Belsh, 29 qershor 2025 – Një ngjarje e pazakontë është regjistruar këtë pasdite në pyllin e Dëshiranit, ku një automjet ka marrë flakë dhe është djegur plotësisht. Flakët janë përhapur edhe në bimësinë përreth, duke dëmtuar disa shkurre dhe pemë në zonë.

Zjarrfikësit dhe forcat e policisë kanë mbërritur me shpejtësi në vendngjarje, duke bërë të mundur izolimin e zjarrit dhe shmangien e përhapjes më tej të flakëve. Fatmirësisht, nuk raportohet për persona të lënduar.

Megjithatë, ngjarja mbetet e mbuluar me mister, pasi ende nuk dihet arsyeja pse automjeti ndodhej i vetëm në thellësi të pyllit dhe ku ndodhet pronari i tij. Policia ka nisur hetimet për të zbuluar identitetin e pronarit dhe rrethanat që çuan në djegien e makinës.

Një automjet është përfshirë nga flakët mbrëmjen e sotme në aksin Belsh-Kuçovë. Zjarri ndodhi rreth orës 18:00, në afërsi të fshatit Kajan. Mësohet se një makinë tip “Volkswagen Golf” u përfshi nga flakët. Fatmirësisht nuk pati të lënduar por vetëm dëme materiale.

Zjarrfikësja dhe Policia e Belshit kanë mbërritur menjëherë në vendin e ngjarjes për shuarjen e flakëve dhe nisjen e hetimeve. Gjithashtu po merret dëshmia e drejtuesit dhe do pritet ekspertiza auto-teknike, nëse zjarri është aksidental ose shkaqet që sollën flakët.

Një aksident është shënuar pasditen e së dielës në dalje të Belshit.

Sipas informacioneve paraprake, bëhet e ditur se një automjet ka dalë nga rruga dhe ka përfunduar në një arë, ku më pas ka marrë flakë.

Kanë qenë qytetarë të rastit që kanë nxjerrë në kohë nga makina nënën me fëmijët e saj binjakë, pa shpërthyer ende në flakë, të cilët janë transportuar më pas me një mjet privat drejt spitalit.

Ende nuk dihet gjendja e tyre, ndërsa pritet një njoftim zyrtar nga policia.