Bes Kallaku dhe Xhensila Myrtezaj prej disa kohësh janë shndërruar në çiftin më të komentuar në rrjet në lidhje me faktin se martesa e tyre është drejt fundit.

Dyshja, e cila ishte një ndër më të dashurat e publikut, përflitet se i kanë dhënë fund marteses pas disa kohësh që kishin probleme mes tyre.

Dyshimet për një krizë mes çiftit kanë nisur prej disa javësh, kur u kuptua se ata nuk e ndiqnin njëri-tjetrin në rrjete sociale, madje së fundmi, Xhensila ka vendosur që të heqë nga gishti edhe unazën e martesës, duke ngritur akoma më shumë dyshimet.

Mirëpo, avokatja Nexhi Beqiri, në një intervistë të dhënë së fundmi, ka hedhur dritë në të gjithë këtë zhurmë mediatike, ku sipas saj, Besi dhe Xhensila në fakt janë nën një hetim pasurie dhe çështja e divorcit është thjesht një manovër për të shpëtuar pasurinë e tyre.

Të gjendur në mes të spekulimeve të shumta për divorc, një veprim i dyshes, ka ngritur dyshimet se Besi dhe Xhensila mund të mos jenë ndarë.

Ata kanë hedhur të dy në Instagram foto nga Italia, të dy në koncerte të ndryshme. Këngëtarja dhe aktori janë kujdesur të shënojnë vendodhjen e tyre, mbase për të treguar se nuk janë bashkë.

Përmes postimeve të bëra në Instagram, Xhensila ka treguar se gjendet në Dolomites ndërsa nga ana tjetër Besi ka publikuar disa fotografi nga Pordenone. 

Bes Kallaku dhe Xhensila Myrtezaj thuhet se janë në proces divorci. Lajmi është bërë publik nga burime për Dritare.net ditën e sotme.

Thuhet se çështja është hapur nga Xhensila, e cila ka ndërmarrë hapin ligjor për t’i dhënë fund martesës disavjeçare me aktorin e humorit.

Dyshimet për një krizë mes çiftit kanë nisur prej ditësh, kur u kuptua se ata nuk e ndiqnin njëri-tjetrin në rrjete sociale. Përveç kësaj, Xhensila dhe Besi nuk janë parë bashkë prej javësh në evente apo ambiente të përbashkëta.

Sipas lajmeve që qarkullojnë, Besi nuk ka qenë dakord për këtë vendim të këngëtares. Së fundmi, Xhensila ka qenë e vetme në Dubai dhe pritet të kthehet në Tiranë për të nisur koncertet gjatë fundjavës.

Kjo nuk është kriza e parë e çiftit të njohur. Edhe disa muaj më herët, u përfol për një ndarje dhe lajmin e hodhën poshtë të dy duke u puthur në një koncert. Momentalisht nuk ka asnjë reagim nga Xhensila dhe Besi, ndaj lajmi i divorcit mbetet i pakonfirmuar.

Besi dhe Xhensila janë prindër të dy fëmijëve, Ajkës dhe Amenit.