Një incident i rrezikshëm ka ndodhur në lagjen “Vullnetari” në qytetin e Elbasanit, ku ambientet e kuzhinës së një apartamenti janë përfshirë nga flakët rreth orës 18:40 të mbrëmjes së sotme.

Sipas hetimeve paraprake, pakujdesia gjatë ndezjes së bombolës së gazit ka shkaktuar shpërthimin e flakëve, ndërkaq nuk raportohet për të lënduar.

Zjarrfikësit kanë ndërhyrë me shpejtësi dhe kanë izoluar dhe shuar flakët.

Një bombul gazi dyshohet se ka shpërthyer në banesën e një shtetasi në Maliq. Sipas raportimeve janë dëmtuar tre pjesëtarë të familjes të cilët aktualisht po marrin mjekim në spitalin e Korçës dhe ndodhen jashtë rrezikut për jetën.

Njoftimi i policsë:

Maliq/Informacion paraprak/ Rreth orës 11:00, në Fshat Maliq, në banesën e shtetasit M. M., dyshohet se ka shpërthyer një bombël gazi.Si pasojë e shpërthimit janë dëmtuar 3 shtetas, pjesëtarë të familjes, të cilët aktualisht po marrin mjekim në spitalin e Korçës dhe ndodhen jashtë rrezikut për jetën. Grupi hetimor ndodhet në vendngjarje dhe po punon për sqarimin e plotë të rrethanave të rastit.