Nga 242 pasagjerët që ndodheshin në bord, vetëm një person ka mbijetuar – një 40-vjeçar britanik, i cili ndodhet në gjendje të rëndë në spital. Autoritetet indiane janë duke punuar për të përcaktuar numrin e saktë të viktimave në tokë, pasi aeroplani goditi disa banesa para se të përplasej plotësisht.

Mjekët në Indi kanë konfirmuar se janë gjetur 270 trupa të pajetë në vendin e rrëzimit të avionit në qytetin Ahmedabad, që ndodhi të enjten. Aeroplani, i cili ishte nisur me destinacion Londrën, u rrëzua në një zonë të banuar pak minuta pas ngritjes, duke shkaktuar një nga fatkeqësitë më të rënda ajrore të viteve të fundit.

Procesi i identifikimit të viktimave është i ngadalshëm dhe kërkon krahasimin e mostrave të ADN-së me të dhënat e familjarëve, ndërsa autoritetet po vijojnë ende punën për saktësimin e numrit të persoave që humbën jetën duke mos qenë në avion, por në zonën ku ai u përplas.

Zyrtarët kanë thënë se shumë prej trupave janë në gjendje të dëmtuar rëndë, gjë që e vështirëson ndjeshëm procesin e konfirmimit të identiteteve.

Në nder të viktimave, janë mbajtur vigjilje përkujtimore në disa qytete në Indi dhe në Mbretërinë e Bashkuar. Ngjarja ka tronditur opinionin publik dhe ka ngritur shqetësime për sigurinë ajrore në rajon. Autoritetet ndërkombëtare dhe agjencitë e aviacionit po hetojnë shkaqet e aksidentit.

Numri i personave që kanë humbur jetën nga tërmeti në Mianmar ka shkuar tashmë në 2719.

Lajmi u bë i ditur nga shefi ushtarak Min Aung Hlaing në një fjalim në televizionin shtetëror ku shtoi se 441 persona rezultojnë ende të zhdukur.

Ndërkohë në kryeqytetin e Tajlandës, Bangkok, një tjetër trup është nxjerrë nga rrënojat e një grataçele të shembur, duke e çuar numrin total të personave që kanë humbur jetën atje në 14.

Prej më shumë se 48 orësh Europa qendrore dhe ajo jugore janë përfshirë nga moti i keq, ku disa shtete kanë shpallur emergjencën civile.

Për shkak të përmbytjeve dhe stuhive të fortës raportohne 16 persona të vdekur dhe disa të zhdukur.

Viktima për shkak të motit ka patur në Poloni, Austri, Republikën Çeke dhe në Rumani.

Në Austri, media lokale raportoi se dy burra të moshës 70 dhe 80 vjeç u mbytën pasi u bllokuan nga përmbytja e ujit në shtëpitë e tyre në qytetet Böheimkirchen dhe Sierndorf, të dy në shtetin verilindor të Austrisë së Poshtme të goditur rëndë.

Shefi i policisë çeke, Martin Vondrášek, i tha radios lokale se një grua ishte mbytur në një përrua që vërshoi brigjet e tij pranë Bruntalit, një qytet me rreth 15,000 banorë në veri-lindje të vendit, ndërsa shtatë persona të tjerë ishin ende të pagjetur.

Dhjetëra mijëra njerëz u evakuuan nga shtëpitë e tyre në një zonë të Austrisë, Republikës Çeke, Hungarisë, Rumanisë dhe Sllovakisë pasi stuhia Boris shkaktoi përmbytjet më të këqija të regjistruara në rajon për më shumë se dy dekada. Ajo u përshkrua nga një kryebashkiak rumun si një “katastrofë me përmasa epike” .

Numri i personave të vrarë në sulmin me raketa balistike ruse në Poltava në Ukrainën qendrore është rritur në 49, sipas një zyrtari.
Kreu rajonal Philip Pronin tha në Telegram se 219 persona janë plagosur, shkruan Sky News.

“Analiza e mbeturinave vazhdon në vend, ekipet e kërkimit janë duke punuar”, ka shkruar ai.
“Dhimbje dhe pikëllim i patreguar. I përjetshëm kujtimi i të vdekurve.”
Dy raketa balistike goditën një strukturë arsimore dhe një objekt spitalor më herët sot në atë që tani është bërë një nga sulmet më vdekjeprurëse ruse që nga fillimi i konfliktit.

Numri i personave të vrarë në sallën e koncerteve në Moskë ka shkuar në 137, tha Komiteti Hetues i Rusisë. Në mesin e viktimave ishin tre fëmijë, duke shtuar se 62 trupa janë identifikuar deri më tani.

Njerëzit janë mbledhur pranë vendit të koncerteve duke vendosur lule, në veriperëndim të Moskës, në një ditë zie kombëtare në Rusi. Në një fjalim televiziv, Putin dënoi masakrën, më vdekjeprurëse e Rusisë në gati 20 vjet, si një “akt barbar terrorizmi” dhe përsëriti deklaratat e mëparshme nga shërbimet ruse të sigurisë se sulmuesit ishin përpjekur të iknin në Ukrainë.

Kievi hodhi poshtë pretendimin se ishte disi i përfshirë në sulm si “absurd”. Presidenti ukrainas Volodymyr Zelensky akuzoi të shtunën homologun e tij rus Vladimir Putin se po kërkon mënyra për të “fajësuar” Ukrainën për masakrën, për të cilën pretendohet se fshihet grupi i Shtetit Islamik.