Tiranë- Falsifikimi i Lekut pësoi rënie gjatë vitit kaluar. Banka e Shqipërisë raporton se koeficienti i kartëmonedhave të falsifikuara për çdo 1 milion kartëmonedha në qarkullim vitin e kaluar zbriti në 1 për një milion, nga 1.3 për një milion që kishte qenë në vitin 2023. Njëkohësisht, ky tregues ka prekur nivelin më të ulët historik.

Në vitin 2024 janë sekuestruar 156 copë kartëmonedha kombëtare të falsifikuara në qarkullim, kundrejt 195 copëve në vitin 2023, si dhe 50 copë monedha metalike. Për sa i përket shpërndarjes të kartëmonedhave të falsifikuara sipas prerjeve, peshën kryesore e mbajnë prerjet 1000 Lekë dhe 2000 Lekë, të ndjekura nga prerja 5000 Lekë. Numri më i madh i kartëmonedhave false i takon serisë së vjetër me 133 copë, të cilat zinin 85% të totalit, në dallim nga seria e re, e cila ka një cilësi të lartë dhe elemente të forta sigurie. Monedha metalike me prerje 50 lekë vijon të jetë e vetmja monedhë e falsifikuar, por në sasi të ulët dhe të papërfillshme.

Sipas Bankës së Shqipërisë, në këndvështrimin teknik ose teknologjik të fenomenit të falsifikimit të kartëmonedhave, ato janë riprodhime të thjeshta me pajisje digjitale komerciale, pothuajse vetëm me teknikën ink-jet me ngjyra, të shoqëruara me aplikim të teknikave artizanale teknologjike për imitimin e elementeve të sigurisë, ndërsa elementet e sigurisë të lexueshme prej makinave ose pajisjeve autentifikuese nuk ndeshen në asnjë rast.

Banka e Shqipërisë rekomandon që publiku të tregohet i kujdesshëm gjatë shkëmbimit të kartëmonedhave, duke i kontrolluar ato për autenticitet me metodën “Prek, Shiko dhe Lëviz”, e publikuar edhe në faqen zyrtare të bankës qendrore.

Monedha kombëtare në qarkullim, gjatë vitit 2024, arriti në 440 miliardë lekë, me një rritje prej 32 miliardë lekësh ose 8% krahasuar me fundin e vitit 2023. Kjo sasi ishte e shpërndarë në rreth 161 milionë copë kartëmonedha. Në krahasim me vitin 2023, numri i kartëmonedhave në qarkullim është rritur me rreth 4 milionë copë ose 2.5% më shumë.

Rritja e numrit dhe e vlerës së kartëmonedhave në qarkullim pasqyron zhvendosjen e strukturës së tyre drejt prerjeve të mëdha, kryesisht 10.000 dhe 5000 Lekë. Si rezultat, vlera mesatare e një kartëmonedhe në qarkullim në fund të vitit 2024 arriti 2.689 lekë, kundrejt 2,566 lekësh në 2023.

Për sa i takon monedhave metalike, numri i tyre në qarkullim arriti në 291 milionë copë, kundrejt 273 milionë në fund të vitit 2023, me një rritje prej rreth 18 milionë copë në qarkullim (+6.6%). Vlera mesatare e një monedhe metalike në qarkullim, në fund të vitit 2024, arriti në 25 lekë për monedhë.

Gjatë vitit 2024, pasi u kontrolluan për autenticitet dhe përshtatshmëri për riqarkullim, u përpunuan rreth 94.2 milionë copë kartëmonedha, kundrejt 104.5 milionë copë në vitin 2023. Norma e papërshtatshmërisë raporti i numrit të kartëmonedhave të papërshtatshme mbi numrin total të kartëmonedhave të përpunuara gjatë një viti) rezultoi 21.5%, kundrejt 19.3% në vitin 2023.

Koeficienti i qarkullimit të kartëmonedhës për vitin 2024 rezultoi në vlerën 0.6, që do të thotë se një kartëmonedhë kthehet mesatarisht më pak se një here në vit në sportelet e Bankës së Shqipërisë. Ky koeficient është më i lartë për prerjet 500 Lekë, 1000 Lekë (mbi 1 herë), dhe më i vogël për prerjen 5,000 dhe 10,000 Lekë.

Shërbimet e Policisë Kufitare në PKK, si rezultat i kontrolleve të shtuara dhe i shkëmbimit të informacioneve me DVP Berat dhe DVP Tiranë, kanë kapur shtetasin A. H., 48 vjeç.

I shpallur në kërkim për veprimtari kriminale në fushën e narkotikëve dhe të armëmbajtjes pa leje, kapet në hyrje, 48-vjeçari. Nga verifikimet, ky shtetas rezultoi i shpallur në kërkim pasi Gjykata e Shkallës së Parë e Juridiksionit të Përgjithshëm Berat i ka caktuar masën e sigurisë “Arrest në burg”, për veprat penale “Prodhimi dhe shitja e narkotikëve” dhe “Mbajtja pa leje dhe prodhimi i armëve, armëve shpërthyese dhe i municionit”.

Në muajin maj 2024, në kuadër të një procedimi penal të iniciuar nga Policia e Beratit, është ushtruar kontroll në banesën e shtetasit A. H., në Tiranë, ku janë gjetur një sasi kokaine dhe një sasi municioni luftarak. Veprimet e tjera procedurale për këtë shtetas u kryen nga DVP Tiranë.

Një 58-vjeçar, elelektriçist, është rrëzuar aksidentalisht nga shtylla tek nënstacioni elektrik në Kuçovë. 

Mësohet se 58-vjeçari është transportuar në spital, nën kujdesin e mjekëve.

“Kuçovë/Informacion paraprak. Rreth orës 15:00, tek nënstacioni elektrik në Kuçovë, dyshohet se aksidentalisht, duke punuar, është rrëzuar nga shtylla elektriçisti shtetasi V. K., 58 vjeç, i cili është transportuar në spital, ku po merr mjekim.

Grupi hetimor po punon për sqarimin e rrethanave të ngjarjes”, njofton policia.

Tragjike në Greqi. Një 60-vjeçar shqiptar është dërguar me urgjencë në spital, pasi ka rënë nga skelat teksa po kryente punime në një çati në zonën e Arahovitikon në Greqi.

Fatkeqësisht nuk ka arritur të mbijetojë nga plagët e marra dhe ka humbur jetën.

Policia ka nisur hetimet për zbardhjen e shkaqeve të ngjarjes së rëndë.

Një 60-vjeçar shqiptar ka humbur jetën ditën e sotme në Greqi, pasi pësoi dëmtime të rënda në trup në një incident që pësoi gjatë punimeve që po kryente në një soletë në zonën e Achaias.

Mediat greke bëjnë me dije se emigranti shqiptar ra nga skela teksa po rregullonte soletën në një banesë të zonës. Menjëherë ai u transportua në spital, por për fat të keq nuk ia doli.

60-vjeçari ndërroi jetë në spital pavarësisht ndihmës mjekësore që i dhanë mjekët, shkruan protothema.gr.

Një incident i rëndë ka ndodhur në Shkodër pasi një 49-vjeçar është rrëzuar nga çatia, teksa po kryente punime në shtëpinë e tij. Raportohet se ai është dërguar menjëherë në spital, ku dhe po merr mjekime. Nuk dihet ende si paraqitet gjendja e tij shëndetësore.\

“Rreth orës 09:30, në Urgjencën e Spitalit Rajonal Shkodër, është paraqitur për të marrë mjekim shtetasi 49 vjeç, i cili dyshohet se është rrëzuar aksidentalisht ndërkohë që kryente punime në çatinë e banesës së tij, në lagjen “Vojo Kushi”.’

Grupi hetimor po punon për sqarimin e rrethanave të rastit.

Një vatër aktive zjarri është regjistruar mbrëmjen e kësaj të marte në afërsi të zonës së quajtur Jalli e Nartës.

Zjarri ka rënë në një zonë anës rrugës, në një pjesë ku grumbullohen mbetjet inerte të qytetit, pranë tregut të shumicës.

Po digjet një hapësirë me mbeturina por shumë pranë shtëpive dhe lagjes në fjalë.

Ende nuk ka ndërhyrje nga forcat zjarrëfikëse. Zjarri po avancon.

Dy turistë kroat, janë aksidentuar sot në Majën e Jezercës, ku dyshohet se njëri prej tyre ka humbur jetën dhe tjetri është plagosur.

Në ndihmë të tyre, janë nisur grupi i kërkim – shpëtimit malor dhe banorë vullnetare nga Valbona.

Shkak i aksidentit është bërë bora dhe temperaturat jo të favorshme të momentin, qe e bëjnë shume të rrëshqitshme.

Një autobus i linjës Fier-Patos u përfshi nga flakët mbrëmjen e kësaj të shtune, fatmirësisht pa shkaktuar dëme te pasagjerët që ndodheshin në bordin e tij.

Ngjarja ndodhi në afërsi të fshatit Portez. Drejtuesi i mjetit sapo konstatoi tym ka ndalur autobusin dhe ka zbritur me shpejtësi pasagjerët.

Në vendngjarje mbërritën 2 automjete me zjarrfikës që bënë të mundur shuarjen e flakëve.