Një automjet ka humbur kontrollin dhe ka aksidentuar një 63-vjeçar, që ecte ne biçikletë.

Shtetasi me inicialet Sh. Xh., ndodhet për mjekim në Spitalin e Traumës Tiranë, jashtë rrezikut për jetën.

“Specialistët e Qarkullimit Rrugor Durrës referuan materialet në Prokurori për shtetasin I. M., 19 vjeç, banues në Kavajë, sepse në Kavajë, në rrugën “Indrit Cara”, duke drejtuar automjetin e tij, ka humbur kontrollin dhe ka aksidentuar shtetasin Sh. Xh., 63 vjeç, me biçikletë, i cili ndodhet për mjekim në Spitalin e Traumës Tiranë, jashtë rrezikut për jetën”, shkruan policia.

Mjeti përplas biçikletën, ndërron jetë në spital drejtuesi.

Sot, rreth orës 20:20, në afërsi të urës në Orikum, shtetasi K. C., 32 vjeç, duke drejtuar automjetin “Lexus”, ka aksidentuar shtetasin D. K., 46 vjeç, i cili lëvizte me biçikletë. Si pasojë e dëmtimeve të marra, 46-vjeçari ndërroi jetë në spitalin e Vlorës.

Drejtuesi i automjetit u shoqërua në Komisariat për veprime të mëtejshme.

Grupi hetimor po punon për zbardhjen e plotë të rrethanave të aksidentit.

Një aksident ka ndodhur mbrëmjen e së hënës në unazën jugore të Elbasanit në vendin e quajtur Kryqëzimi i Cërrikut.

Një automjet ka përplasur një biçikletë ku si pasojë ka mbetur i lënduar. Drejtuesi i saj i cili është dërguar në spital dhe ndodhet jashtë rrezikut për jetën.

Policia ndodhet në vendngjarje për të zbuluar rrethanat e aksidentit.

Një aksident ka ndodhur këtë të shtunë në aksin “Laç-Patok”. Nga informacionet paraprake, mësohet se një automjet ka përplasur një biçikletë dhe si pasojë është dëmtuar drejtuesi 60-vjeçar.

Ndërkohë, ky i fundit është dërguar menjëherë në Spitalin e Traumës, ku po merr dhe ndihmën mjekësore.

Njoftimi i Policisë:

Rreth orës 12:50, në aksin rrugor “Laç-Patok”, automjeti me drejtuese shtetasen ka përplasur biçikletën me të cilën lëvizte shtetasi rreth 60 vjeç, banues në Fushë Kuqe. Ky shtetas po transportohet në Spitalin e Traumës, për të marrë ndihmë mjekësore.

Grupi hetimor po kryen veprimet për sqarimin e rrethanave të aksidentit.