E hëna e 26 gushtit është shpallur Ditë Zie në entitetin Federata e Bosnjës dhe Hercegovinës si pasojë e vrasjes së trefishtë që ndodhi javën e kaluar në Sanski Most, raporton Shërbimi i Ballkanit i Radios Evropa e Lirë.

“Dita e varrimit të viktimës së fundit të krimit tragjik në Shkollën e Mesme në Sanski Most, 26 gusht 2024, shpallet si Dita e Zisë në Federatën e Bosnjës dhe Hercegovinës,” thuhet në vendimin e qeverisë së entitetit, i cili u miratua në seancën e datës 23 gusht.

Tre persona u vranë të mërkurën, më 21 gusht, në një sulm me armë zjarri në qendrën e shkollës së mesme në Sanski Most, në veriperëndim të Bosnjës dhe Hercegovinës, ndërsa sulmuesi mbeti i plagosur rëndë gjatë tentativës për vetëvrasje.

Sulmuesi hapi zjarr me një pushkë automatike ndaj tre punonjësve të Gjimnazit, ku mbetën të vrarë drejtori, sekretari dhe një mësues i anglishtes.

I dyshuari për vrasjen e trefishtë është një punonjës i qendrës së shkollës së mesme në Sanski Most.

Motivi i vrasjes së trefishtë ende nuk është krejtësisht i qartë.

Dita e Zisë shënohet me uljen e flamurit të Bosnjës dhe Hercegovinës në gjysmështizë, në ndërtesat e autoriteteve legjislative, ekzekutive dhe gjyqësore, institucionet publike, institucionet dhe entitetet e tjera juridike në territorin e Federatës së Bosnjës dhe Hercegovinës./ REL

Kryeministri hungarez, Viktor Orban u nderua me medalje nga udhëheqësi serb i Republikës Srpska në Bosnjë Hercegovinë, Milorad Dodik me rastin e festës së ndaluar kombëtarëve të serbëve të Bosnjës më 9 janar.

Një medalje e njëjtë iu dha edhe presidentit rus Vladimir Putin një vit më parë. Gjatë fjalës së tij, Dodik u shpreh se Viktor Orban është shembulli sesi mund të ruhet dhe mbrohet një shoqëri dhe familje.

Kryeministri i Hungarisë, Viktor Orban, u nderua me medalje nga udhëheqësi serb i Bosnjës dhe Hercegovinës Milorad Dodik me rastin e festës së ndaluar kombëtare të serbëve të Bosnjës më 9 janar.

“Jam i sigurt se në të ardhmen do të festojmë së bashku sukseset tona të përbashkëta dhe ndërkohë do t’i kushtojmë vëmendje çdo fjale të thënë nga ju”– tha Dodik.

Ndërsa Orbani e përshkroi veten si një person që kujton kohën kur territori ku përfshihet edhe Bosnja, quhej Jugosllavi.

“Kur korniza e ekzistencës së një kombi ndryshon, jo në avantazhin e tij, dhe ai duhet të gjejë vendin e tij në botë. Pavarësisht se ku janë kufijtë, serbët dhe hungarezët po kujdesen për njëri-tjetrin, çështja nuk është se shtetet tona janë fqinj, por se popujt tanë janë fqinj” tha ndër të tjera kryeministri hungarez.

Tre persona janë vrarë dhe tre të tjerë kanë mbetur të plagosur nga të shtënat me armë ditën e sotme në një qytet në afërsi të kantonit të Tuzlës, në Bosnjë dhe Hercegovinë. Lajmi u bë i ditur nga Ministria e Brendshme e këtij kantoni.

Sipas autoriteteve, i dyshuari Nermin Sulejmanoviç, 35 vjeç, është gjetur i vdekur nga forcat e policisë në zonën e qytetit verilindor të Bosnjës, Gradaçacit. Ai kreu vetëvrasje.

“Sulejmanoviç e vrau ish-bashkëshorten dhe dy burra të tjerë, babë e bir, me pistoletë. Ai, po ashtu, e plagosi një polic, si dhe një burrë tjetër dhe një grua në lokacione të ndryshme në Gradaçac”, njoftoi Zyra e Prokurorit në Tuzla.

“Forcat e Policisë janë në terren. Hetimi do të kryhet nga prokurori në detyrë në bashkëpunim me hetuesit e Ministrisë së Punëve të Brendshme”.

“Policia e gjeti atë të vdekur në veturën e tij, dhe se operacioni i policisë po vazhdon”, tha ministri i Brendshëm i kantonit të Tuzlës, Hajrudin Mehanoviç.