Në kulmin e sezonit turistik veror, Borshi po përballet me ndërprerje të zgjatura të energjisë elektrike, duke krijuar shqetësim tek banorët dhe pushuesit.

Sipas raportimeve nga terreni, energjia është ndërprerë që nga ora 22:00 e mbrëmjes së kaluar dhe rikthehet vetëm për pak çaste me ndërprerje të vazhdueshme.

Autoritetet kanë sqaruar se problemi është shkaktuar nga rënia e një përforcuesi dhe ngarkesa e lartë në rrjetin elektrik në zonën e Qeparosë, që ka ndikuar në furnizimin e gjithë vijës bregdetare.

Pushuesit shprehin pakënaqësi të madhe, ndërsa operatorët turistikë paralajmërojnë se situata mund të dëmtojë seriozisht imazhin e zonës dhe përvojën e vizitorëve, në një moment kyç për ekonominë lokale.

BORSH- Një vatër zjarri është regjistruar pasditen e sotme edhe në fshatin Borsh të bashkisë Himarë teksa mësohet se flakët kanë nisur në një pjesë shkurresh.

Sipas informacioneve, ndërhyrja e zjarrfikëses bëri të mundur mbrojtjen e banesave në zonë, ndërsa zjarri vijon ende. Të angazhuar për shuarjen e plotë të tij janë zjarrfikësit, por dhe banorë të fshatit.