Ekipet e mbrojtjes civile në Brazil kanë punuar gjithë natën për të nxjerrë trupat e pasagjerëve të vdekur prej një aeroplani të rrëzuar të premten në Sao Paolo. Për pasojë, të 62 personat në bord kanë mbetur të vdekur. Guvernatori i San Paolos, ka thënë se trupat e të paktën 21 personave janë nxjerrë, dhe të gjithë janë dërguar në morgun policor.

Kompania rajonale e fluturimeve, Voepass, ka thënë se në aeroplan kanë qenë 57 pasagjerë dhe katër anëtarë të bordit, mirëpo të shtunën kompania ka thënë se shifra totale e viktimave është 62. Pozicioni i trupave të vdekur, karakteristikat fizike, dokumentet, dhe të gjitha gjërat tjera, sikurse telefonat, janë duke u përdorur për identifikim, ka thënë zjarrfikësi, Maycon Cristo, në zonën e incidentit.

Familjarët e vikamave janë nisur për në Sao Paolo për të ndihmuar në identifikim. Aeroplani ishte nisur prej Kaskavelit për në San Paolo, dhe është rrëzuar në qytezën Vinhedo, rreth 80 kilometra në veriperëndim të Sao Paolos. Kompania franko-italiane, ATR, e cila është në proncësi të gjigantëve Airbus dhe Leononardo, është prodhuese e aeroplanëve të llojit që është rrëzuar.

ATR ka thënë të premten për agjencinë e lajmeve Reuters se, specialistët janë “tërësisht të angazhuar” në hetimet lidhur me rrëzimin e aeroplanit./REL

Ende nuk ka informacione se çfarë e shkaktoi aksidentin në Sao Paulo, Brazil, ku mbetën të vdekur të paktën 61 persona. Kështu ka thënë linja ajrore “Voepass”, sipas “CNN”.

“I gjithë ekipi ka qenë kompetent. Jemi duke pritur për qasje në të gjitha komunikimet mes pilotit dhe ndërtesës së kontrollit për të kuptuar më mirë se çfarë ka ndodhur”, tha Eduardo Busch, drejtor i Voepass.

Busch ka thënë se aeroplani ka pasur dy kuti të zeza – pajisje që ruajnë të dhënat e fluturimit, të ndërtuara për t’u bërë ballë përplasjeve dhe se ka dy laboratorë shumë të kualifikuar për t’i analizuar ato.

“Në njërën anë, është e mundur të marrim të dhëna nga regjistruesi, por në anën tjetër, ka shanse që për shkak të madhësisë së aksidentit, regjistruesit janë dëmtuar, duke e bërë të pamundur qasjen në të dhënat e regjistruara”, ka thënë Busch.

Ndërkohë të gjithë pasagjerët që kanë qenë në bordin e aeroplanit që u rrëzua të premten, kanë pasur dokumente braziliane.

Numri i të vdekurve nga përmbytjet në shtetin më jugor të Brazilit, Rio Grande do Sul, u rrit në 147, thanë autoritetet lokale të hënën, ndërsa 127 persona janë ende të zhdukur.

Shirat e dendur kanë bërë që disa lumenj dhe liqene në rajon të arrijnë nivelet e tyre më të larta ndonjëherë.

Përmbytjet bllokuan rrugët dhe ndërprenë logjistikën, duke shkaktuar mungesë të mjeteve thelbësore të jetesës në zona të caktuara.

Përmbytjet e shkaktuara nga shirat e rrëmbyeshëm në Brazilin jugor kanë vrarë 56 persona dhe kanë lënë të paktën 67 të tjerë të zhdukur, sipas të dhënave të fundit të publikuara sot nga agjencia e mbrojtjes civile.

Sipas autoriteteve të Rio Grande do Sul, pothuajse 25,000 njerëz u detyruan të largoheshin nga shtëpitë e tyre pasi stuhitë goditën më shumë se gjysmën e 497 qyteteve në këtë shtet që kufizohet me Uruguain dhe Argjentinën.

Rrugët dhe urat u shkatërruan nga ujërat në shumë zona. U shkaktuan gjithashtu rrëshqitje dheu dhe u shemb pjesërisht një digë në një hidrocentral të vogël. Ekziston edhe rreziku i shembjes së një dige të dytë, në qytetin e Bento Gonçalves.

Në Porto Alegre, kryeqyteti i Rio Grande do Sul, lumi Guaiba ka vërshuar duke përmbytur rrugët. Aeroporti Ndërkombëtar i Porto Alegre pezulloi të gjitha fluturimet për një kohë të pacaktuar.

Guvernatori i shtetit Eduardo Leyte u tha gazetarëve se numri i të vdekurve mund të rritet. Në pjesët veriore të shtetit sot priten sërish reshje shiu dhe autoritetet u kanë bërë thirrje atyre që jetojnë në komunitete në rrezik të kërkojnë strehim diku tjetër.

Këtë të premte, në Komandën e Departamentit të Policisë së Santa Cruz, u arrestuan pesë persona, në kuadrë të operacionit për ngjarjen me të shtëna në San Rafael. Mes të arrestuarve janë dy shtetas brazilianë, një paraguajan, një shqiptar dhe një bolivian.

Në listën e të arrestuarëve është është braziliani i identifikuar si Maximiliano Da Fonseca, i dyshuar s ii përfshirë në trafikun e drogës, i cili ka qenë pjesë e trafikut të drogës, armëve, pastrimit të parave dhe grupeve kriminale në Brazil.

Nga ana tjetër, sipas informacioneve jozyrtare, bëjnë me dije se shtetasi shqiptar ka hyrë ilegalisht në territorin kombëtar dhe dyshohet se ka qenë drejtues i një rrjeti të kontrolluar të trafikut të substancave  narkotike nga Bolivia drejt vendeve të Europës dhe Azisë.

Subjektet u kapën gjatë një sërë bastisjesh, me qëllim kapjen e atyre që dyshohet se ishin përgjegjës për vrasjen e dy personave gjatë ditëve të karnavaleve në San Ignacio de Velasco.