Një i mitur ka mbetur i plagosur pas një sherri me bashkëmoshatarin e tij. Ngjarja ndodhi në Shkup. “Ministria e Punëve të Brendshme njofton se në datë 17.02.2024 në ora 16:46 në SPB Shkup, nga Spitali i Përgjithshëm i Qytetit “Shën Naum Ohri” është raportuar se tek ta është sjellë një i mitur nga Shkupi me lëndime nga një send i mprehtë.

Sipas njoftimit të MPB-së, ai është plagosur nga një tjetër nxënës i mitur para një shkolle fillore në zonën e ‘Gazi Babës’. Në vendngjarje është gjetur sendi që është përdorur për plagosjen e të miturit, ndërsa autori po merret në pyetje.”, thuhet në njoftim.

Më tej, lidhur me ngjarjen po ndërmerren masa për zbardhjen e rastit.