Përmet, 18 gusht 2025

Shërbimet e Policisë së Përmetit, në bashkëpunim me zjarrfikësit dhe administratën e zonave të mbrojtura, ndërhynë me sukses për të shpëtuar 14 turistë nga Franca dhe Gjermania, të cilët kishin mbetur të bllokuar në kanionin e Langaricës pas reshjeve të rrëmbyeshme të shiut.

Ngjarja u regjistrua pranë vendit të njohur si “Ura e Dashit”, ku turistët, teksa eksploronin zonën me këmbë, u përballën me rritjen e menjëhershme të nivelit të ujit në lumin e Langaricës. Për pasojë, ata mbetën të izoluar në një pjesë të kanionit dhe kërkuan ndihmë.

Menjëherë pas marrjes së njoftimit, forcat e rendit dhe strukturat mbështetëse u nisën drejt vendngjarjes dhe organizuan operacionin e shpëtimit, i cili përfundoi me sukses. Të gjithë turistët ndodhen në gjendje të mirë shëndetësore dhe nuk kanë pësuar lëndime.

Turistët kanë shprehur mirënjohje ndaj Policisë dhe ekipeve të tjera të angazhuara, duke vlerësuar profesionalizmin dhe humanizmin e treguar në një situatë të vështirë.

Efektivët e Komisariatit Nr.4 në Tiranë kanë bërë të mundur shpëtimin e një turisti. 26-vjeçari belg kishte mbetur i bllokuar në “Shkëmbin e Tujanit” si pasojë e terrenit të vështirë dhe errësirës. Kërkimet për 26-vjeçarin u kryen në bashkëpunim me Njësinë Alpine të Forcës Kombëtare të Sigurisë.

Njoftimi:

Shërbimet e Komisariatit të Policisë Nr. 4 dhe Njësia Alpine e Forcës Kombëtare të Sigurisë Tiranë ndihmuan një turist belg që kishte mbetur i bllokuar në vendin e quajtur “Shkëmbi i Tujanit”.

Menjëherë pas marrjes së njoftimit se një turist belg kishte mbetur i bllokuar në vendin e quajtur “Shkëmbi i Tujanit”, për shkak të terrenit të vështirë dhe errësirës, shërbimet e Policisë kanë organizuar punën për të lokalizuar dhe ndihmuar turistin.

Për shkak të terrenit të vështirë, kërkimet janë kryer në bashkëpunim me Njësinë Apline të Forcës Kombëtare të Sigurisë Tiranë. Pas disa orësh kërkime gjatë mbrëmjes, është bërë e mundur gjetja e turistit 26-vjeçar, në gjendje të mirë shëndetësore, dhe nxjerrja e tij nga vendi ku kishte mbetur i bllokuar.

Turisti ka falënderuar punonjësit e Policisë, për ndihmën e shpejtë.

Autoriteti Kombetar i Ushqimit ka njoftuar qytetarët për një produkt të rrezikshëm që është importuar nga Italia, dy javë pasi e kanë marrë informacion. Në njoftimin e AKU-së bëhet me dije se produkti i rrezikshëm është “Crema di Rizo Conad Bio” g200 (krem orizi biologjik për fëmijë). Pas njoftimit në lidhje me rrezikshmërinë e këtij produkti janë bllokuar nga AKU 40 pako (8kg) nga kremi i orizit.

Ndërkohë që në njoftimpo ashtu bëhet me dije se nga Italia janë importuar gjithsej 80 pako (16 kg) produkt, ndërsa janë bllokuar vetëm gjyma e këtij produkti. Po ashtu theksohet se sasia prej 8 kg e produktit qëndron e bllokuar prej dates 5.12.2024 në mjediset e Operatorit të Biznesit Ushqimor.

Njoftimi i AKU:

Autoriteti Kombetar i Ushqimit bën me dije qytetarëve që është gadishmëri dhe veprim të menjëhershëm, me efektivitet të plotë për cdo rast të cënimit të Sigurisë Ushqimore me qëllim garantimin e konsumatorit vendas. Garantimi i sigurisë ushqimore është një proces dinamik, për të cilin stuktura qëndrore dhe ato ligj zbatuese përgjigjien rast pas rasti, pavarësisht ngjyrimeve politike dhe daljeve mediatike për të tërhequr vëmendje. Transparenca e komunikimit të riskut me publikun është gjithashtu një proces thelbësor në informacionin korrekt për konsumatorin, duke evituar rrezikun e panikut dhe atë të disinformimit të qytetarëve.

Në kuadër të transparencës institucionale dhe komunikimin me publikun informojmë se referuar informacionit të ardhur nga sistemi RASFF më datë 10.12.2024, me temë: “Arsenik inorganik mbi limitin e lejuar në ushqim për fëmijë”, në të cilin Shqipëria është etiketuar për ndjekje, sqarojme se: Në muajt Korrik, Gusht dhe Shtator 2024 janë importuar në total 80 pako, ose 16 kg produkt “Crema di Rizo Conad Bio” g200 (krem orizi biologjik për fëmijë).

Nga vetë Operatori i Biznesit Ushqimor (OBU), i njoftuar nga kompania mëmë, jemi njoftuar në datën 05.12.2024, pra 5 (pesë) ditë përpara njoftimit zyrtar nga sistemi RASFF për tërheqjen e produktit gjendje nga tregu shqiptar dhe afishimin e njoftimit për konsumatorin, të cilët kishin blerë produktin me qëllim kthimin e tij.

Autoriteti Kombëtar i Ushqimit me marrjen e njoftimit pasditen e datës 5.12.2024, ka kryer menjëherë kontrollin në subjekt në datën 6.12.2024 duke bllokuar sasinë prej 40 pako (8kg), të tërhequr nga vetë subjekti pasditen e një dite më parë. Gjithashtu, nëpërmjet gjurmueshmerisë u identifikua që produkti ishte shpërndarë vetëm brenda rrjetit të njësive të shitjes së subjektit, i cili njëkohësisht ka kryer edhe njoftimin për konsumatorin për kthimin mbrapsht të produktit.

Po në këtë datë: 6.12.2024 Autoriteti Kombëtar i Ushqimit ka bërë njoftimin për konsumatorin në linkun https://aku.gov.al/2024/12/06/njoftim-per-konsumatorin-3/, duke tërhequr vëmendjen blerësve të këtij produkti për mos konsumimin dhe kthimin mbrapsht, në faqen zyrtare të Institucionit me numrin e loteve dhe datat e skadencës përkatëse.

Duke qenë se Njoftimi zyrtar nga Sistemi i Njoftimit të Shpejtë për Ushqim dhe Ushqim për Kafshë – RASFF është bërë 5 (pesë) ditë pas njoftimit nga vetë Operatori i Biznesit Ushqimor, Autoriteti Kombëtar i Ushqimit ka kontrolluar edhe njëherë pas njoftimit zyrtar të RASFF subjektin dhe ka ri-njoftuar konsumatorin në faqen zyrtare të Institucionit, në linkun https://aku.gov.al/rasff/#. Në njoftim e datës 17.12.2024 është dhënë informacion për pamjen e produktit dhe numrin e Lotit, si dhe duke i bërë thirrje konsumatorëve të cilët e kishin blerë produktin dhe e kishin ende gjendje ta kthenin pranë pikave të shitjes së produktit.

Sasia prej 8 kg e produktit qëndron e bllokuar prej dates 5.12.2024 në mjediset e Operatorit të Biznesit Ushqimor, i cili ka detyrim përmbushjen e dispozitave ligjore për asgjësimin, brenda një afati maksimal kohor prej 30 ditësh. Autoriteti Kombetar i Ushqimit ndjek nga afër cdo situatë për garantimin e publikut të gjerë, me synim mos cënimin e sigurisë ushqimore dhe mbrojtjen e konsumatorit në vend. Siguria ushqimore është një përgjegjësi e përbashkët dhe cështje e të gjithëve, ndaj i bëjmë thirrje qytetarëve që të ndërveprojnë dhe të kenë besim tek institucionet përgjegjëse.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Mbeti i bllokuar në autobot, vdes shoferi 27-vjeçar.

Një aksident i rëndë ka ndodhur mbrëmjen e sotme pranë kryqëzimit Kashtë-Bardhë në aksin Lushnje-Berat. Një autobot është përplasur me një zetor.

Shoferi i autobotit, Petro Piti, 27 vjeç, i cili për rreth 1 orë mbeti i bllokuar në mjetin e mbushur me naftë, nuk ka mundur të ju rezistojë plagëve të marra. Autoboti përfundoi në tokë bujqësore.

Në ndihmë të tij shkuan qytetarë të shumtë, zjarrfikësja dhe një traktor që bënë përpjekje për ta nxjerrë jashtë shoferin. Nga aty e nisën për në spitalin e Lushnjes, ku mjekët konstatuan humbjen e jetës të të riut.

Ndërkohë drejtuesi i mjetit bujqësor ka arritur të dalë nga dera dhe ka shpëtuar, ndërsa zetori ka përfunduar në kanal në momentet pas aksidentit.

Policia ndodhet në vendin e ngjarjes dhe po kryhen hetimet mbi rrethanat e rastit.

Fier/ Informacion paraprak

Rreth orës 18:30, në aksin rrugor “Lushnjë-Berat”, një autobot i ngarkuar me lëndë hidrokarbure me drejtues shtetasin P. P., është përplasur me një mjet bujqësor me drejtues shtetasin A. T.

Nga përplasja ka humbur jetën në spital drejtuesi i autobotit, shtetasi P. P.

Ndërkohë shërbimet e Policisë kanë shoqëruar shtetasin A. T., në Komisariatin e Policisë Lushnjë për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.