Pas një ndryshimi në ligjin për certifikatat e lindjes së të birësuarve, Hancho nga SHBA gjeti emrin e babait të tij biologjik – ‘Kjo është mrekullia ime e Krishtlindjeve’

NJU JORK – Krishtlindja e këtij viti do të mbetet përgjithmonë në kujtesën e Dixon Hatso. 75-vjeçari nga SHBA u rrit si fëmijë i vetëm, pasi u birësua në moshën tre muajshe. Gushtin e kaluar ai mësoi se ka vëllezër e motra, të cilët i takoi pak para pushimeve.

“Gjatë gjithë jetës sime kam ëndërruar të kem vëllezër diku. Kjo është mrekullia ime e Krishtlindjeve”, tha Hancho për CNN, citon noa.al. Ai jeton në Karolinën e Veriut dhe udhëtoi deri në Rochester, Nju Jork për të parë familjen që nuk e dinte se ekzistonte deri vonë.

“Kurrë nuk kam takuar dikë që ndan ADN-në time. Sapo takova të afërmit e mi ata u mrekulluan bashkë me mua. Më parë nuk kisha ndjerë një bollëk të tillë dashurie të pakushtëzuar si nga familja ime e re,” pranon ajo.

Historia e Hanços

Lindur në Buffalo, Nju Jork në vitin 1949, Hancho u birësua në moshën tre muajshe dhe pati një fëmijëri të lumtur. Prindërit e tij ishin të sinqertë për birësimin e tij.

“Gjithmonë kam dashur të gjej familjen time biologjike, por shteti i Nju Jorkut vulosi certifikatat e lindjes para birësimit dhe ishte e pamundur ta gjeja”, thotë ai.

Në vitin 2020, certifikatat origjinale të lindjes u çvulosën për njujorkezët e birësuar pas miratimit të një ligji në vitin 2019. Hancho mori certifikatën origjinale të lindjes në gusht 2024 dhe pikërisht atëherë mësoi emrin e babait të tij biologjik.

“Kam pasur prindër birësues të mrekullueshëm. Ata ishin të shkëlqyer. I dua dhe më mungojnë, por gjithmonë kam dashur vëllezër dhe tani i kam.”

“Gjëja e parë që bëra kur mësova emrin e babait tim në Google isht3 nekrologjia e tij. “Jo vetëm që u trondita kur pashë që i ngjaj atij, por e kuptova menjëherë që kisha gjithë këta vëllezër dhe një motër”, rrëfen ai.

Hancho nuk e di pse u vendos për birësim, por ai e di se babai i tij ishte student i diplomuar në departamentin e fizikës në Universitetin Cornell. Nëna e tij ishte sekretare departamenti dhe nuk kishte fëmijë të tjerë.

“Kam pasur prindër birësues të mrekullueshëm. Ata ishin të shkëlqyer. I dua dhe më mungojnë, por gjithmonë kam dashur vëllezër dhe tani i kam”, thekson ai.

Babai i tij u vendos në Rochester me një grua që kishte tre djem të saj. Ai adoptoi tre djemtë dhe më pas çifti pati edhe pesë fëmijë të tjerë. Takimi i tyre u zhvillua në të njëjtin qytet në një atmosferë emocionuese.

Edhe pse Hanço nuk i ka kaluar Krishtlindjet me ta, ai ka në plan t’i vizitojë sërish së shpejti. /noa.al