Dy persona të moshave 50 dhe 27-vjeç janë proceduar në gjendje të lirë pasi kanë goditur me grushte një person duke i shkaktuar dëmtime të lehta.

Bëhet me dije se për të dy këta persona, materialet procedurale i kanë kaluar Prokurorisë pranë Gjykatës së Shkallës së Parë Korçë.

Njoftimi i Policisë

Komisariati i Policisë Korçë referoi materialet në Prokurori, ku filloi procedimi në gjendje të lirë për shtetasit Y. T., 50 vjeç dhe R. T., 27 vjeç, banues në fshatin Plasë, Maliq, pasi në lagjen nr. 17, Korçë, dyshohet se kanë goditur me grushte shtetasin E. D., duke i shkaktuar dëmtime të lehta.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.

Vihen në pranga 3 shtetas, procedohen në gjendje të lirë 5 shtetas dhe vijon puna për kapjen 1 tjetri, për vepra të ndryshme penale.

Specialistët për Hetimin e Krimeve të Komisariatit të Policisë Librazhd arrestuan në flagrancë shtetasin D. H., 56 vjeç, banues në Librazhd, pasi ka ushtruar dhunë ndaj bashkëshortes së tij.

Specialistët për Hetimin e Krimeve të Komisariatit të Policisë Elbasan arrestuan në flagrancë shtetasit:

-U. T., 30 vjeç, banues në Elbasan, pasi gjatë kontrollit fizik, shërbimet e Policisë i gjetën dhe sekuestruan 1 mjet prerës (thikë), ndërsa gjatë kontrollit në banesë i gjetën dhe sekuestruan 1 përforcues grushti;

-A. M., 36 vjeç, banues në Elbasan, pasi për motive të dobëta, ka goditur me grushte një 10-vjeçar, i cili ndodhet jashtë rrezikut për jetën.

Po nga këta specialistë u referuan materialet në Prokurori ku nisi procedimi në gjendje të lirë për shtetasin F. G., 21 vjeç, pasi gjatë një konflikti për motive të dobëta, ka goditur me grushte dhe shkelma, shtetasin M. D., 30 vjeç.

Gjithashtu, këta specialistë shpallën në kërkim shtetasin Y. S., 29 vjeç, banues në Elbasan, pasi dyshohet se gjatë natës, në lagjen “Kala”, ka vjedhur me thyerje në dyqanin e shtetases Sh. L., disa produkte kozmetike.about:blank

Specialistët për Hetimin e Krimeve të Komisariatit të Policisë Gramsh referuan materialet në Prokurori ku nisi procedimi në gjendje të lirë për shtetasit:

E. K., 45 vjeç, banues në Gramsh, pasi më datë 24.12.2023, në fshatin Qerret, në rrugë, dyshohet se ka kanosur me shkop druri, një 63-vjeçare, për motive pronësie;about:blank

N. B., 37 vjeçe, banuese në Gramsh, pasi gjatë një konflikti për motive të dobëta, ka goditur me grushte shtetasen H. K.
Gjithashtu, u proceduan penalisht bashkëshortët e këtyre shtetaseve, shtetasit B. B., 39 vjeç dhe E. K., 36 vjeç, pasi kanë goditur me grushte njëri-tjetrin.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Dy të rinj në Elbasan janë vënë në prangat e policisë, pasi ishin shpallur në kërkim për kultivim droge. Burime zyrtare bëjnë me dije se pas hekurave ranë shtetasit Artur Malja, 36 vjeç dhe Flavjo Dervishi 23 vjeç.about:blank

NJOFTIMI I POLICISE
Ndalohen 2 shtetas të shpallur në kërkim në kuadër të operacionit antikanabis “Krasta”, të akuzuar për kultivim të bimëve narkotike. Dy të ndaluarit, të dyshuar si autorë të kultivimit të 250 bimëve narkotike, në muajin qershor, në fshatin Seltë, bimë të asgjesuara gjatë dy fazave të operacionit policor të koduar “Krasta”.

Në zbatim të masave të përcaktuara në planin operacional “Sundimi i ligjit”, specialistët për Hetimin e Krimeve të Komisariatit të Policisë Elbasan duke përdorur dhe metodat proaktive ndaluan shtetasit: A. M., 36 vjeç, banues në Krujë dhe F. D., 23 vjeç, banues në Tiranë.

Pas hetimeve të thelluara nga strukturat hetimore të DVP-së dhe Komisaraitit të Poclisië Elbasan, nën drejtimin e Prokurorisë së Juridiksionit të Përgjithshëm Elbasan, Gjykata e Shkallës së Parë e Juridiksionit të Përgjithshëm Elbasan bazuar në provat e siguruara nga hetimi ka caktuar për këta 2 shtetas, masën e sigurisë “Arrest në burg”, për veprën penale “Kultivimi i bimëve narkotike”. Në territorin e fshatit Seltë, njësia administrative Zavalinë, në kuadër të operacionit policor të koduar “Krasta”, përgjatë dy fazave të tij, zhvilluar në muajin qershor, u gjetën në pronë publike, rreth 250 bimë narkotike kanabis, në kultivimin e të cilave dyshohet se janë bashkëpunëtorë shtetasit A. M. dhe F. D.

Gjithashtu, për këto raste, në kuadër të dy fazave janë vënë në pranga 2 inspektorë pyjesh dhe kryetari i fshatit, për shpërdorim detyre, si edhe 2 shtetas të tjerë, për kultivimin e bimëve narkotike. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Tre persona kanë rënë në prangat e policisë së Spanjës pas një operacioni kundër lëndëve narkotike. Dy prej të arrestuarve janë shqiptarë ndërsa tjetri një kolumbian. Të tre akuzohen për krime kundër shëndetit publik dhe mashtrim me energjinë elektrike.about:blank

Gjatë operacionit të zhvilluar në Deltebre, janë asgjësuar rreth 1400 bimë kanabis. Në të njëjtën kohë, banda e organizuar ka kryer shkelje në rrjetin elektrik me dëm deri në 80 mijë euro dhe 4 mijë euro në shërbimet e ujit të pijshëm e kanalizimeve.

Të arrestuarit janë liruar përkohësisht në pritje të gjykimit përkatës. Përveç këtyre tre personave, janë edhe dy anëtarë të kësaj bande të organizuar, të cilët aktualisht janë në kërkim.

Policia e Kosovës ka arrestuar dy persona të dyshuar me iniciale (E.SH dhe B.K.) për shkak se dyshohet se kanë shpërdoruar detyrën zyrtare me qëllim të përfitimin e paligjshëm të parave.

“Personat zyrtarë kanë qenë te caktuar për menaxhim dhe mbikëqyrje të kontratës për ndërtimin e disa rrugëve në një fshat të komunës së Suharekës në vitin 2022, vlera e të cilës ka qenë dhjetëra mijë euro”, njofton Policia e Kosovës.

Sipas autoriteteve kosovare është konstatuar se kontrata nuk është përmbushur dhe punimet nuk janë realizuar.

Lidhur me rastin janë intervistuar të dyshuarit, ku pas përfundimit, sigurimit të provave dhe dëshmive me vendim të prokurorit, ata janë dërguar në qeli për 48 orët në vijim.