Aktivistja shqiptaro-amerikane Evi Kokalari ka shpërthyer në akuza ndaj kryetarit të Partisë Demokratike Sali Berisha, të cilin e akuzon për ligjin 7501 të vitit 1991 për ndarjen e tokave, ligj që në fakt siç e cilësojnë edhe juristët apo ekspertët, ka shkaktuar të gjithë konfliktet e pronave të qytetarëve.

Në një postim në rrjetin social Facebook, Evi Kokalari thotë se vrasja e gjyqtarit Astrit Kalaja rëndon mbi Sali Berishën, pikërisht për faktin se pikërisht gjykatësi po jepte një vendim në lidhje me konflikt pronësie mes disa palëve.

Nga ana tjetër, aktivistja shqiptaro-amerikane akuzon Sali Berishën se djali i tij është i përfshirë në një ndërtim pranë Pallatit të Kulturës, një nga zonat më të shtrenjta të Tiranës. Sipas Evi Kokalarit, ky ndërtim është mundësuar nga vetë Sali Berisha kur ishte President në periudhën 1992-1997.

Kujtojmë se ish-Kryeministri Sali Berisha është i shpallur non grata nga Shtetet e Bashkuara të Amerikës. Berisha ka lobuar me 6 milionë dollarë për të hequr sanksionet, por kjo nuk ka ndodhur.

E në lidhje me këtë, aktivistja Kokalari i drejtohet Berishës duke i thënë: “Ato sanksionet që nuk t’u hoqën, dhe pse le 6 milionë dollarë në tavolinë, e ke menduar ndonjëherë pse”?

Postimi i Evi Kokalarit:

Sali Berisha, këtë djalin që nxorre në fushatë me Lapajn në Mars të 2023 se të trëmbi fakti që të thashë do dal veç po nxjerrë tashti në garë të bashkisë? Dhe ja kështu dhe ti dhe Meta nxorrët kokën.

Në atë kohë gjithashtu i dhe dritë jeshile pseudo-konservatorëve që i përdor si leckë, të bënin ‘konferencën’ e tyre, dhe ata e bënë, super të eksituar duke menduar se ‘konservatorizmin’ do e mbanin si medalje, dhe prapë s’kuptojnë pse nuk j’u ngjit si etiketim. Përgjigja është ‘hipokrizia;.

Dhe LaCivita nuk pati efektin që pata unë pranë teje, sepse sërisht, ky popull nuk është budall, paçka që ty të duket vetja gjeni që mund ti gënjesh. Apo janë injorantët si Peka dhe Shkëlzen naivi që mendojnë se këto do t’ja ushqeni akoma publikut?

Nejse, të paktën tashti vërtetuam burimin e fondeve që Binajn, Lapajn dhe Çepanin kishin kur nisën këtë lëvizje por refuzonin të na e tregonin.

45,000 euro paradhënie për zyrat, 70,000 euro+ udhëtimet në SHBA dhe Europë për diasporën, a thua se do merrni dhe atë mbështetje prej meje. Diaspora nuk gënjehet aq kollaj.

Lapaj një vënd në parlament e kapi. Unë u largova në atë kohë sepse jam aq e zgjuar sa mos të lë veten të konsumohem nga llumi yt dhe i Metës, por një pyetje kam:

Ato sanksionet që nuk t’u hoqën, dhe pse le 6 million dollarë në tavolinë, e ke menduar ndonjëherë pse?

Ai është dëmi më i madh që të është bërë ty dhe familjes tënde, dhe ai dëm do të thellohet, sepse atë përdhunim që kam parë t’i bëni atij vëndi, më është kthyer në mision jete. Brezat e tu të ardhshëm do e vuajnë këte, ja ashtu siç vuajtën brezat e atyre që u persekutuan nga komunistët sepse donin të shpëtonin Shqipërinë, dhe pastaj ranë në kurthin tënd dhe të besuan të ardhmen por ja shkatërrove totalisht.

Ja, ashtu siç shkatërrove Gjon Shkambin dhe të ndjerin gjykatës që humbi jetën sot.

Ti je fajtor i drejtpërdrejtë, ndërkohë yt bir po ndërton në një nga tokat më me vlerë në Tiranë – tek Pallati Kulturës, që nuk është as tokë e tij, por ja mundësove ti kur ishe President në 1992-1997!!

Nëse ti mendon që një ditë ajo nuk do ti merret, gabim shumë je.

Dhe Shkëlzeni dhe Argita do t’i paguajnë këto. Ju të gjithë do paguani, dhe këtu fus dhe Ramën dhe Metën.

Këtë beteje ti se ke fituar fare. E vetmja fitore e jotja do të ishte të dilje nga loja vjet, kur të thashë ta bëje, mbasi fitoi Trump, dhe të më lije të futesha në garë kundër Ramës. Do e kisha fituar pa qenë nevoja të sillja gjithë Latifët e Trumpit në Tiranë.

Dhe ti, mund të vazhdoje me ata që të zhvatën siç duhej atë 6 milionë dollarshin, e ndoshta dhe mund të ti kishin hequr sanksionet, por ta kam thënë, të zgjuar nuk jeni. Dinak po. Por finesë, finokëri dhe zgjuarsi NUK keni, ndryshe do ti kishit zgjidhur problemet tuaja me kohë.

Vdekja e gjykatësit dhe kjo ngjarje tronditëse, bie direkt mbi ty vetë, dhe ligjin 7501 me të cilin zhvatët një popull të tërë.

Ja, kjo është trashëgimia jote politike. Çfarë turpi!

Pak ditë pasi Tedi Blushi konfirmoi krijimin e grupit parlamentar te Partisë së Lirisë, kryerepublikani Fatmir Mediu deklaron se janë në bisedime me Partinë Demokratike për të krijuar edhe grupe te tjera opozitare.

Jo vetëm Ilir Meta, edhe aleatët historik të Partisë Demokratike presin që Sali Berisha tu bëjë nderin e fundit.

Në prag të legjislaturës së re, Fatmir Mediu konfirmoi bisedimet me Partinë Demokratike qe mban hapur merkaton e transferimit te deputeteve brenda kampit opozitar. Për kryerepublikanin konfigurimi i opozitës në Parlament bëhet jo vetëm për qëllim te përfitimit te benefiteve që gëzojnë grupet kuvendore.

“Kemi bërë konsultime ideja është që të ketë dy tre grupe parlamentare që të funksionojnë me qëllime dhe qëndrime të përbashkëta opozitare nuk mund të ketë grupe parlamentare që krijohen thjesht për t’i dhënë hapësira për të folur, por për të vepruar në mënyrë të përbashkët. Qëndrimet që mbahen ne mbledhjen e Kryesisë së Kuvendit dhe sallën e Kuvendit kanë vlerë kur ka grupe parlamentare të ndryshme nëse janë qëndrime që koordinohen me njëri-tjetrin”, u shpreh Mediu për Top Channel.

Sali Berisha duhet të nxitojë t’i japë zgjidhje jo vetëm dilemës se grupeve kuvendore, por edhe raportit që Partia Demokratike do ketë me Kuvendin e ri që në bindjen e kryedemokratit është produkt t i një farse elektorale.

Por, në një kohë që demokratët janë ende të paqartë për aksonin e shtatorit, jashtë oborrit blu, idetë nuk mungojnë se cila duhet te jetë marrëdhënia e opozitës më parlamentin.

“Që është një farsë elektorale kjo është e qartë dhe është e dëshmuar edhe nga raporti i OSBE/ ODIHR, por unë mendoj se opozita ka detyrën e vet për ta kthyer parlamentarizmin shqiptar në bazë ligjore dhe Kushtetuese. Dhe e është provuar se çdo lloj bojkoti nuk ka qenë asnjëherë efektiv. Dhe brenda kësaj duhet të jetë e ashpër sepse kemi të bëjmë me situatë të papranueshme, por duhet të jetë e logjikshme që shqiptarët ta kuptojnë sa më mirë”, tha kreu i PR-së.

Koalicioni opozitar ia doli të sigurojë vetëm 50 mandate ne zgjedhje. Sali Berisha vendosi ti strehojë në listë të sigurtë aleatët, të cilët nëse bëheshin të gjithë bashkë, arrinin numrin 7, që përbën kuotën minimale për formimin e një grupi parlamentar, por doktori vendosi që nderin me te madh t’ia bëjë Ilir Metës.

Ekuacioni për krijimin e grupeve te tjera vështirësohet pasi krahas republikaneve dhe agrarëve, aleanca e Partisë Demokratike përfshin edhe përfaqësuesin e grekëve, Vangjel Dule dhe Mesila Dodën e çamëve.

Ish-kryebashkiaku socialist i Kavajës, Elvis Roshi është pozicionuar sot publikisht pro liderit të PD-së, Sali Berisha në zgjedhjet e 11 Majit.

Në një status në faqen e tij në facebook, ai ka konfirmuar pjesëmarrjen në mitingun e demokratëve dy ditë më parë, për të cilin tha se ka mbështetur kushëririn, Elton Roshi që kandidon në listën e hapur të demokratëve.

Roshi shkruan se nuk ka shkuar i maskuar në atë miting, por ka vendosur kapuç për shkak se po binte shi.

“Unë nuk i fshihem askujt e nuk maskohem prej askujt. Unë isha në atë takim elektoral sepse unë mbështes kushuririn tim, djalin e xhaxhait, birin e Kavajës, Elton Rroshi. Dhe për të mbështetur njeriun e familjes time, unë nuk kam as frikë, as drojë e asgjë tjetër”, shkruan ish-kryebashkiaku socialist.

Elvis Roshi ka qenë ndër “viktimat” e parë të ligjt të dekriminalizimit të iniciuar nga PD-ja në Kuvend, kur u detyrua të jepte dorëheqjen pasi iu zbulua se kishte mbajtur të fshehtë një dënim në Itali.

Ish-kryeministri Berisha ka bërë një sërë deklaratash kundër Roshit gjatë kohës që ai mbante detyrën e kryetarit të Bashkisë së Kavajës, ndërkohë që duket se për zgjedhjet e 11 Majit gjithçka është lënë pas krahëve, kur vetë Roshi ia ka harruar akuzat Berishës.

Kryeministri Edi Rama vijon të ironizojë kryetarin e Partisë Demokratike, Sali Berisha.

Në një videon e postuar nga kreu i qeverisë në llogarinë e tij në Facebook, shihen disa bufa ndërkohë dërgohet “Narkodiktaura ka pasur probleme të shumta.

Së pari narkodiktatori i këtij vendi të shëtiste në Europë dhe botë me atlete të bardha të hiqet si sportist apo piktor, ndërkohë që është personi që arrestonte tre lider të opozitë  në projektin e tij ‘Shqipëria po opozitë’”.

Fatmirësisht, të gjitha shantazhet dhe presionet kanë rënë të vesh të shurdhët.

Dosja voluminoze e SPAK për Sali Berishën dhe akuzat e ngritura ndaj Ilir Metës tregojnë se linçimi ndaj drejtësisë është i kotë dhe nuk funksionon. Pavarësisht zhurmës mediatike, gjithçka vijon si më parë në jetën shoqërore dhe politike dhe ky është një ogur shprese se pas tyre kushdo që do të goditet, nuk është se do t’i bëjë kujt përshtypje.

Pas Berishës dhe Metës, pazëlli nuk mund të jetë i plotë edhe pa përballjen e Edi Ramës me drejtësinë, si një nevojë urgjente për ta ndëshkuar këtë klasë politike thellësisht të korruptuar dhe për t’i hapur rrugën një klase që të ketë frikë nga drejtësia, që të ketë modele të ndëshkueshmërisë përpara syve, të matet dhe mendohet mirë kur të mundohet të korruptojë, të ndikojë në mënyrë të paligjshme, të bëjë pastrim parash duke bashkëpunuar me krimin apo me oligarkinë që përfiton nga marrëdhënia me politikën favore që nuk i takojnë.

Nëse rastet e Berishës dhe të Metës tashmë janë në duart e drejtësisë, për Edi Ramën mjafton të merret si indicie rasti i deputetit të Shijakut, J. Çyrbja, i cili ishte jo vetëm i deleguari i krimit në listën e PS-së, por bandat dhe krimi i organizuar investoheshin që ai të kishte një vend të sigurt në listën e deputetëve. Sigurisht që njeriu përgjegjës për listën e deputetëve është Edi Rama, i cili në këtë rast nuk mund të justifikohet se Çyrbja ka ngrënë kumbulla prapa kurrizit të tij, por është vetë Rama ai që kumbullat e krimit të Shijakut dhe të Durrësit i ka bërë reçel në hartimin e kësaj liste dhe vendosjen e tij në vend të sigurt, sipas porosisë së bandave.

Në këtë kuptim, ashtu sikurse për dy të parët, që filluan si dy akuza të lehta në dukje dhe pastaj Prokuroria e Posaçme nëpërmjet metodave të sofistikuara shkoi deri te hetimi pasuror, kjo indicie në rastin e deputetit të Shijakut, le t’i shërbejë SPAK për të filluar një hetim ndaj kreut të PS-së, Edi Rama, për krim zgjedhor dhe për ndikim të paligjshëm të botës së krimit në zgjedhje.

Kështu Prokuroria e Posaçme dhe GJKKO-ja do ta plotësonin panoramën e dhënies fund të pandëshkueshmërisë në një vend që ka vuajtur nga mungesa e drejtësisë dhe nga arroganca e pushtetit.

Kjo le të shërbejë edhe për të tjerët që do të vijnë nga pas, që të jenë më pak arrogant dhe të kenë më shumë frikë ndaj drejtësisë, në mënyrë që kur të firmosin apo kur të bëjnë akte publike, të kenë shembullin e treshes së mëparshme, e cila, pavarësisht se shiu për vite me radhë, në fund u përballë me produktin e punës së vet.

Lexo të radhës

Zgjidhni një çift kërcimi dhe zbuloni se çfarë lloj marrëdhënieje

A e dije se çdo qelizë e trupit tënd, i dëgjon mendimet e tua?

Rey Manaj nuk ndalet shënon dygolësh në Turqi

Ka përfunduar mbledhja e kryetarit të Partisë Demokratike me drejtuesit e qarqeve të kësaj partie politike.

Berisha gjatë fjalës së tij tha se opozita duhet të fokusohet tek protestat, për të cilat tha se duhet që të nisin së shpejti.

Deputeti demokrat, Oerd Bylykbashi e ka cilësuar të drejtë dhe legjitim vendimin e Gjykatës së Apelit për ti dhënë vulën dhe logon e Partisë Demokratike Sali Berishës.

Me anë të një postimi në Facebook, Bylykbashi thekson se përfundimisht Partia Demokratike është e demokratëve. Sipas tij vota e demokratëve triumfoi mbi vulën e kryetarit.

Partia Demokratike sot përfundimisht është e demokratëve!

Demokratët e vendosën kush është PD me kurajo më 9 shtator kur kaluan me guxim “Rubikonin” e politikës.

E vendosën përgjatë 4 muajve epikë të Foltores që ngritën peshë zemrën e të gjithëve.

E vendosën më 11 dhjetor 2021 në Kuvendin e jashtëzakonshëm të demokratëve ku vota e anëtarëve fitoi mbi vulën e kryetarit.

E vendosën me referendum dhe me votime demokratike brenda partisë ku përcaktuan se vetëm vota e anëtarëve bashkon demokratët anekënd.

E vendosën votuesit se kush ishte PD në zgjedhje më 6 mars 2022 dhe 14 maj 2023.

Sot gjykata përfundimisht legjitimoi që në demokraci vendos vota dhe jo vula.

Deputetët e opozitës kanë “shpërthyer” në festë pasi Gjykata e Apelit i ka dhënë vulën dhe logon e PD-së liderit demokrat, Sali Berisha.

Në foto shihet momenti teksa ata dalin nga dyert e Apelit pas dhënies së vendimit nga trupa e gjykuese, e cila i dha fund zvarritjes nëpër gjykata të çështjes së vulës së Partisë Demokratike.

Flamur Noka, Gazment Bardhi dhe Agron Gjekmarkaj, të cilët ishin të pranishëm në seancë, shihet të buzëqeshur dhe me dy gishtat lart, teksa gëzojnë për vendimin e togave të zeza.

Nga Spartak Ngjela

Pse po vonohet  lufta kundër korrupsionit në Shqipëri?

Ashtu ju duket, se ajo po vijon.

Filozofi i famshëm amerika George Santayana na ka thënë: The light as it appears hides the candle – flaka, ashtu si shkëlqen, e fsheh kandilin.

E pra, shpesh mendja njerëzore humbet në iluzionizëm.

Shqiptarët, kurrë nuk e kanë pas besuar se do vijë një ditë kur pushtetarët e korruptuar që kanë vjedhur e vjedhur popullin, do të arrestoheshin dhe shpronësoheshin në favor të shtetit.

Dhe kjo ka nisur sot edhe në Shqipëri.
I.

Na duhet ta theksojmë se goditja antikorrupsion në Shqipëri, tani ka hyrë në një proces të vërtetë historik, dhe pushtetarët nuk janë të qetë…

Në 21 korrik të vitit 2016, me ndryshimin e Kushtetutës së Shqipërisë, erdhi një çast në historinë e Shqipërisë kur ajo u ndodh përpara një udhëkryqi: ose të godiste penalisht korrupsionin e lartë, ose të shpërbëhej si shtet. Dhe kjo kërkesë krijoi SPAK.

Por, në këto çaste…

Na duhet ta nxjerrim në dritë se:

Që nga viti 1992 e deri në vitin 1997, Shqipërinë e ka drejtuar Beogradi dhe Athina.

Këta, në fakt, dihet se janë dy pushtuesit e mëdhenj të territireve shqiptare.

Në vitin 1912-1913…

Ishin dy treva të rëndësishme për historinë e Shqipërisë që mbetën jashtë territorit të saj: Kosova dhe Çamëria.

Turp historik për fuqitë e mëdha, në vitin 1912-1913, për atë që i bënë Shqipërisë dhe shqiptarëve: por koha nuk do t’ua falë.

Ja, tani Kosova është Shqipëri.

Po Çamëria?

II.

Kjo kohë në ecje sot në Shqipëri, është në fakt një kohë e nivelit historik.

Koha e nivelit historik e çdo shteti të pavarur, është ajo kohë imediate kur në këtë shtet përplasen raste të tilla shoqërore, të cilat mbajnë në vetvete ngjarje historike të një rëndësie të veçantë.

Edhe Shqipëria, më në fund, në funksion historik, ka hyrë ndërkohë në një ecje që ndodhet brenda kohës së saj historike, sepse sot janë dy shtete shqiptare të cilat patjetër që do të bashkohen.

Por, sigurisht që do të jetë demokracia ajo që do të bashkojë dy shtetet shqiptare në Gadishullin Ilirik.

Dhe, e rëndësishme për këtë fakt është kushti historik: duhet që në Tiranë dhe në Prishtinë të drejtojnë dy qeveri që e njohin historinë e plotë të shqiptarisë: Iliri-Arbëri-Shqipëri dhe që e ndiejnë patriotikisht që Shqipëria dhe Kosova janë Arbëria moderne.

Po Çamëria?

III.

Demokracia në Shqipëri dihej që do të implementohej me shumë vështirësi, sepse shoqëria shqiptare në shekuj nuk kishte pasur rastin e një shteti ligjor.

Vijimësia historike e Shqipërisë nga Perandoria Osmane, në monarkinë shqiprare, dhe, nga kjo monarki në një regjim komunisto – terrorist, kishte shumë mundësi që ta çonte shoqërinë shqiptare drejt shpërbërjes dhe asimilimit të saj. Por, kjo nuk ndodhi.

Si gjithmonë: Shqipërinë e ka shpëtuar historia e saj që vjen që nga lashtësia, dhe dihet që iliria ka qenë superfuqi e kohës së vet; kurse Arbëria i dha botës figura të mëdha: gjeneralë dhe pashallarë, princa e mbretër dhe figura të mëdha historike që drejtuan botën. E pra, pikërisht kjo vijë historike ka shpëtuar shqiptarinë që kemi sot.

Por, shqiptarët ende nuk e njohin historinë e tyre, sepse atyre historinë ua kanë grabitur fqinjët pushtues, por edhe shqiptarët në Tiranë, si krerë të shitur, në Athinë, në Brograd e në Moskë.

Kurse, tani, gjithçka u varros në favor të shqiptarisë.

Janë dy shtete shqiptarësh me rreth 6 milionë shqiptarë: Shqipëria dhe Kosova.

Po Çamëria po Maqedonia Shqiptare?

IV.

Izolimi i gjatë i Shqipërisë nga një regjim sektar dhe terrorist në Shqipëri, në 47 vjet, 1944 – 1992, ishte pritur me ankth nga Athina dhe Beogradi, për të sjellë shpërbërjen e Shqipërisë dhe asimilimin e shqiptarëve.

Edhe Beograd,i edhe Athina, me njerëzit e tyre në Tiranë, dominuan lëvizjen e vitit 1991-1992 për rrëzimin e diktaturës.

Beogradi dhe  Athina, me këta individë në Shqipëri, kishin punuar me ngulm që, menjëherë pas rrezimit të diktaturës në Shqipëri, populli shqiptar, i mërzitur nga një tragjedi të tej zgjatur, të linte Shqipërinë për t’u shpërngulur në Perëndim.

Në vitin 1992, në Shqipëri ishin 4 milionë shqiptarë, dhe periudha 1992 – 1997, me një histeri antishqiptare, shkatërroi në Shqipëri të gjithë industrializmin: shkatërroi 500 fabrika dhe uzina, preu miliona rrënjë pemë dhe shkatërroi plotësisht 24 mijë hektarë vreshta. As një pushtues nuk do të kishte pasur kurajën që t’i bënte Shqipërisë këtë dëm kolosal, i cili kërkonte të sillte shpërnguljen e shqiptarëve nga Shqipëria.

Dhe këtë e bëri regjimi regresiv Berisha-Meksi.

Por…

Tani këto banda janë drejt shkatërrimit, sepse goditjen penale e ka marrë në dorë Struktura e Posaçme Kundër Korrupsionit dhe Krimit të Organizuar, SPAK; dhe kjo strukturë e ka të plotë pavarësinë nga politika; dhe drejtohet nga ekspertiza Uashington – BE.

SPAK sigurisht që është tani shpresa historike e Shqipërisë së bashkuar.

Shkatërrimi i korrupsionit në Shqipëri, i cili ka filluar me arrestimin e Sali Berishës djathtas, dhe një zv-kryeministër e tre ministra mjajtas, do të vijojë për të sjellë shqiptarinë e ndritshme në Shqipëri, në Kosovë e në Maqedoni; dhe do të hedhë themelet e bashkimit kombëtar të 8 milionë shqiptarëve që banojnë sot si autoktonë në Gadishullin Ilirik.

Deputeti Lulzim Basha, kryetar i Partisë Demokratike, doli sot në një intervistë televizive që monitoroi noa.al, ku foli mbi zhvillimet politike. Basha ka intensifikuar së fundi daljet e tij mediatike pas një periudhe afro trevjeçare që ai qëndroi i distancuar që kur dha dorëheqjen më 2021.

Në top channel, Basha tha se nëse Sali Berisha do të kishte ndjekur këshillën e tij kur u shpall “non-grata” nga SHBA-të, PD do të ishte tashmë shumë pranë pushtetit.

“Edhe sot e kësaj dite, ndjej keqardhje të thjeshtë sepse nuk jam nga ata që harron historinë. Po të kishte ndjekur këshillën time, sot PD do ishte shumë më mirë, në mos në pushtet, shumë afër pushtetit”, tha ai.

Më tej Basha tha se në zgjedhjet e pjesshme lokale të 6 marsit, Berisha u ndihmua nga Rama për të korrur një fitore të përkohshme në Shkodër.

“Procesi zgjedhor i 6 marsit, me ndihmë të nëndheshme të Edi Ramës, Berisha arriti që në Shkodër të korrte një fitore jetëshkurtër”, tha Basha.

Ai foli dhe për largimin nga drejtimi i PD: “Dorëheqja ime erdhi me idenë që të kishte një tërheqje. Gjërat shkuan shumë më keq, një grup i mbetur në PD u përpoq të gjente rrugën më të shkurtër duke iu nënshtruar Berishës për ta çuar partinë atje”- u shpreh Basha.

Sipas tij ka një lojë të nëndheshme mes një grupi njerëzish që sakrifikojnë Komisionet dhe tha se vetë ai nuk ka zgjedhur kurrë që të bëhet pjesë e kësaj loje.

“Unë personalisht nuk kam bërë përpjekje për të qenë në këtë lojë. Unë kam refuzuar me vetëdije të jem pjesë e kësaj loje. Ka një lojë të nëndheshme e cila në këto 34 vite ka marr formën e ‘mishin ta hanë, por kockën ta ruajnë’, të një kaste politike e cila është prodhim në Shqipëri dhe disa vendeve të tjera.

Është një grusht njerëzish të cilët edhe kur vjen puna për Reforma të nevojshme për njerëzit, i sakrifikojnë. Komisioni i Reformës Zgjedhore është një institucion, por sot ka rënë dhe është zëvendësuar me një qyp.

I pyetur se përse PD nuk ka kërkuar më parë listat e hapura, ai tha se këtë e kanë bërë, porse PS “bëri sikur i hapi”, por sipas tij u vendos herësi dhe u hoqën koalicionet.

“Ishte kërkesa jonë që u keqpërdor nga Rama kur bëri sikur hapi listat, por në fakt hoqi koalicionet. Fakti ky është, dhe Berisha dhe të tjerët kanë qenë në krahun tim. Pastaj çfarë thuhet pasi ka rrjedhur koha dhe ngjarje të tjera, kjo duhet gjykuar. Ne kemi kërkuar hapje listash që në 2020, dhe PS bëri sikur dhe vendosi herësin dhe hoqi koalicionet. U hapën pjesërisht dhe i kushtuan qytetarëve 85 mijë vota të pavlefshme”, tha Basha.