Tre muaj pas zgjedhjeve të 11 majit, ku u aplikua për herë të parë vota e diasporës, proces historik që u krye përmes postës, kompania DHL që bëri shpërndarjen e fletëve të votimit, nuk ka marrë ende asnjë pagesë nga Komisioni Qendror i Zgjedhjeve.

Kompania postare ka prerë faturat për shërbimin e plotë prej 9.2 mln euro për 245 mijë votues jashtë vendit, por KQZ po kontrollon nënshkrimet e marrjes së zarfeve, për të parë në ç’masë është zbatuar kontrata.

Pas procesit që është shoqëruar me shumë polemika për mënyrën si u shpërnda zarfi tek emigrantët, KQZ konfirmoi për Report Tv se tashmë ka nisur verifikimi nëse janë respektuar kushtet e kontratës.

KQZ thotë se raporti i zbatimit të kontratës së DHL ende nuk është gati për shkak të volumit të mëdha të të dhënave që duhen përpunuar, por edhe për faktin se stafi u angazhuar edhe në procesin e rinumërimit që zgjati deri në muajin korrik.

“Ju informojmë se, Komisioni Qendror i Zgjedhjeve nuk ka disbursuar ende asnjë pagesë ndaj kontraktorit. Gjithashtu, raporti i zbatimit të kontratës nuk është finalizuar për shkak të vëllimit të madh të të dhënave që kërkojnë përpunim dhe angazhimit të stafit në procesin e numërimit/vlerësimit të votave nga jashtë vendit, trajtimit të ankimimeve, si dhe procesit të rinumërimit në vijim”,-tha KQZ në një përgjigje zyrtare për Report TV.

202 mijë zarfe mbërritën në KQZ për zgjedhjet e 11 majit, nga 227 mijë që mbërritën deri te zgjedhësit. Për të bërë ‘auditimin’ e kontratës KQZ do duhet të verifikojë një më një të gjithë zarfet që mbërritën në Shqipëri, nëse e kanë firmën e zgjedhësit. Vetë Komisioni Qendror i Zgjedhjeve ka deklaruar më herët se nuk do të paguajë për ato zarfe që nuk kanë firmat e zgjedhësve sepse kanë munguar garancitë që zarfin e ka marrë personi i duhur.

Procesi i shpërndarjes së zarfeve të votimit te diaspora u shoqërua me shumë polemika, sidomos në Greqi. PD e akuzoi kompaninë se në bashkëpunim me socialistët, nuk i shpërndau zarfet sipas kontratës, por shkuan te zgjedhësit pa firmë e karta identiteti. Jo pak herë, edhe socialistët kritikuan mënyrën e shpërndarjes së zarfeve në Greqi.

Një kamion u përmbys këtë mesditë në rrugën e Poçemit, në afërsi të Mallakastrës.

Drejtuesi i mjeti shpëtoi pa lëndime, ndërkohë që aksidenti shkaktoi bllokim e aksit Poçem-Akerni (aeroporti i Vlorës).

Qarkullimi i mjeteve u ndalua për pak orë, si pasojë e inerteve që ranë në rrugë.

Qindra qytetarë që udhëtojnë nga Tirana në drejtim të Durrësit apo anasjelltas janë përballur me trafik të rënduar këtë të premte.

Trafiku duket i rënduar në të dy krahët, ku makinat lëvizin shumë ngadalë.

Për shkak të ngarkesës kordoni i makinave në ardhë është bërë mjaft i gjatë, Gjithashtu e bllokuar është edhe rruga dytësore.

Qarkullimi i automjeteve në rrugën e Arbrit në vendin e quajtur Shkalla e Tujanit pak kilometra larg Tiranës është bllokuar pasditen e sotme. Gjatë gjithë javës qytetarët që lëvizin në drejtim të Qarkut Dibër apo Maqedonisë së Veriut si dhe anasjelltas përballen me bllokim të qarkullimit në afërsi të tunelit të Shkallës së Tujanit.

Për shkak të punimeve që po bëhen për rivitalizimin e skarpatave rruga bllokohet si pasojë e dherave por edhe gurëve që dalin nga punimet. Nga pamjet në vendin e ngjarjes duket qartë sesi makinat janë të bllokuara ndërsa shihet udhëtarët jashtë mjeteve të cilët presin për zgjidhjen e problemit.

Policia italiane ka bllokuar një kamion me targa greke, ku u gjetën 67 kg kokainë me vlerë 5 mln euro. Policia italiane ka arrestuar shoferin grek, një 46-vjeçar, ndërsa vijojnë hetimet.

Italianët kanë bllokuar një ngarkesë kokaine me vlerë të paktën 5 milionë euro, e cila ishte fshehur në një kamion grek.

Kamioni u kontrollua nga autoritetet italiane në autostradën A22 në zonën e Trentos, ndërsa një 46-vjeçar grek, drejtuesi i mjetit u arrestua dhe u dërgua në prokurori. Ai akuzohet për trafik droge.

Kamioni me targa greke erdhi nga Holanda. Autoritetet italiane kanë pasur dijeni lidhur me ngarkesën pasi më parë ishte lajmëruar Qarku i Autostradës të ndalojë mjetin për ta kontrolluar.about:blank

Shoferi u tregua shumë nervoz në përgjigjet e pyetjeve që i ishin bërë gjatë kontrollit.

Një njësi e Policisë së Krimit Ekonomik ka mbërritur në vendngjarje me dy qen të trajnuar posaçërisht, të cilët kanë mundur të thyejnë 60 pako me kokainë, me peshë totale 67 kg.

Ngarkesa dhe kamioni u sekuestruan nga autoritetet italiane që po hetojnë tani për marrësit e drogës. Sipas informacioneve, shoferi ende nuk e ka bërë të ditur destinacionin e ngarkesës dhe po mban gojën të mbyllur.

Megjithatë, fakti që transporti filloi nga Holanda nuk është për t’u habitur pasi mënyra e transportit dhe itinerari janë të njohura për autoritetet. Vihet re se në të kaluarën kemi parë shumë herë kartele të organizuara që dërgonin koks në vendin tonë përmes kësaj rruge të veçantë.

Por ka edhe diçka tjetër ku sipas informacioneve të “Zouglas” shqetëson italianët, të cilët kanë bashkëpunim perfekt me Autoritetet e Policisë greke.

Siç raportoi një oficer i lartë italian për gazetën tonë online, “duke pasur parasysh se Ndrangheta (mafia kalabreze) kontrollon ndjeshëm trafikun e koksit në Evropë, duhet të shikojmë me shumë kujdes nëse automjetet greke përdoren tani për transport, gjë që do të thotë se Ndrangheta tashmë është aktiv në Greqi në bashkëpunim me organizata të tjera kriminale të paktën në drejtim të trafikut të drogës”.

Këtë mendim e përforcon edhe prokurori aktual i njohur italian Nicola Grateri, i cili ka argumentuar në “Xhungël” se vendi ynë është një magazinë droge.

Forcat zjarrfikëse të Fierit kanë ndërhyrë në lagjen “ Apollonia” ku një e moshuar kish mbetur e bllokuar në banesë.

Sipas informacioneve paraprake e moshuara jetonte e vetme në katin e pestë të një pallati dhe vuan nga probleme shëndetësore.

Pasi ka parë që dera nuk hapet e moshuara ka thërritur për ndihmë.

Kanë qenë banorët e pallatit ata të cilët kanë lajmëruar shërbimet zjarrfikëse të cilat kanë bërë të mundur hapjen e derës.

Doganat greke kanë paralajmëruar një grevë 48 orëshe nga data 2 prill në orën 08.00 të mëngjesit dhe deri në 04 prill në 08.00 të mëngjesit.

Si pasojë e grevës do të paralizohet totalisht lëvizja e mjeteve nga dhe drejtë Greqisë, në të gjitha pikat doganore që lidhin vendin me vendet e rajonit. Probleme do të ketë edhe për lëvizjen e mallrave në portet dhe aeroportet e vendit. Përsa i përket doganave greke që janë porta hyrëse me vendin tonë, stafi në to paralajmëroi pjesëmarrje të gjerë në grevë.

Doganën e Kakavijës dhe atë të Kapshticës, u tha se gjatë 48 orëve të grevës nuk do të mund të lëvizi asnjë mjet udhëtarësh dhe kamionë nga dhe drejtë Greqisë. Do të lejohen vetëm këmbësorët të cilët kalojnë pa bagazhe dhe çanta.

Sindikata e doganave tha se vendimi për fillimin e grevës ishte i pa shmangshëm pasi qeveria nuk ka përmbushur asnjë nga pikat e kërkesave të kësaj sindikate.

KUKËS- Një segment prej afro 3 kilometrash në Rrugën e Kombit, pranë qytetit të Kukësit është bllokuar. Për shkak të punimeve për zhvendosjen e urës së re mbi bazamentin përfundimtar, nga ura gjashtëmetroshe deri tek ura mbi Drin nuk do të lejohet qarkullimi i qytetareve dhe mjeteve.

Trafiku i makinave që udhëtojnë nga Kosova drejt Tiranës dhe anasjelltas devijohet në dy pika hyrëse për në qytetin e Kukësit drejt unazës për t’u lidhur me urën ekzistuese mbi Drinin e Zi.

Bllokimi i segmentit dhe devijimi i trafikut nisi në orën 15:00 të së shtunës dhe do të vijojë për të paktën 12 ditë, deri në përfundimin e zhvendosjes se urës metalike mbi Drin.

Policia është angazhuar për të menaxhuar trafikun që do të krijohet nga ky devijim, për shkak të fluksit të lartë të mjeteve e veçanërisht atyre te transportit të mallrave dhe tonazhit të rëndë.

Ura e re mbi lumen Drin ka përfunduar tërësisht si konstrukt metalik, ndërsa përmes një procesi delikat do të zhvendoset gjatë këtyre ditëve në bazamentet përfundimtare në brigjet e liqenit.

Ura e re ka një gjatësi rreth 310 metra me konstrukt çeliku, pa pikë mbështetëse të ndërmjetme dhe me një hark metali me një lartësi kulmore nga bazamenti 50 metra.

Ura e re përmbyll përfundimisht piken nevralgjike të rrugës së Kombit, e cila krijonte trafik gjatë sezonit të verës.

Një aksident i rëndë ka ndodhur pak minuta më parë, në zonën e Lungomares në qytetin e Vlorës. Mësohet se një automjet tip “Benz” ka dalë nga rruga dhe është përplasur me një pemë, duke marrë dëmtime të shumta. Pas aksidentit, shoferi ka mbetur i bllokuar brenda mjetit i cili ishte dëmtuar, shumë por është nxjerrë me vështirësi nga zjarrfikësit, për t’u dërguar më pas në spital.about:blank

Mësohet se shoferi ka marrë dëmtime në këmbë dhe ndodhet jashtë rrezikut për jetën.

Kaosi ka përfshirë ditën e sotme qytetin italian të Pescarës, pasi një grup personash tentuan të grabisnin një furgon.

Një tentativë sulmi ndaj një furgoni sigurie ndodhi në seksionin Pescara të autostradës A14, midis Pescara Nord dhe Pescara Ovest, rreth orës 7:30. 

Gjatë sulmit, automjete dhe kamiona u dogjën në të dy karrexhatat, duke detyruar mbylljen e përkohshme të zonës. Sipas informacioneve fillestare janë dëgjuar të shtëna, por fatmirësisht nuk ka pasur të lënduar. 

Sulmi ndaj makinës së blinduar dështoi falë ndërhyrjes në kohë të agjentëve të policisë rrugore. Ardhja e shpejtë e agjentëve i detyroi kriminelët të iknin pa mundur të kryenin grushtin e shtetit. Ka spekulime se grabitja ishte planifikuar nga profesionistë.

Sipas autoriteteve po kryhen kërkime për identifikimin e shtatë ose tetë autorëve të sulmit, ndërsa hetimet i janë besuar komisariatit të Peskarës.

Forca të shumta policie, të mbështetura edhe nga një helikopter, janë angazhuar në kërkime dhe postblloqe. Në vendin e aksidentit kanë shkuar forcat zjarrfikëse, mekanikët e urgjencës, patrullat e policisë rrugore dhe personeli i Autostrade per l’Italia.

Një pjesë e autostradës është bllokuar, sakaq janë krijuar radhë për shkak të trafikut intensiv në rrugët alternative.