Tiranë, 31 maj 2025 – Një ngjarje e rëndë ka ndodhur paraditen e sotme në rrugën “Brigada VIII” në kryeqytet, ku një punëtor ndërtimi ka humbur jetën si pasojë e rrëzimit nga lartësia gjatë punës në një objekt në ndërtim.

Sipas informacionit paraprak të Policisë, viktima është shtetasi i huaj V. N., rreth 48 vjeç, me origjinë nga Bosnja dhe Hercegovina. Dyshohet se ai ka rënë nga një lartësi e konsiderueshme teksa punonte në një pallat në ndërtim dhe ka ndërruar jetë në vendngjarje.

Në vend janë të pranishëm grupi hetimor dhe shërbimet e Policisë, të cilët po punojnë për sqarimin e plotë të rrethanave të aksidentit dhe për të verifikuar nëse janë respektuar standardet e sigurisë në punë.

Hetimet janë në vijim. /noa.al

Një kioskë në zonën e ish-Bllokut është grabitur para pak minutash. Pronarja e kioskës thotë se një person i paidentifikuar i ka marrë disa shuma parash. Sipas saj autori ishte i armatosur. Policia ka mbërritur në vendngjarje ku ka nisur hetimet.

Nuk dihet akoma shuma, por nuk mendohet të jetë shumë e madhe. Gruaja pritet të merret në pyetje për të dhënë detaje. Ndërkohë sipas asaj çfarë ka thënë paraprakisht gruaja, ende nuk dihet nëse ka pasur thikë apo pistoletë autori.