ITALI- Policia italiane ka arrestuar një 32-vjeçar shqiptar, i cili kishte fshehur në shtëpinë e tij 25 kilogramë kokainë. Mediat italiane, shkruajë se 32-vjeçari shqiptar dyshohet se luan një rol kryesor në aktivitete të paligjshme në provincën Reggio Emilia. Policia italiane gjeti në dhomën e gjumit pesë çanta shpine të mbushura me pako plastike transparente, të paketuara në vakum, që përmbanin kokainë, me një peshë totale prej mbi 25 kilogramësh.

Në kuzhinë oficerët zbuluan të gjitha materialet e nevojshme për të paketuar dhe peshuar dozat si 35 qese plastike transparente për paketim në vakum, një rrotull me fletë plastike transparente për paketim në vakum, një rrotull me celofan transparent dhe dy peshore elektronike, si dhe dy telefona celularë. Ata gjetën gjithashtu edhe 22,000 eurosh në një çantë laptopi. 32-vjeçari shqiptar është arrestuar në flagrancë nga aitoritetet italiane, ndërkohë që pritet të përballet me drejtësinë italiane.

Një helikopter doli jashtë kontrollit dhe u përplas mbi një hotel luksoz buzë plazhit të shtunën.

Sipas raporteve fillestare, helikopteri pësoi një “dështim të rotorit të bishtit” përpara se të binte nga qielli dhe të përplasej në hotelin Hyatt Regency, duke shtypur disa palma jashtë.

Policia e Huntington Beach tha se dy personat në helikopter u nxorën shëndoshë e mirë nga rrënojat, megjithëse gjendja e tyre mbetet e panjohur.

Tre kalimtarë në rrugë u plagosën gjithashtu, sipas autoriteteve. Të pesë individët u transportuan në një spital aty pranë për trajtim, raportoi ABC7.

Igli Tare është i lumtur me si po shkojnë gjërat te Milani dhe këtë e ka përsëritur edhe para suspersfidës që kjo skuadër luan sot ndaj Juventusit. Ai është ndalur te ekipi, por edhe elementët e veçantë brenda tij, si Leao dhe Himenez.

“Leao? Në krahasim me periudhën tonë, bota e komunikimit ka ndryshuar tërësisht. Lojtarët flasin me tifozët nëpërmjet rrjeteve sociale, për sa kohë që ekziston respekti, çdo gjë është e mundur. Menjëherë ka lindur një mirëkuptim mes trajnerit dhe Leaos. Maks di të nxjerrë më të mirën nga çdo lojtar. Për ekipin është i rëndësishëm, duhet të japë maksimumin dhe në këtë periudhë po mundohemi ta rikuperojmë nga një dëmtim i gjatë që kaloi.

Himenez? Është rritur shumë fizikisht, sidomos në këtë javë. Është në gjendje të mirë dhe shihet, kemi shumë besim te ai dhe kjo gjë ndjehet. Jam i bindur se sot do të bëjë një ndeshje të madhe dhe ndoshta golin e parë në kampionat.

Një ngjarje e pazakontë natyrore ka tronditur rajonin lindor të Rusisë, ku vullkani Krasheninnikov në gadishullin e largët të Kamçatkës ka shpërthyer për herë të parë pas më shumë se 500 vitesh. Sipas autoriteteve ruse, gjatë natës, vullkani ka çliruar një re të dendur hiri, e cila është ngritur deri në 6 kilometra në atmosferë.

Shpërthimi vjen vetëm pak ditë pas një tërmeti masiv me magnitudë 8.8 të shkallës Rihter që goditi të njëjtin rajon dhe shkaktoi alarm global për cunami, që u përhap deri në Polinezinë Franceze dhe brigjet e Kilit. Sipas ekspertëve rusë, ekziston një lidhje e mundshme mes aktivitetit sizmik dhe shpërthimit të papritur të vullkanit Krasheninnikov.

Pavarësisht intensitetit të shpërthimit, Ministria e Emergjencave ruse bëri të ditur se nuk ka rrezik për zonat e populluara dhe situata është nën kontroll. Megjithatë, paralajmërimet për cunami mbeten aktive në tre zona të gadishullit Kamçatka, ku autoritetet kanë bërë thirrje për evakuim të përkohshëm të banorëve pranë vijës bregdetare.

Pak orë pas shpërthimit, një tjetër tërmet me magnitudë 7.0 goditi Ishujt Kuril, duke rritur shqetësimet për pasgoditje të fuqishme. Ministria paralajmëroi se valët e cunamit mund të arrijnë deri në 18 centimetra lartësi, duke shtuar se lëkundjet e forta pritet të vijojnë për disa javë.

Olga Girina, kreu i Ekipit të Reagimit ndaj Shpërthimeve Vullkanike të Kamçatkës, konfirmoi se shpërthimi i Krasheninnikov është i pari i dokumentuar që nga shekulli i 15-të dhe ka të ngjarë të jetë nxitur nga aktiviteti sizmik i fundit.

Gadishulli Kamçatka ndodhet në të ashtuquajturën “Unaza e Zjarrit të Paqësorit”, një zonë e njohur për përqendrimin e lartë të tërmeteve dhe vullkaneve, ku përplasjet e pllakave tektonike krijojnë rrethana të favorshme për shpërthime dhe lëkundje të fuqishme.

Autoritetet ruse mbeten në gatishmëri, ndërsa ekipet shkencore po monitorojnë nga afër situatën për çdo zhvillim të mëtejshëm.

Një moment që duhej të ishte i paharrueshëm për dashuri, përfundoi në tragjedi në Adana të Turqisë. Një avion i vogël i tipit “Ultra Light” u rrëzua në një plantacion agrumesh, vetëm pak sekonda pasi një vajzë tha “Po” në një propozim martese nga ajri.

Ngjarja ndodhi në zonën Yüreğir, pranë pistës “Kelaynak”. Në bord ndodheshin piloti 39-vjeçar Burak Yürekli dhe Şeyda Doğan, e cila ishte ftuar në fluturim nga partneri i saj. Përmes radios, ai i bëri propozimin për martesë nga toka, ndërsa Şeyda tha “Po” me emocion.

Pamjet e regjistruara nga të pranishmit tregojnë momentin e përgjigjes së saj, por gëzimi zgjati shumë pak: avioni humbi kontrollin dhe u përplas në një fushë pranë pistës.

Të dy pasagjerët u transportuan me urgjencë në Spitalin Universitar të Adanasë dhe raportohen në gjendje të rëndë shëndetësore. Autoritetet turke kanë nisur një hetim për shkaqet e aksidentit.

Rritje e qëndrueshme e shitjes të mallrave të konsumit

Shitjet me pakicë të mallrave të konsumit në Kinë u rritën me 5.5% mesatarisht në vit gjatë katër viteve të fundit dhe pritet të arrijnë në 50 trilionë juanë (rreth 7 trilionë dollarë amerikanë) në vitin 2025, deklaroi të premten ministri kinez i Tregtisë, Wang Wentao, citon noa.al një raport të agjencisë së lajmeve “Xinhua”.

Sipas tij, shitjet me pakicë të mallrave të konsumit në Kinë u rritën në 48.3 trilionë juanë në vitin 2024 nga 39.1 trilionë juanë në vitin 2020.

Të ardhurat nga shitjet në kuadër të programeve të tregtisë në Kinë kanë tejkaluar 2.9 trilionë juanë deri në fund të qershorit.

Konsumi i shërbimeve në Kinë vazhdon të rritet me shpejtësi, me shpenzimet e familjeve për shërbime që arritën në 46.1 për qind vitin e kaluar, sipas Wang.

🧠 Psikologjia e mendjes dhe sjelljes

1. Njerëzit kanë mesatarisht 6,000 mendime në ditë.
2. Truri është më aktiv gjatë natës sesa gjatë ditës.
3. Kujtimet e rreme janë shumë të zakonshme – truri shpesh “i shpik” detajet.
4. Marrja e vendimeve lodh trurin – kjo quhet lodhje nga vendimmarrja.
5. Ëndrrat ndihmojnë në përpunimin e emocioneve të ditës.
6. Truri i njeriut mund të perceptojë një fytyrë në më pak se 100 milisekonda.
7. Kur përpiqesh të mos mendosh për diçka, mendja e mendon më shumë – efekti “i ariut të bardhë”.
8. Të qeshurit përmirëson kujtesën afatshkurtër.

❤️ Emocionet dhe ndjenjat

9. Njerëzit kujtojnë më shumë si i bënë të ndihesh sesa çfarë u thanë.
10. Ankthi shpesh shkaktohet nga mendime për të ardhmen.
11. Të falësh dikë ndihmon në reduktimin e stresit dhe presionit të gjakut.
12. Dëgjimi i muzikës mund të ndryshojë gjendjen shpirtërore brenda sekondave.
13. Truri reagon ndaj dhimbjes emocionale njësoj si ndaj dhimbjes fizike.
14. Njerëzit kanë më shumë empati për njerëzit që u duken të ngjashëm.
15. Të ndihmosh të tjerët rrit ndjesinë e lumturisë – efekti i “ndihmës së ngrohtë”.

👫 Psikologjia sociale

16. Të jesh pjesë e një grupi ul stresin dhe rrit vetëvlerësimin.
17. Njerëzit priren të konformohen me mendimin e shumicës, edhe kur e dinë që është gabim.
18. Prania e dikujt tjetër mund të ndikojë në performancën – efekti i publikut.
19. Ne gjykojmë njerëzit brenda sekondave të para që i shohim – efekti i parë është i fuqishëm.
20. Të thuash “faleminderit” forcon marrëdhëniet sociale.

🧩 Psikologjia kognitive (proceset mendore)

21. Truri ynë shpesh plotëson boshllëqet në informacion pa vetëdije.
22. Multitasking nuk është efikas – truri kalon shpejt nga një detyrë në tjetrën.
23. Kujtesa afatshkurtër mban vetëm rreth 7 objekte për rreth 20-30 sekonda.
24. Truri është i prirur për përforcim konfirmimi – kërkon informacion që përputhet me mendimet e veta.
25. Vendimet shpesh merren emocionalisht dhe racionalizohen më vonë.
26. Zgjedhjet e shumta mund të sjellin më pak kënaqësi – “paradoksi i zgjedhjes”.

🧒 Psikologjia e zhvillimit

27. Foshnjat mund të dallojnë zëra dhe emocione para lindjes.
28. Fëmijët mësojnë më shumë nga shembulli sesa nga fjalët.
29. Ndjeshmëria emocionale fillon të zhvillohet që në moshën 2-3 vjeç.
30. Adoleshentët kanë impulse më të forta sepse truri nuk është plotësisht zhvilluar.

🧘 Psikologjia pozitive dhe mirëqenia

31. Meditimi ndryshon strukturën e trurit – rrit qetësinë dhe përqendrimin.
32. Vetëdija (mindfulness) ul stresin dhe përmirëson fokusin.
33. Njerëzit që ndihen mirënjohës janë më të lumtur dhe më të shëndetshëm.
34. Aktiviteti fizik rrit prodhimin e endorfinës – hormoni i “kënaqësisë”.
35. Të kalosh kohë në natyrë përmirëson shëndetin mendor.

🤔 Fakte kurioze dhe të çuditshme

36. Efekti “Placebo” është dëshmuar të funksionojë edhe kur pacienti e di që është placebo.
37. Sa më shumë e përsërisim një gënjeshtër, aq më shumë mund ta besojmë vetë.
38. Njerëzit kanë tendencë të harrojnë informacionin që mund ta gjejnë lehtë – efekti “Google”.
39. Njerëzit që flasin me veten nuk janë të çmendur – ndihmon në organizimin e mendimeve.
40. Thjesht buzëqeshja, edhe në mënyrë të detyruar, mund të përmirësojë humorin.

SPANJË- Policia spanjolle në Ibiza po heton zbulimin e trupave të pajetë në det. Të paktën pesë kufoma janë gjetur nga Garda Civile në Detin Balearik pranë Ibizës. Besohet se ata janë emigrantë që ishin përpjekur të arrinin në vijën bregdetare spanjolle nëpërmjet një kalimi të rrezikshëm nga Algjeria, një udhëtim që ka marrë mijëra jetë. Trupa të tjerë kanë dalë në plazhe, por këta kanë qenë të prangosur, duke e bërë policinë të besojë se ata janë vrarë për ndonjë arsye të panjohur.

Policia ka hapur një hetim për të sqaruar rrethanat e vdekjes. Megjithatë, hetimet janë pothuajse të pamundura sepse banorët e anijeve janë të vetëdijshëm se janë në një situatë të parregullt dhe nuk raportojnë abuzimet që pësojnë gjatë kalimeve nga bregu algjerian.

Zbulimi i këtyre trupave ka ndodhur gjatë muajit të fundit, megjithëse policia ka ruajtur sekret të plotë në lidhje me hetimet. Njëri prej tyre u gjet më 18 maj rreth orës 17:00. Një anije private me flamur belg që lundronte në ujërat në perëndim të Formenterës ngriti alarmin pasi vuri re një trup që notonte në det.

Pas marrjes së paralajmërimit, në vendngjarje shkoi anija patrulluese e Gardës Civile Río Segura. Anëtarët e ekuipazhit të Río Segura shkuan në pikën e shënuar nga anija belge dhe rreth dy orë më vonë gjetën trupin e pajetë duke lundruar në det.

Kur Roja Civile e gjeti trupin, ata zbuluan se ai ishte i lidhur duar e këmbë dhe kishte veshur një jelek shpëtimi portokalli. Anija patrulluese e Gardës Civile e transferoi trupin në afërsi të Cap de Barbaria, në jug të Formenterës, ku u transferua në një anije që e nxori në breg.

Trupi u ekzaminua më vonë nga agjentët e Gardës Civile dhe një mjek ligjor, në një përpjekje për të sqaruar rrethanat e vdekjes. Disa ditë më vonë, një trup tjetër u shfaq në rrethana të ngjashme, gjithashtu në ujërat e Formenterës. Dhe këto ngjarje janë përsëritur disa herë gjatë disa javëve të fundit.

Në total, të paktën pesë trupa janë gjetur me duar dhe këmbë të lidhura duke lundruar në pjesë të ndryshme të ujërave të Ishujve Balearik. Të gjithë me sa duket u përkisnin emigrantëve që udhëtonin me një varkë.

Në të gjitha rastet, është aktivizuar procedura e parashikuar për rastet e vdekjeve të dhunshme. Kufomat ekzaminohen nga agjentë të Gardës Civile dhe mjekë ligjorë, të cilët marrin gjurmë gishtash nekro (nëse gjendja e trupit e lejon) ose mostra ADN-je.

Hetuesit e Gardës Civile dyshojnë se emigrantët që dukeshin të lidhur duar e këmbë mund të kenë pasur një konfrontim gjatë kalimit. Ata më pas do të jenë prangosur dhe hedhur në det, kështu që do të ishin raste të qarta vrasjeje.

Situata po shkakton tronditje të vazhdueshme për turistët, pasi trupa të pajetë kanë dalë në plazhe, shpesh të dekompozuar keq. Në një rast jetër, një këmbë njeriu u zbulua në det në Can Pastilla në Palma, Majorka. Një trup tjetër, ai i një gruaje, nuk kishte këmbë. Një tjetër ishte thjesht një skelet.

Vetëm në gjashtë muajt e fundit, rreth 30 trupa janë gjetur në plazhet e Ishujve Balearik, duke përfshirë Majorkën, Ibizën dhe Formenterën, duke bërë që gazeta spanjolle t’i quajë plazhet “varreza”.

Qukës, 22 qershor 2025 – Një aksident i rëndë rrugor është regjistruar pasditen e së dielës, rreth orës 17:05, në aksin nacional Prrenjas–Librazhd, në vendin e njohur si “Lokali i Zenelit” në Qukës.

Sipas informacioneve paraprake, në aksident janë përfshirë tre automjete, duke shkaktuar plagosjen e tre qytetarëve, ndër të cilët njëri ndodhet në gjendje të rëndë shëndetësore. Të lënduarit janë transportuar me urgjencë drejt spitalit nga shërbimi i ambulancës.

Përplasja ka shkaktuar edhe dëme të konsiderueshme materiale, ndërsa qarkullimi në këtë segment rrugor po vijon me një krah të vetëm, duke sjellë vonesa në lëvizje.

Në vendngjarje kanë mbërritur forcat e policisë dhe ekipi i zjarrfikëses së Bashkisë Prrenjas, të cilët ndërhynë për nxjerrjen e të plagosurve nga automjetet si dhe për pastrimin e rrugës dhe normalizimin e qarkullimit.

Shkaqet e aksidentit mbeten ende të paqarta. Grupi hetimor vijon punën për zbardhjen e plotë të rrethanave të ngjarjes.

Paris- Persona të armatosur kanë hapur zjarr në një dasmë në Francën juglindore të dielën në mëngjes, duke vrarë dy persona, përfshirë nusen, dhe duke plagosur tre të tjerë. Konkretisht sulmi ka ndodhur rreth orës 4:30 të mëngjesit në fshatin Goult.

Sipas informacioneve fillestare, nusja dhe dhëndri po largoheshin nga festa kur u përballën me sulmues të maskuar të cilët hapën zjarr, shtoi burimi pranë hetimit. Nusja vdiq dhe njëri nga sulmuesit u vra, i shtypur nga makina e nuses dhe dhëndrit ndërsa përpiqeshin të iknin.

Gjithashtu një operacion në shkallë të gjerë që përfshin rreth 100 policë ka nisur për të gjetur ata që janë përgjegjës për të shtënat. Sipas mediave të huaja po ndiqen të gjitha pistat e hetimit, përfshirë një larje hesapesh të mundshme.