Një 42-vjeçar është vënë në pranga ditën e sotme në Durrës. Mësohet se arrestimi i tij ka ardhur pasi 42-vjeçari ishte shpallur në kërkim pasi përndiqte të dashurën e tij. Më tej në njoftimin e policisë bëhet me dije se i arrestuari kishte goditur me makinë mjetin e ishit të tij.

Gjithashtu policia e Durrësit ka vënë në pranga edhe tre persona për vepra të ndryshme. Një 50-vjeçar u vendos në pranga pasi ai kishte ushtruar dhunë fizike ndaj bashkëshortes së tij. Një 42-vjeçar u arrestua pasi ishte dënuar me dy muaj burg për vjedhje. Ndërkohë në Maminas u arrestua një 44-vjeçar për kanosje me armë.

Njoftimi i policisë:

Drejtoria e Policisë Durrës/ Komisariati i Policisë Durrës: -ndaloi shtetasin Gj. P., 42 vjeç, banues në Durrës, i cili ishte shpallur në kërkim pasi ka përndjekur ish të dashurën e tij, si dhe ka goditur me automjetin e tij, automjetin që ajo drejtonte; -arrestoi shtetasin I. P., 50 vjeç, banues në fshatin Romanat, Durrës, pasi ka ushtruar dhunë fizike ndaj bashkëshortes së tij; -ndaloi shtetasin në kërkim V. S., 42 vjeç, banues në Durrës, pasi Gjykata e Durrësit e ka dënuar me 2 muaj burgim, për veprën penale “Vjedhja”.

Komisariati i Policisë Shijak arrestoi në flagrancë shtetasin K. K., 44 vjeç, banues në Maminas, Durrës, sepse pas një konflikti për motive të dobëta, ka kanosur me armë sportive, një shtetase. Arma sportive u sekuestrua në cilësinë e provës materiale.

Sektori i Qarkullimit Rrugor: -arrestoi në flagrancë shtetasin E. D., 32 vjeç, banues në Durrës, pasi është kapur nga shërbimet e Policisë, duke drejtuar automjetin, pa leje drejtimi; -arrestoi në flagrancë shtetasin Z. H., 44 vjeç, banues në Kavajë, pasi u kap duke drejtuar automjetin, në gjendje të dehur, si dhe ka kundërshtuar punonjësit e Policisë. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Policia e Elbasanit ka vënë në pranga drejtuesin teknik të një firme private hidrokarburesh, pasi një punëtor i tij është plagosur në vendin e punës.

Njoftimi i Policisë:

Plagoset punëtori në vendin e punës, arrestohet drejtuesi teknik 71-vjeçar

“Në vijim të informacionit paraprak të dhënë mbrëmë, për shtetasin F. M., 45 vjeç, që ishte paraqitur në spital, për të marrë mjekim, pasi ishte rrëzuar nga një strukturë metalike, gjatë kohës që kishte qenë duke punuar në një firmë për përpunimin e hidrokarbureve, në fshatin Balldren, informojmë se në vijim të veprimeve hetimore dhe procedurale për zbardhjen e rrethanave të këtij rasti, specialistët për Hetimin e Krimeve të Komisariatit të Policisë Elbasan arrestuan në flagrancë për veprën penale “Shkelja e rregullave të mbrojtjes në punë”, shtetasin F.P., 71 vjeç, banues në Tiranë, me detyrë drejtues teknik në firmën e hidrokarbureve në të cilën ishte punësuar shtetasi F. M., i cili vijon të jetë në kujdesin e mjekëve”,

Një 29-vjeçar është vënë në prangat e Policisë pas ka goditur një punonjës policie. I arrestuari është shtetasi me inicialet D. Gj., 29 vjeç, banues në Lezhë.about:blank

“Gjithashtu nisi procedimi në gjendje të lirë për shtetasin A. R., 33 vjeç, banues në Tiranë. Në rrugën “Gjin Bue Shpata”, shtetasi A. R. është konfliktuar me një shtetase dhe gjatë ndërhyrjes nga shërbimet e Policisë, shtetasi D. Gj. ka goditur për shkak të detyrës, një punonjës policie”, bëjnë me dije uniformat blu.

Materialet procedurale i kaluan Prokurorisë pranë Gjykatës së Shkallës të Juridiksionit të Përgjithshëm Tiranë, për veprime të mëtejshme.

Një 21-vjeçar ka rënë në prangat e policisë së Korçës, pasi u kap me një sasi droge. Burime zyrtare nga policia bënë me dije se pas hekurave ra shtetasi me inicialet J.L.

“Specialistët për Hetimin e Narkotikëve të DVP Korçë arrestuan në flagrancë shtetasin J. L., 21 vjeç, banues në Korçë, pasi në lagjen nr. 17, Korçë, gjatë kontrollit fizik 21-vjeçarit iu gjet një sasi e vogël e lëndës së dyshuar narkotike kanabis. Gjithashtu gjatë kontrollit të ushtruar në automjetin tip “Toyota” që ky shtetas drejtonte, iu gjet një sasi tjetër me lëndë të dyshuar kanabis, të cilat u sekuestruan në cilësinë e provës materiale, së bashku me automjetin.

-Specialistët për Hetimin e Krimeve të Komisariatit të Policisë Maliq referuan materialet në Prokurori ku filloi procedimi penal në gjendje të lirë për shtetasin A. M., 45 vjeç, banues në fshatin Shëngjergj, Maliq, pasi gjatë një konflikti për motive të dobëta, dyshohet se ka goditur me grushte një 33-vjeçar. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.”, thuhet në njoftim.