“Shtëpia e Bardhë” ka reaguar për herë të parë në lidhje me videon virale, ku kryeminsitri Edi Rama shfaqej duke bërë batuta në lidhje me presidentin amerikan, Donald Trump.

Nënsekretarja për mediat, Anna Kelly ka reaguar për gazetarin e Top News, Xhoi Malësia, duke deklaruar se presidenti Donald Trump ka bërë më shumë se kushdo për stabilitetin global.

Kujtojmë se ditën e djeshme ka reaguar vetë kryeministri, i cili tha se ishin thjesht batuta mes miqsh, pa qëllim për të denigruar apo vënë në lojë figurën e presidentit amerikan.

Batutat e kryeministrit Edi Rama me Presidentin e Francës, Emmanuel Macron një ditë më parë në Danimarkë për ngatërrimin e shpeshtë që Presidenti Trump i bënte Armenisë me Shqipërinë, u bënë virale dhe zunë hapësirë në të gjitha mediat botërore.

Në një reagim të mbrëmjes së djeshme kreu i qeverisë shqiptare e cilësoi si shtrembërim mënyrën se si është pasqyruar.

“Sigurisht, nuk ka problem nëse përhapet, por ta shtrembërosh atë në helm politik është thjesht e padrejtë”-shkruante dje Rama.

Donald Trump, presidenti i zgjedhur i SHBA, i cili zyrtarisht merr detyrën më 20 janar 2025, nuk ka kursyer batutat ndaj Elon Musk.

Gjatë një feste gala në Mar-a-Lago në shtetin e Floridës, me skuadrën e tij të kandidatëve për qeverinë e ardhshme, Trump duke bërë shaka me Musk tha se ai nuk mund ta nxirrte më nga prona e tij, dhe duke vijuar batutën u shpreh se “nuk mund ta hiqte dot qafe’.

Në fakt, Musk mund të shihet shpesh në krah të Trump për momentin.

Në fjalimin e tij, Trump tha: “kemi një burrë këtu me një IQ mbresëlënëse të lartë. Unë besoj në inteligjencën e lartë të tij, e cila është ndër më të lartat që ekzistojnë.”

“Elon, çfarë pune po bën”, tha Trump, duke shtuar “ai është i mrekullueshëm, ai është një djalë vërtet i mirë. E dini, atij i pëlqen ky vend. Nuk mund ta largoj nga këtu. Ai thjesht e pëlqen këtë vend. Dhe çfarë? Edhe mua më pëlqen ta kem atë këtu.”

Musk, i cili u emërua nga Trump për të rishikuar efikasitetin e qeverisë, doli në skenë menjëherë pas presidentit të zgjedhur. “Siç tha Presidenti Trump, ne kemi nevojë për sens të përbashkët”, u tha Musk të pranishmëve. “Kyo nuk do të jetë biznes si zakonisht. Ky do të jetë një revolucion”, tha ai.