BEOGRAD, 30 shtator 2025 – Një ngjarje e rëndë ka tronditur kryeqytetin serb pasditen e së martës, ku një grua 51-vjeçare humbi jetën dhe katër persona të tjerë mbetën të plagosur pas një sulmi me armë në lagjen Višnjička Banja.

Sipas mediave serbe, dyshohet se ngjarja lidhet me një konflikt mes grupeve të tifozëve. Viktima, e identifikuar si D.V., nuk ishte objektivi kryesor i atentatorëve. Ajo humbi jetën në vendngjarje, ndërsa bashkëshorti i saj u plagos rëndë dhe ndodhet në gjendje kritike për jetën.

Nga të shtënat mbetën të plagosur edhe katër persona të tjerë: Lj.M. (42) dhe O.A. (59), të cilët u qëlluan në këmbë, si dhe N.N. (33) dhe D.R. (29), të cilët po marrin trajtim në Qendrën e Emergjencës në Beograd.

Dëshmitarët raportuan se rreth dhjetë persona dolën nga një furgon i bardhë dhe hapën zjarr ndaj një individi brenda lokalit, por plumbat goditën edhe të pranishmit e tjerë.

Policia serbe ka vënë në zbatim operacionin “Vihor 3” dhe është në kërkim të furgonit të bardhë dhe të paktën dy autorëve të dyshuar. Zona e Palilulës është bllokuar plotësisht, ndërsa në vendngjarje është sekuestruar një armë zjarri. Hetimet po drejtohen nga Zyra e Prokurorit të Lartë Publik në Beograd.

Kryetari i Partisë Demokratike, Sali Berisha, ka reaguar ashpër pas publikimit të një videoje në rrjetet sociale, ku shfaqet një tifoz që nxirret nga stadiumi nga forcat e policisë shqiptare. Sipas Berishës, i riu është ndaluar vetëm sepse mbante veshur një bluzë me mbishkrimin “UÇK”.

Në një postim të publikuar sot në Facebook, Berisha e ka quajtur këtë veprim si një akt të shëmtuar dhe antidemokratik, duke e krahasuar situatën me Beogradin dhe duke e akuzuar qeverinë shqiptare për veprime që, sipas tij, bien ndesh me interesin kombëtar.

“As në Beograd nuk ndodh! E nxjerrin tifozin nga stadiumi se kishte një bluzë me stampë të UÇK! Dënoj me neveri një akt të tillë të shëmtuar antidemokratik prej vasali të Edi Ramës dhe narko-regjimit të tij!”, shkruan Berisha në reagimin e tij.

Ish-kryeministri ka ndarë gjithashtu një mesazh që thotë se i është dërguar nga vetë tifozi, i cili pretendon se është nxjerrë nga stadiumi në mes të Tiranës, vetëm për shkak të bluzës që kishte veshur. Ai thekson se kjo ka ndodhur “jo në ndonjë vend të huaj, por në zemër të Shqipërisë”.

Ngjarja ka shkaktuar reagime të shumta në rrjete sociale dhe ka ngjallur debate mbi lirinë e shprehjes dhe simbolikën kombëtare në vendin tonë. Deri tani, nuk ka ende një deklaratë zyrtare nga Policia e Shtetit lidhur me incidentin.

Deputeti socialist Erion Braçe ka reaguar pas ndeshjes së mbrëmjes së djeshme mes Shqipërisë dhe Serbisë, e cila përfundoi me rezultatin 0-0. Në një postim në rrjetet sociale, Braçe u shpreh kritik ndaj mungesës së qetësisë para portës dhe theksoi se Kombëtarja humbi një mundësi të madhe për të dalë me fitore.

Sipas tij, Serbia ishte më e dobët se kurrë dhe Shqipëria pati të paktën pesë raste të pastra për gol, përfshirë edhe një penallti të mundshme. Ai shtoi se mungoi profesionalizmi në momentet vendimtare.

Ndeshja mund të luhet në një qytet tjetër për shkak të sigurisë dhe frikës për një përplasje të mundshme midis tifozerive…

SERBI – Ndeshja eliminatore Serbi-Shqipëri e vlefshme për Kupën e Botës 2026, edhe pse është 7 muja larg, nuk do të luhet në Beograd.

Kombëtarja serbe do t’i presë kuqezinjtë në vendin e tyre më datë 11 tetor të këtij viti, por jo në kryeqytet, por në një vend tjetër. Përballja Serbi-Shqipëri me gjasa do të zhvillohet në Novi Sad.

Ndërkohë, dihet nga UEFA, se tifozët kuqezinj të Shqipërisë thuhet se nuk do të lejohen në stadium për shkaqe sigurie. Sakaq, edhe në Tiranë në muajin qershor nuk do të ketë tifozë serbë ngaqë janë të dënuar të UEFA për shfaqjet e tyre raciste.

Organizatorët e protestës në Beograd, kundër minierave të litiumit, Zllatko Kokanoviq dhe Nebojsha Petkoviq, kanë bërë të ditur se para tubimit të 10 gushtit, janë ftuar për intervistim prej Agjencisë së Sigurisë dhe Informacionit në Serbi (BIA).

Ata kanë bërë të ditur në faqen e tyre në Facebook se janë liruar pas një bisede të shkurtër dhe janë paralajmëruar që, bllokadat e përfolura pas protestës, janë ilegale, dhe që duhet të bëhen gati për t’u përballur me pasoja.

“Mendoj që informimi i publikut na ka shpëtuar prej një ndalimi të gjatë”, ka thënë Petkoviq përmes një video-adresimi.

Ai ka thënë se ata po organizojnë protestë paqësore, që bllokadat nuk janë asgjë e re, dhe që nuk kanë synim për të hyrë në institucione.

“Ata kanë arrestuar njerëz në Suboticë dhe vende tjera”, ka thënë mes tjerash Petkoviq.

BIA nuk u është përgjigjur pyetjeve të Radios Evropa e Lirë se pse Petkoviq dhe Kokanoviq janë ftuar për intervistim. Protestat kundër minierave të litiumit janë mbajtur në disa qytete në Serbi që disa javë, ndërsa organizimi kryesor është caktuar në mbrëmjen e së shtunës, në qendër të Beogradit.

Protestuesit e konsiderojnë 10 gushtin si afat të fundit për Qeverinë e Serbisë që të miratojë një ligj për ndalim të përhershëm të eksplorimit gjeologjik dhe shfrytëzimit të litiumit të Serbisë. Presidenti serb, Aleksandar Vuçiq, u ka thënë gazetarëve më 9 gusht se “shërbimet ruse të sigurisë kanë paralajmëruar për përgatitje të trazirave masive në Serbi, dhe që qëllimi kryesor është një puç dhe përmbysja e udhëheqësisë së shtetit”.

Organizatorët e protestës, prej organizatave për mbrojtje të ambientit, i kanë ftuar qytetarët në atë që e kanë konsideruar tubim paqësor. Ata besojnë se nxjerrja e litiumit do të shkaktonte pasoja të pakthyeshme për ambientin.

Vala e re e protestave vjen pas vendimit të Qeverisë së Serbisë, të 16 korrikut, për të çuar përpara projektin e ndërtimit të minierës së litiumit në luginën Jadar, pasi ai ishte pezulluar më 2022. Më 19 korrik, Qeveria e ka nënshkruar në Beograd një “Memoradum për lëndët e para kritike” me Bashkimin Evropian, i cili parasheh një zinxhir të plotë prodhimi – prej minierës së litiumit në Jadar, deri te prodhimi i baterive për makina elektrike./ REL

Presidenti serb, Aleksandër Vuçiç tha se zgjedhjet në Beograd do të mbahen më 2 Qershor. Sipas tij, është e rëndësishme që të respektohen rekomandimet e ODIHR-it. Presidenti serb pretendoi gjithashtu se nuk ka pasur asnjë presion nga jashtë për mbajtjen e zgjedhjeve të përsëritura në Beograd.

“Të gjitha zgjedhjet do të mbahen brenda afatit ligjor dhe kushtetues. Është e saktë juridikisht, data e fundit për shpalljen e zgjedhjeve në Beograd është 3 prilli dhe duhet të shpallet nga kryetari i Kuvendit. Afati i fushatës është nga 45 deri në 60 ditë, pra deri më 2 qershor. Të gjithë nga SNS janë pro që zgjedhjet në Beograd të mbahen më 28 prill.

Meqenëse kanë respekt për atë që kam bërë për vendin dhe partinë, pranuan që më 2 qershor të ketë zgjedhje në Beograd. Të gjitha të tjerat lokale brenda afatit ligjor. Mendoj se është ende e rëndësishme që ne të kemi një zgjedhje që të gjithë do të thonë – ky është rezultati. U bëj thirrje njerëzve të Ministrisë së Punëve të Brendshme që të zbatojnë me rigorozitet ligjin për ndryshimin e qendrave të votimit deri në formimin përfundimtar të listës zgjedhore.”, tha Vuçiç.