhit dhe e shtrëngon, teksa i shpreh dashurinë në përshkrimin bashkangjitur, një tregues i qartë, të paktën sipas saj, që gjithcka është mirë mes tyre dhe se tashmë mund ta vazhdojnë lidhjen të qetë, pavarësisht pengesave. 

Epo, ja ku e zgjidhëm edhe këtë hall, tashmë Sara besojmë nuk do kthehet nga Kumanova për ca kohë. 

Banori i BBV, Silvi Forte ka ngritur dyshimet se mund të ketë pasur një romancë me modelen Sara Gjordeni.

Para se të bëhej pjesë e garës, këngëtari ka deklaruar se njihet me ish-Missin dhe kanë pasur një flirt, pa sqaruar më tej raportin që kanë pasur së bashku.

Së fundmi, dyshja janë parë shumë pranë njëri-tjetrit, teksa kanë shkëmbyer edhe një përqafim në oborrin e shtëpisë së BBV.

“Ty të dua në shtëpi”, iu drejtua Silvi Sara Gjordenit, teksa kjo e fundit iu kthye duke e përqafuar.

“Mos na bëhet xheloz Bardhi”, iu kthye Silvi, por modelja ka buzëqeshur duke nënkuptuar që jo.