BRAZIL – Dy herë kampioni i botës, braziliani Ronaldo, shprehu mendimin e tij të mërkurën në lidhje me mungesën aktuale të Neymar nga ekipi kombëtar.

Duke besuar se Seleçao “nuk ka futbollist tjetër” si ai, një rikthim i Neymar do të ishte thelbësor për Kupën e Botës 2026.

I përzgjedhur rregullisht nga klubi i tij Santos, ku u rikthye në janar, golashënuesi më i mirë i të gjitha kohërave i Seleçaos (79 gola në 128 ndeshje) nuk është thirrur nga trajneri italian Carlo Ancelotti për ndeshjet kualifikuese.

Edhe pse i prirur ndaj dëmtimeve, Neymar mbetet në moshën 33 vjeç “një lojtar vendimtar për Seleçaon”, siguroi Ronaldo në një aktivitet publiciteti në São Paulo përkrah Neymar. “Nuk kemi një futbollist tjetër si Neymar dhe shpresojmë që ai të jetë 100% gati për Kupën e Botës “, këmbënguli R9.

Shumë dëmtime të përsëritura…

Neymar nuk e ka veshur fanelën braziliane që nga tetori i vitit 2023, kur pësoi një dëmtim të rëndë në gju kundër Uruguajit.

Duke justifikuar mungesën e ish-lojtarit të PSG-së për dy ndeshjet e fundit kualifikuese në fillim të shtatorit, Carlo Ancelotti theksoi se ai duhej të “mbërrinte në gjendje të mirë fizike për të ndihmuar ekipin kombëtar të jepte më të mirën në Kupën e Botës”.

Brazili u kualifikua për Kupën e Botës në Amerikën e Veriut, duke u renditur i 5-ti në zonën e Amerikës së Jugut.

SHBA- Presidenti Donald Trump ka zbuluar sot datën dhe vendin e hedhjes së shortit të Kupës së Botës 2026. Eventi do të zhvillohet në Uashington, DC, më 5 dhjetor në Qendrën Kennedy. Presidenti Donald Trump i ndau detajet të premten në Zyrën Ovale së bashku me zëvendëspresidentin JD Vance dhe presidentin e FIFA-s, Gianni Infantino.

Ndërsa shorti më parë dukej i planifikuar për në Las Vegas, sipas raportimeve, hedhja e tij në kryeqytetin e vendit do ta mbajë Uashingtonin të përfshirë pavarësisht faktit se ndeshjet nuk do të luhen atje.

Njoftimi u bë gjatë një seance në Zyrën Ovale, ku Trump mbante një kapelë të kuqe me mbishkrimin “Trump kishte të drejtë për gjithçka”, teksa Infantino i dhuroi bileta dhe trofeu i Kupës së Botës qëndronte mbi tavolinë.

Kur Shtetet e Bashkuara pritën Kupën e Botës për meshkuj në vitin 1994, shorti u zhvillua në Qendrën e Konventave të Las Vegasit, por Qendra Kennedy, e cila tani mbikëqyret nga Presidenti Trump, do të ofrojë një vend ku ai mund të ketë një ndikim të fortë në planifikimin e ngjarjes.

Duke kryesuar tashmë Task Forcën e Shtëpisë së Bardhë për Kupën e Botës FIFA 2026, Presidenti Trump do të jetë në qendër të përpjekjeve për planifikimin e një Kupe Bote që pritet të jetë më e ndjekura ndonjëherë.

SHBA – Kupa Botërore e Klubeve FIFA 2025 vazhdon të zhvillohet në të gjithë Shtetet e Bashkuara këtë të diel, më 22 qershor, me një raund tjetër ndeshjesh të fazës së grupeve.

Ndeshjet e së dielës filluan në orën 00:00 në stadiumin MetLife në New York me një përballje të Grupit F midis Fluminense dhe Ulsan HD, ku brazilianët fituan 4-2.

Në orën 3:00 të mëngjesit, vëmendja u zhvendos në Los Angeles për një ndeshje të profilit të lartë: River Plate kundër Monterrey në Rose Bowl, në Grupin E, që përfundoi në një barazim 0-0.

FIFA premton një “prani të fortë sigurie” në Charlotte

Më vonë, në orën 18:00, Juventus dhe Wydad AC do të përballen në Lincoln Financial Field në Filadelfia. Ekipi maroken do të përpiqet të mbajë veten kundër fuqisë evropiane të “Zonjës së Vjetër”, e cila vjen pas një debutimi të luftuar fort. Në Grupin G, ku përfshihet edhe Manchester City, çdo pikë vlen shumë.

Dita e ndeshjes do të përfundojë në orën 21:00 në Charlotte, ku Real Madrid do të përballet me Pachuca në stadiumin Bank of America. Meksikanët humbën ndeshjen e tyre të parë dhe tani do të kërkojnë të mposhtin kampionët në fuqi të Evropës, të cilët e hapën me barazim.

22 qershor, ndeshjet sot në Kupën e Botës!…

Më vonë, në orët e para të së dielës deri të hënën, 23 qershor, do të luhen ndeshjet Salzburg kundër Al Hilal (ora 00:00) dhe Manchester City kundër Al Ain (ora 3:00 e mëngjesit)

SHBA – Kupa e Botës për Klube po ngjall entuziazmin dhe interesin e tifozëve. Edhe me histori të pabesueshme si ajo e Georgi Minoungou , një lojtar i Seattle Sounders, i cili është i verbër në njërin sy.

Anësori 23-vjeçar me origjinë nga Bregu i Fildishtë, humbi pjesërisht shikimin për shkak të një infeksioni që mori gjatë një turneu ndeshjesh miqësore, por pavarësisht këtij deficiti vizual, ai vazhdoi të besonte dhe të luante në një nivel të lartë derisa arriti në Kupën e Botës për Klube.

“Ishte një nga momentet më të vështira të jetës sime”, tha Minoungou, duke kujtuar atë që i ndodhi. “Në atë moment, shpresoja të merrja një kontratë me ekipin e parë në Seattle. Nuk mund ta shpjegoj çfarë ndodhi, – shtoi ai. – Ajo që di është se syri im, pak nga pak, pushoi së punuari.”

Një problem që as ndërhyrje kirurgjikale nuk mund ta zgjidhte, por që nuk mund ta minonte vullnetin e madh të Georgit. “Unë kam vetëm një sy, por mund të bëj më mirë se dikush me dy”, shpjegoi anësori, i cili kishte luajtur tashmë në Kupën e Botës për Klube kundër Atletico Madrid dhe kishte luajtur për MFK Vyskov dhe Tacoma Defiance përpara se të transferohej në Seattle. “Doja të arrija nivelet më të larta, punova shumë dhe ia dola mbanë.”

Njëzet e dy vjet më parë, kur Erna qëndronte përpara shtëpisë së saj në veri të Jakartës, dritaret ndodheshin në nivelin e gjoksit të saj. Sot, ato janë në nivelin e gjunjëve. Shtëpia është zhytur gradualisht në tokë, dhe me të edhe jeta e saj.

“Kur kishte përmbytje ekstreme, përdornim kanoe – uji nuk ndalej dhe mbulonte katin përdhes”, thotë 37-vjeçarja, e cila prej fëmijërisë ka jetuar në një nga zonat më të prekura të kryeqytetit indonezian.

Jakarta është një nga qytetet që po zhytet më shpejt në botë. Rënia e tokës e kombinuar me ngritjen e nivelit të detit e kanë kthyer qytetin në një pikë kritike të krizës klimatike. Gati gjysma e qytetit ndodhet aktualisht nën nivelin e detit, dhe përmbytjet janë bërë më të shpeshta dhe më shkatërrimtare.

Shtëpia e Ernas, ndërtuar në vitet 1970, ka çarje në mure dhe dysheme që është ngritur dhjetëra herë me shtresa betoni, në përpjekje për ta kthyer nivelin në origjinal. Në disa vende, trashësia e dyshemesë ka arritur një metër – por shtëpia vazhdon të zhytet, dhe familja nuk ka mundësi të zhvendoset.

Një krizë globale që po përkeqësohet

Sipas një studimi të Universitetit Teknologjik Nanyang (NTU) në Singapor, rreth 76 milionë njerëz jetojnë në qytete bregdetare që janë zhytur mesatarisht të paktën 1 cm në vit midis 2014 dhe 2020. Qytete si Tianjin (Kinë), Bangkok, Ho Chi Minh City, dhe Shanghai përballen me të njëjtin rrezik si Jakarta.

Në disa raste, efektet janë dramatike: në vitin 2023, në Tianjin u evakuuan 3,000 banorë nga pallate të larta pas çarjeve të mëdha në rrugë për shkak të zhytjes së tokës.

Nxjerrja e ujit nëntokësor – shkaku kryesor

Ekspertët thonë se një ndër shkaktarët kryesorë të zhytjes së tokës është nxjerrja e ujit nëntokësor. Në qytete si Jakarta, për shkak të mungesës së ujit të pijshëm, banorët dhe bizneset shpesh hapin puse private. Kjo shkakton që toka të kompaksohet dhe të zhytet, së bashku me çdo gjë që është ndërtuar mbi të.

“Shumë nga qytetet që po zhyten ndodhen në Azi Juglindore”, thotë Cheryl Tay, udhëheqësja e studimit. “Këto janë zona me popullsi që rritet me shpejtësi dhe kërkesë të madhe për ujë, që çon në nxjerrje të tepërt dhe pasojë të rënda.”

Ndërhyrje me pasoja të dyfishta

Disa qytete si Jakarta, Aleksandria (Egjipt) dhe Ho Chi Minh City (Vietnam) kanë ndërtuar mure bregdetare për të ndalur përmbytjet nga deti. Por kjo krijon efektin “tas”, ku uji i shirave dhe lumenjve ngec brenda qytetit dhe nuk ka ku të rrjedhë.

Për këtë arsye, qytete si Jakarta kanë ndërtuar stacione pompimi – por këto nuk adresojnë shkakun kryesor të problemit: nxjerrjen e pakontrolluar të ujit nëntokësor.

Shembulli i Tokios Ndryshe nga shumë qytete të tjera, Tokio vendosi të adresojë rrënjësisht shkakun e zhytjes. Në vitet 1970, ajo vendosi rregulla të rrepta për ndalimin e pompimit të ujit nëntokësor dhe ndërtoi një sistem të qëndrueshëm menaxhimi të ujit. Si rezultat, zhytja e tokës u ngadalësua ndjeshëm.

Studimi i NTU tregon se Tokio sot është relativisht stabile, edhe pse disa zona të vogla vazhdojnë të bien mes 0.01 dhe 2.4 cm në vit.

Një e ardhme e pasigurt për Jakartën Për shkak të rrezikut në rritje, qeveria indoneziane ka vendosur të ndërtojë një kryeqytet të ri – Nusantara – në ishullin Borneo, larg bregdetit. Projekti ambicioz prej 34 miliardë dollarësh synon të shmangë varësinë nga uji nëntokësor përmes një sistemi të madh rezervuarësh dhe pastrimi të ujit.

Megjithatë, projekti është përballur me kritika për ndikimin në një nga ekosistemet më të pasura të planetit, si dhe për koston e lartë. Ndërkohë, për banorët si Erna, mbijetesa në një qytet që po fundoset mbetet një betejë e përditshme – kundër natyrës, mungesës së burimeve dhe premtimeve të paqarta për të ardhmen.

Nga Viol R. Algionasi

8 Marsi nuk është thjesht një datë kalendarike; është një festë e mbushur me dashuri, sakrificë dhe forcë, që shndërron gruan në burim të pafund fuqie dhe mirëqenieje. Kjo ditë është një homazh për çdo nënë që ka mbajtur mbi supe barrën e familjes dhe shoqërisë, për gratë që kanë sfiduar kohërat, e përmes forcës dhe guximit të tyre kanë ndërtuar një botë më të drejtë dhe më të bukur. Ato janë drita, udhërrëfyesja që na mëson si të ecim, si të duam, si të qëndrojmë të fortë përballë çdo sfide që na del përpara.

Nëna është burimi i parë i dashurisë që na udhëzon në jetën e vështirë dhe të bukur. Me duar që shtrihen për t’u mbajtur fort dhe me fjalë të urta, ajo na mëson gjithçka: si të ëndërrojmë, si të qëndrojmë të fortë në rrugët tona, si të duam botën dhe njerëzit rreth nesh. Por kjo ditë është më shumë se një kujtim i nënave që janë ende pranë nesh. Ky është një urim edhe për ato që nuk janë më në këtë jetë, për ato që e ndihmuan botën të bëhet më e ndritshme dhe më e mirë, duke e mbushur me dashurinë e tyre të pakufishme.

Gruaja është simbol i qëndrueshmërisë dhe forcës së panumërta. Ajo është më shumë se nënë dhe bashkëshorte; ajo është mësuese që ndriçon mendjet, mjeke që shëron plagët, artiste që krijon bukuri dhe udhëheqëse që ndryshon fatet e popujve. Historitë janë të mbushura me gra që kanë thyer barriera dhe kanë sfiduar çdo mundësi për të arritur barazi dhe liri. Ato kanë mbrojtur të drejtat e tyre dhe të të tjerëve, dhe kanë lënë pas një trashëgimi të ndritur për brezat që do të vijnë.

Në këtë ditë të shënuar, le të ngremë zemrat dhe të falënderojmë me gjithë shpirt çdo nënë dhe çdo grua për dashurinë, përkujdesjen dhe forcën që nuk njeh kufij. Të jesh grua do të thotë të kesh fuqinë për të krijuar jetë, për të përballuar çdo vështirësi që ndodhet përpara dhe për të ndriçuar çdo hap të jetës me dashuri dhe mençuri. Ky është një urim për të gjitha nënat, motrat dhe gratë që janë ende pranë nesh, dhe për ato që kanë ndaluar së frymuari, por që jetojnë gjithmonë në zemrat tona.

Gëzuar 8 Marsin! Të gjitha gratë dhe nënat meritojnë gjithçka më të mirën. Respekt dhe mirënjohje për ju, që e bëni këtë botë më të bukur dhe më të ndritur!

Sezoni turistik është në pikën kulminante dhe emigrantë shqiptarë kthehen në atdhe për të kaluar pushimet e tyre, shumë të tjerë zgjedhin të pushojnë jashtë.

Si pasojë në pikën kufitare të Qafë-Botës është krijuar radhë e gjatë.

Mësohet se pala greke punon me një sportel, duke krijuar kështu radhë në pikën kufitare, ndërsa automjeteve iu duket të presin në radhë në temperatura të larta.

Ndërkohë turistët e shumtë por edhe banorët thonë se janë nën temperatura rreth 40 gradë për gati 2 orë.

Ka vdekur në moshën 92-vjeçare Mario Zagallo, legjenda e futbollit brazilian dhe botëror.

Zagalo, i cili u bë i pari që fitoi Kupën e Botës si lojtar dhe trajner, në karrierën e tij të lojës luajti si anësor i majtë për Seleção ndërsa fitoi gjithsej 4 Kupa Botërore (2 si lojtar, 1 si trajner dhe 1 si ndihmës trajner) nga 5 që ka Brazili. Ai ishte një anëtar i ekipit të Brazilit që fitoi Kupën e parë të Botës në 1958 dhe ekipit të 1962 që ruajti titullin.

Si trajner i ekipit më të njohur që përfshinte Pele, Tostao, Rivellino, Carlos Alberto dhe Zairzinho, ai fitoi Kupën e tretë të Brazilit në Meksikë në vitin 1970, ndërsa ishte ndihmës trajner në triumfin e katërt të Seleção në 1994 në SHBA.

Dy vite më parë FIFA prezantoi një dokumentar për Mario Zagallon në tre episode.

Sekuestrohen pasuritë e personazhit të njohur të botës

Gjykata e Posaçme e Shkallës së Parë për Korrupsionin dhe Krimin e Organizuar ka vendosur konfiskimin e pasurive të Erjet Strefi dhe personave të lidhur me të.about:blank

Pasuritë e sekuestruara janë:

1. Pasuri e paluajtshme vilë 2 katëshe në Dhërmi, në kompleksin turistik “Ionian Olea”, me sipërfaqe totale ndërtimi 151,8 m² dhe sipërfaqe totale trualli 217,16 m², në pronësi eventuale të shtetases E.S;

2. Pasuri e paluajtshme e llojit apartament, me sipërfaqe 56.20 m², në Selitë, Tiranë, në pronësi të shtetasit Erjet Strefi;

3. Pasuri e paluajtshme e llojit apartament, me sipërfaqe 74.40 m², në Selitë, Tiranë, në pronësi të shtetasit Erjet Strefi;about:blank

4. Pasuri e paluajtshme e llojit tokë arë, me sipërfaqe  500 m², në fshatin Krutje e Poshtme, Lushnje,me bashkëpronarë shtetasit J.S dhe H.S.

5. Pasuri e paluajtshme e llojit tokë arë, me sipërfaqe  500 m², në fshatin Krutje e Poshtme, Lushnjë, me bashkëpronarë shtetasit J.S dhe H.S.about:blank

6. Pasuri e luajtshme autoveturë e markës “BMË”, tipi: 3D, vitprodhimi 2012, në pronësi të shtetasit N.S.

Erjet Strefi është i shpallur në kërkim ndërkombëtar nga Interpol Praga/Çeki në vitin 2019, pasi në bashkëpunim me shtetas të tjerë shqiptarë dhe të huaj, anëtarë të një grupi të organizuar kriminal, të cilët vepronin në territorin e Republikës Çeke dhe Mbretërinë e Holandës, gjatë periudhës Qershor 2016 deri në Shtator 2016, kanë prodhuar dhe tregtuar sasi të konsiderueshme lënde narkotike metamfetaminë.