BERAT- Një aksident rrugor është regjistruar pasditen e sotme në rrugën hyrëse të Fier-Sheganit, në aksin nacional Lushnjë–Berat. Nga të dhënat e para, mësohet se një automjet tip “Toyota”, me drejtues A. G., rreth të 30-tave, ka dalë nga rruga në një kthesë për shkak të shpejtësisë së lartë.

Shoferi është nxjerrë nga automjeti dhe është transportuar me urgjencë në spitalin e Lushnjës, ku ndodhet nën kujdesin e mjekëve. Në vendngjarje kanë mbërritur forcat e Policisë Rrugore dhe zjarrfikësit e Lushnjës, megjithatë ndërhyrja e këtyre të fundit nuk ka qenë e nevojshme.

Policia ka nisur hetimet për zbardhjen e plotë të rrethanave të aksidentit dhe po punon për disiplinimin e trafikut në zonë.

Një aksident i rëndë ka ndodhur mbrëmjen e kësaj të diele në aksin Lushnjë-Berat.

Ngjarja ka ndodhur në fshatin Cinar, ku babë e bir janë përplasur nga një automjet.

Dy të plagosurit janë dërguar në spitalin e Lushnjës, në gjendje të rëndë shëndetësore.

Ende nuk dihen rrethanat e aksidentit, ndërsa policia ndodhet në vendin e ngjarjes.

Pak e dinin që përveç televizionit, Sara Gjordeni ka pasur një të kaluar të shkëlqyer edhe në një tjetër fushë: lojën e shahut.

Në një postim të fundit në rrjetet sociale, teksa ndau një foto të vajzës së saj të vogël pranë një tavoline shahu, Sara zbuloi se ka qenë 12 herë kampione për të rinjtë në rrethin e Beratit, brenda një periudhe prej 6 vitesh.

“A e dini se mami i Neas ka qenë 12 herë kampione për të rinjtë në rrethin e Beratit?”, shkroi ajo, duke treguar një aspekt krejt të panjohur të jetës së saj para ekranit.

Ky detaj i papritur ka ngjallur interes të madh te ndjekësit e saj, të cilët e kanë përgëzuar për këtë arritje jo të vogël në një fushë që kërkon përqendrim, strategji dhe inteligjencë.

BERAT- Një 30-vjeçar është vënë në pranga nga policia në Berat. Mësohet se arrestimi i tij ka ardhur pasi ai po ndërtonte një hotel pa leje. Objekti trekatësh po ndërtohej në lagjen “Barrikadë”. I arrestuari është identifikuar me incialet A. G. Ai akuzohet për veprën penale “Ndërtimi i paligjshëm”.

“Në vijim të punës për parandalimin, evidentimin dhe goditjen e rasteve të ndërtimeve pa leje, shërbimet e Komisariatit të Policisë Berat, bazuar në informacionet e siguruara në rrugë operative se një shtetas kishte ndërtuar, pa leje, në lagjen “Barrikadë”, kanë kryer kontrolle në këtë zonë. Gjatë kontrolleve u konstatua se shtetasi A. G. kishte ndërtuar pa leje, një objekt trekatësh, të destinuar si hotel.

Në vijim të veprimeve për këtë rast, specialistët për Hetimin e Krimeve të Komisariarit të Policisë Berat arrestuan në flagrancë shtetasin A. G., 30 vjeç, banues në Berat. Materialet procedurale iu referuan Prokurorisë së Beratit, për veprime të mëtejshme, për veprën penale “Ndërtimi i paligjshëm,” thuhet në njoftimin e policisë.

Një ngjarje e rëndë aksidentale u regjistrua pasditen e djeshme në një kantier ndërtimi në lagjen “Kushtrim” në qytetin e Beratit. Një punëtor 66-vjeç (murator) ka qënë duke punuar dhe ka rënë nga kati i tretë i ndërtesës.

Ai u transportua menjëherë drejt Spitalit Rajonal Berat, ku megjithë ndërhyrjen e mjekëve, nuk mundi dot ti mbijetojë plagëve të marra dhe vdiq disa minuta pas mbërritjes në spital. Në vendngjarje shkuan forca të shumta policie si dhe grupi, që po vijoj punën për zbardhjen plotë të rrethanave të ngjarjes.

Një ditë pas ngjarjes, DVP Berat konfirmon se, pas kryerjes së verifikimeve të nevojshme, është shpallur në kërkim 65-vjeçari Tahir Numani, pronar i firmës BIFFER & CO SHPK, i cili u arratis menjëherë pas ngjarjes, pa dhënë asnjë shpjegim.

Burimet zyrtare të DVP-së Berat konfirmojnë se ka filluar proçedimi penal edhe për teknikun e firmës, shtetasin S.B,69-vjeç.Pronari Tahir Numani dhe tekniku i firmës akuzohen për veprën penale “Shkelja e rregullave të mbrojtjes në punë”.

Siç edhe mund të shihet qartë nga pamjet filmike, të siguruara nga përditshmëria e punës në këtë Kantier, shihet qartë se punonjësit punojnë pa asnjë siguri. Ata shihen të palidhur, të papajisur me mjete mbrojtëse dhe pa asnjë parmak rrethues që ti mbrojë nga rënia. Viktima Ramadan Hatija, i është nënshtruar mbrëmjen e djeshme autopsisë mjeko-ligjore, cila ka konfirmuar se viktima nuk ka pësuar asnjë arrest kardiak, nuk ka pasur luhatje tensioni dhe në gjak nuk ka pasur alkool.

Sipas autopsisë, plagët më të rënda që kishte marrë viktima ishin në kokë. Ndërkohë që mesditën e sotme trupi i pajetë i 66-vjeçarit Ramadan Hatija, banues në lagjen “Uznovë” është përcjellë për në banesën e tij të fundit, pronari i firmës Tahir Numani është në arrati, pas dhënë asnjë shpjegim se përse mungonin kushtet e sigurisë teknike në këtë kantier ndërtimi, ku disa muaj më parë është plagosur gjatë punës një tjetër punëtor. Që prej ditës së djeshme, kantieri i ndërtimit të këtij pallati është mbyllur nga policia për disa ditë, deri në përfundimin e hetimeve të para të ngjarjes.

BERAT- Punonjësi i një firme ndërtimi në Berat ka humbur jetën sot në spital. Sipas policisë, rreth orës 15:30, viktima 66-vjeçar, dyshohet se është rrëzuar nga kati i tretë i një pallati në ndërtim në lagjen “Kushtrimi”. Ndërkohë, grupi hetimor është në vendngjarje dhe po punon për zbardhjen e rrethanave të rastit.

Njoftimi i policisë:

Berat/Informacion paraprak

Rreth orës 15:30, dyshohet se është rrëzuar nga kati i tretë i një pallati në ndërtim, në lagjen “Kushtrimi”, punonjësi i firmës së ndërtimit, shtetasi R. H., 66 vjeç, banues në Berat. Si pasojë ai ka humbur jetën, në spital. Grupi hetimor është në vendngjarje dhe po punon për zbardhjen e rrethanave të rastit.

Një makinë është përfshirë nga flakët në rrugën e Mimiasit në fshatin Rroshnik në Berat. Ngjarja ka ndodhur në orë 20:30 minuta dhe makina është shkrumbuar plotëshisht.

Pas njoftimit të marrë, në vendngjarje kanë shkuar repartet zjarrëfikëse që në një kohë të shkurtër kanë bërë të mundur lokalizimin e flakëve, shuarjen e zjarrit dhe shmangien e përhapjes së flakëve drejt masivit me pisha dhe parcelave me ullinj.

Sipas zjarrëfikësve, shkak për zjarrin në makinën tip Peugeot që ishte në pronësi të shtetasit Vangjel Bitri, banues në Berat, mund të ketë qenë një defekt në qarkun elektrik.

Sipas zjarrëfikësve, Bitri kishte shkuar në parcelën që ka në pronësi në Mimias dhe mjeti mori flakë rreth 40 minuta pasi ishte fikur dhe parkuar në rrugën e Mimiasit.

Janë bërë publike pamjet e shpërthimit të kryer me lëndë plasëse mëngjesin e së djelës në derën e një lokali në lagjen “Çlirim”.

Nga videoja e kamerave të sigurisë duket qartë se në orën 03:58 minuta një automjet, tip BMW me portobagazh ndalon para derës së lokalit për disa sekonda. Nga mjeti nuk zbret asnjeri por nga xhami i dritares së parë të pasagjerit hidhet diçka në derën e lokalit dhe makina largohet nga vendngjarja. Vetëm gati një minutë më vonë lënda e hedhur shpërthen para derës së lokalit,duke shkaktuar vetëm dëme materiale.

Burimet policore,që disponojnë edhe këto pamje filmike dalin në konkluzionin se në mjet kanë qënë dy ose më shumë persona dhe se askush nuk ka dalë nga mjeti pasi ishin në dijeni të kamerave përreth dhe nuk donin të identifikoheshin.

Po të një njëjtat burime konfirmojnë se lënda plasëse e hedhur në derën e lokalit të shtetasit Sali Fetiu është hedhur me fitil të ndezur.Burime nga policia konfirmojnë se po hetohet bë disa pista dhe se deri më tani janë shoqëruar disa persona por nuk ka ende një person të identifikuar si të përfshirë në këtë ngjarje.

Lokali në pronësi të shtetasit Sali Fetiu vijon të jetë i mbyllur prej 2-vjetësh dhe në xhamat e tij shihet tabela “Jepet me qera”. Grupi hetimor po vijon veprimet,me qëllim zbardhjen e rrethanave të rastit dhe identifikimin e kapjen e autorit/ve. Dyshohet se hedhja e lëndës plasëse ka qënë një paralajmërim për djalin e pronarit të lokalit,37-vjeçarin Asllan Fetiu.

Ky i fundit, në 24 Mars 2025 ka plagosur me thikë në lokalin përballë një klient 85-vjeç që gjendej brenda në lokalin ku 37-vjeçari Asllan Fetiu,në gjendje të dehur,ka kërkuar një shtetas në lokal dhe pasi juk e ka gjetur ka qëlluar me thikë klientin 85-vjeç Todi Biçaku.

Burimet policore bëjnë me dije se plagosja e dy muajve më parë nuk është pista e vetme ku po hetohet,por po hetohet edhe në pistën e larjes së hesapeve të pazareve të prishura të bizneseve të kundraligjshme jashtë shtetit.

Një 40-vjeçar nga fshati Duhanas në Berat ka humbur jetën pasditen e sotme, duke u vetëvarur.

Viktima, i identifikuar me inicialet F.K., kishte probleme të shëndetit mendor dhe është gjetur i vetëvarur në një pemë pranë shtëpisë së tij.

Familjarët e tij kanë njoftuar policinë, ndërsa forcat e policisë dhe zjarrfikësit kanë ndërhyrë për të nxjerrë trupin e pajetë të viktimës nga zona e thepisur ku ai e kishte realizuar vetëvrasjen.

Një zjarr ka përfshirë pasditen e sotme një sipërfaqe të pyllit me pisha në fshatin Veterrik, Njësia Administrative Velabisht. Banorët e zonës njoftuan menjëherë për flakët, ndërsa në vendngjarje mbërritën shpejt forcat zjarrfikëse me dy mjete përkatëse.

Gjithashtu pas ndërhyrjes në kohë, flakët u vunë nën kontroll duke shmangur përhapjen e mëtejshme të zjarrit. Sipas burimeve zyrtare nga shërbimi zjarrfikës, bëhet e ditur se janë djegur rreth 300 metra katrorë pyll me pisha.

Gjithashtu autoritetet dyshojnë se zjarri mund të jetë i qëllimshëm, ndërsa hetimet po vazhdojnë për të zbardhur shkaqet e plota.