Sulmuesi shqiptar Ernest Muçi është huazuar te Trabzonspori për këtë sezon, me klubin turk që ka paguar 1 milion euro për shërbimet e tij.Në kontratë është përfshirë edhe opsioni i blerjes, i cili mund të arrijë deri në 8.5 milion euro, plus 500 mijë euro bonuse të tjera.

Vetë Muçi ka bërë të ditur se do të japë maksimumin për të bindur Trabzonsporin që të blejë kartonin e tij, duke kërkuar të njëjtën shifër që Besiktas paguante te Legia, 10 milion euro.

Gjatë këtij sezoni, Trabzonspori do të paguajë gjithashtu pagën e plotë të 24-vjeçarit, duke e bërë transferimin të plotë dhe funksional për të dy palët.

Top Channel

TURQI – Ernest Muçi zhvilloi një ndeshje spektakolare në duelin e mbrëmjes të së shtunës ndaj Samsunspor, që u mbyll me shifrat e bardha 0-0.

Talenti shqiptar, u hodh në fushë në minutën e 60-të, në vendin e Joao Marios, teksa 30 minuta plus shtesën i mjaftuan, për të spikatur, duke rezultuar lojtari me notën më të lartë te bardhezinjtë, sipas “SofaScore”.

23-vjeçari krijoi 2 shanse të arta shënimi, ku për meritë të portierit kundërshtar nuk u finalizuan, si dhe regjistroi 5 pasime kyçe, 3 harkime të rrezikshme. Shqiptari gaboi vetëm 1 pasim nga 19 në total, ndërkohë që u vlerësua me notën 8.2 nga “Sofa Score”.