NEPAL- Mes protestave të dhunshme në Nepal, gruaja e ish-kryeministrit Jhalanath Khanal, Rajyalaxmi Chitrakar, ka ndërruar jetë tragjikisht mes flakëve pasi shtëpia e tyre u dogj nga protestuesit ditën e sotme. Sipas një raporti nga media nepaleze, incidenti ndodhi jashtë rezidencës së ish-kryeministrit dhe gruas së tij në Dallu. Protestuesit bllokuan bashkëshorten e ish-kryeministrit dhe i vunë flakën shtëpisë.

Gruaja e tij u shpëtua nga zjarri më vonë dhe u dërgua me urgjencë në Spitalin e Djegieve Kirtipur në gjendje kritike por ajo nuk mundi t’i mbijetonte plagëve e marra.

Rajyalaxmi Chitrakar është ndër viktimat që u vranë gjatë protestës së Gjeneratës Z në Nepal, e cila u bë e dhunshme pasi forcat e sigurisë vranë 19 të rinj të hënën dhe plagosën 500 të tjerë. Mes dhunës së vazhdueshme në Nepal, protestuesit të martën i vunë flakën ndërtesave kryesore në Nepal, përfshirë Parlamentin dhe zyrën e Presidentit.

Zjarre dhe vandalizëm u raportuan gjithashtu në Singha Durbar, Parlamentin Federal, Gjykatën Supreme, Gjykatën Speciale, disa gjykata rrethi, zyrën e Prokurorit të Përgjithshëm, zyrat e të ardhurave nga toka dhe shtëpitë e zyrat e figurave të larta politike.

Orë para dorëheqjes së Kryeministrit KP Sharma Oli të martën, protestuesit i vunë flakën shtëpisë private të udhëheqësit nepalez në Balkot dhe sulmuan pronat e Presidentit Ramchandra Paudel, ish-kryeministrit Pushpa Kamal Dahal, ministrit të Komunikimit Prithvi Subba Gurung, ish-ministrit të brendshëm Ramesh Lekhak dhe ish-kryeministrit Sher Bahadur Deuba.

Bashkim Spahiu dhe Arbër Havoll PODUJEVË- Personat që shihni në foto janë Bashkim Spahiu i cili u vra mbrëmje e kaluar në Podujevë dhe autori Arbër Havolli. Bëhet me dije se viktima është qëlluar me 10 plumba në makinën e tij. Ndërsa vrasësi është identifikuar si Arbër Havolli, i cili po kërkohet nga Policia e Kosovës.

Zëdhënësja e Policisë për rajonin e Prishtinës, Flora Ahmeti ka bërë të ditur se konkretisht ngjarja ka ndodhur rreth orës 19:30. Po ashtu nga policia është bërë e ditur edhe se hetuesit policorë në koordinim me prokurorin e shtetit, kanë nisur hetim për zbadhjen e plotë të rrethanave që kanë të bëjnë me këtë rast.

‘‘Sot rreth orës 19:30, kemi marrë informatën për të shtëna me armë në fshatin Llapashticë të Podujevës. Menjëherë në vendin e ngjarjes kanë dalë njësitet e nevojshme policore, ku kanë hasë në një person pa shenja jete. Vdekjen e viktimës mashkull e ka konstatuar ekipi mjekësor në vendngjarje. Aktualisht, hetuesit policorë, në koordinim me prokurorin e shtetit, kanë nisur hetim për ndriçimin, sqarimin e të gjitha rrethanave që kanë të bëjnë me këtë rast’’, thuhet në përgjigjen e Policisë.

Një ngjarje e rëndë ka tronditur sot Gjirokastrën, ku një 17-vjeçar është gjetur pa shenja jete në banesën e tij në fshatin Valare. Sipas burimeve paraprake, i riu, me inicialet V.P., dyshohet se është vetëvarur.

Rreth orës 13:30, ai është transportuar në Spitalin Rajonal të Gjirokastrës nga familjarët, por mjekët konstatuan se ai kishte ndërruar jetë më herët.

Grupi hetimor ndodhet në vendngjarje dhe ka nisur veprimet hetimore për zbardhjen e rrethanave të plota të kësaj tragjedie.

Të afërm të familjes Peçi bëjnë me dije se i riu vuante nga probleme izolimi dhe melankolie, por nuk ishte nën ndonjë trajtim mjekësor.

Familja është me origjinë nga fshati Picar i Gjirokastrës.

Policia ka sekuestruar telefonin dhe disa sende personale të 17-vjeçarit, ndërsa pritet të merren në pyetje bashkëmoshatarë dhe nxënës të shkollës së mesme “Siri Shapllo”, ku i riu ndiqte mësimet.

Kujtojmë se vetëm dy muaj më parë, një tjetër 17-vjeçare nga e njëjta shkollë i dha fund jetës, duke shtuar shqetësimet mbi qëndrueshmërinë emocionale në tërësi të adoleshentëve dhe problemet e shumta të patrajtuara.

Ngjarja ka tronditur gjithë komunitetin lokal. Hetimet vijojnë për të përcaktuar motivet dhe rrethanat e kësaj ngjarjeje të rëndë.

Gjesti dhe Egli martohen brenda shtëpisë së BBV – Dasmë, puthje dhe shumë emocione!

Në një nga momentet më të bukura dhe emocionuese të këtij edicioni të Big Brother VIP Albania 4, Gjesti dhe Egli kurorëzuan lidhjen e tyre me një dasmë simbolike brenda shtëpisë.

Të rrethuar nga banorët e tjerë, të veshur si dhëndër e nuse, çifti shkëmbeu fjalë dashurie, premtime dhe puthje që bënë rrjetin të shpërthejë. Atmosfera festive, vallëzimet dhe emocionet u kthyen në një spektakël dashurie live që preku publikun.

Ky moment shënon një tjetër histori dashurie që lindi brenda mureve të BBV – dhe mesa duket, ky çift ka fituar zemrat e shumë fansave jashtë shtëpisë.

Egli ka patur një bisedë sot me Vserlon, ku ka biseduar në lidhje me raportin e saj me Gjestin, pas rikthimit në shtëpinë më të famshme në Shqipëri, “Big Brother VIP 4”.

Banorja shprehet se ai duhet të mbajë përgjegjësi për veprimet e veta dhe sipas saj, ka qenë një gënjeshtër. Për këtë arsye, Egli shton se secili të shikojë rrugën e vet.

Egli: Ka qenë një gënjeshtër, unë në rrugën time dhe ai të veten. Të mbajë përgjegjësi për veprimet e veta.

Vserlo: Këtë po themi dhe ne

Egli: Ai është lojtar shumë i fortë

Vserlo: Në kurriz të tjetrit se vet ai…

Egli: I ka lëvizur dinamikat në shtëpi

Vserlo: Përplasje opinionesh që ai nuk i ka

Egli: Kam vepruar me zemër, jo me mendje. Kam kuptuar se ka qenë e gjitha një gënjeshtër e madhe dhe se ka qenë vetëm në kokën time. Pastaj pashë dhe ca gjëra jashtë që e kuptova që secili duhet të jetë në rrugën e vet.

Gjatë një bisede të natës me disa prej banorëve në dhomën e gjumit, ajo ndau një moment të ndjeshëm, duke treguar se ka rifilluar përdorimin e antidepresantëve.

“Kur kam ardhur në fillim e kam lënë tabletën e sedoksilit, mjekimeve që kam përdorur për ankthin, për mendjen, dhe i kam lënë këtu vetëm për ndonjë rast. Nuk e dija kurrë sepse po provoja një gjë të tillë që s’e kisha provuar dhe kisha shumë frikë emocionalisht. Nuk e kam pirë këtu një herë, tani po e pi shumë shpesh sepse nuk po ndjehem mirë”, tha Egli, duke shpjeguar situatën e mërzisë që kishte përjetuar, sidomos pas ngjarjeve me Gjestin.

Kjo deklaratë e saj, e cila thekson një aspekt të rëndësishëm të shëndetit mendor, erdhi në një moment të vështirë për të. E indinjuar nga situata me Gjestin, ajo kishte zgjedhur të ikte dhe të flinte e vetme në sauna, një hapësirë që e përshkroi si vendin e vetëm ku mund të qetësohej dhe të mos dëgjonte zhurmën e ambientit rreth saj.

Kush njeh të shkuarën, nuk e rikthen më atë, por ndërkohë mijëra dosje presin të lexohen.

Në ambientet e Autoritetit të informimit mbi dokumentet e ish-sigurimit të shtetit  u organizua me mbështetjen e OSCE-së një vizitë në arkiv për të parë nga afër punën e arkivistëve e për të mësuar më shumë si përgatiten të dhënat për lexim, si mund të përdoren ato e si duhet mbrojtur privatësia e viktimave të regjimit.

Dosjet e të dënuarve janë marrë nga ministria e brendshme apo edhe nga SHISH. Qasja në dosjet e ish-sigurimit të shtetit shqiptar u plotësua edhe me ndarjen e përvojës nga ish zëdhënësja për arkivën e Stasit, ekspertja gjermane Dagmar Hovestadt.

“Historitë që më kanë mbetur në mendje vec torturave për vdekje, që janë të dhimbshme për të gjithë sigurisht, më e tmerrshme është të përballesh me tradhëtitë; që një shok apo më keq një vëlla ose vetë nëna spiunon fëmijën apo njeriun e zemrës. Nuk është fare e lehtë të dish kush të ka thyer besimin, por është po aq e vështirë edhe për autorin të pranojë fajin e të thotë që “po, kam bërë gabim!” Ndaj dhe njerëzit nuk duan shpesh të shikojnë pas të kaluarën. Por ajo nuk fshihet, vetëm se ti nuk do! Është gjithmonë aty, duhet ta lësh të dalë në sipërfaqe, që të pastrohet ajri dhe të shtrosh një rrugë më të mirë për të ardhmen”, tha Hovestadt.

Diskutimi mbi interpretimin e të dhënave në dokumentet e ish-sigurimit të shtetit u fokusua te koncepti midis dy kohëve; të vërtetat e komunizmit që përplasen me të vërtetat e shoqërisë demokratike.

“Nuk është se do të përballeni thjesht me ca letra. Por do të futeni te e shkuara më e errët e vendit. Ndërsa do të shihni arkivat, do të kërkoni të vërtetën, e do të lexoni të vërtetat e tyre”, tha Mauro Puzzo.

“Në arkivë do të gjeni gjysmën e historisë së shtetit shqiptar. në 50 vite komunizëm u ndërtua një aparat propaganda, censure dhe shkeljesh të drejtash të njeriut, jo vetëm për mohim fjale por mohim jete dhe jo vetëm për kundërshtarin  politik por edhe në 3 breza të familjes së tyre”, tregon Gentiana Sula.

Pas më shumë se 12 orësh dhjetëra fronte zjarri që kanë shpërthyer në Lasithi të Kretës juglindore mbeten ende eaktive.

Flakët kanë përpirë një zonë të pyllëzuar dhe të paarritshme nga mjetet e zjarrfikësve në afërsi të qytetit Ierapetra , por më vonë zjarri i është afruar katër vendbanimeve dhe organet greke kanë urdhëruar përmes numrit evropian të emergjencës 112 banorët e zonës të evakuohen.

Rreth 170 zjarrfikës, 12 njësi këmbësorie, 38 automjete dhe 3 helikopterë janë mobilizuar dhe kanë luftuar me flakët duke pasur pengesë kryesore erërat e forta .

Sipas informacioneve të autoriteteve lokale nga ishulli, zjarri ka përfshirë edhe banesa dhe tre persona janë lënduar. Pas përpjekjeve të zjarrfikësve janë fikur shumë vatra, por ende luftohet me flakët dhe nata do të jetë e vështirë kanë theksuar zyrtarë të shërbimit zjarrfikës.

Bëhet fjalë për zjarret e para të mëdha në këtë vit, ndërsa specialistët shprehin shqetësimin se sezoni i verës sivjet mund të jetë i shumë më i vështirë se ai i kaluar, duke pasur parasysh se Greqia ka kaluar dimrin e saj më të ngrohtë në histori, pa reshje shiu e bore.

Vetëm gjatë gjithë ditës së shtunë në gjithë Greqinë kanë rënë 71 zjarre në zona agrare. Forcat e Mbrojtjes Civile do të jenë në tre ditët në vijim në gatishmëri të nivelit 4 (rrezik i lartë zjarri) për zonat e rajoneve: Peloponez,Atikë,Kretë,Egjeu verior dhe jugor dhe Greqia Qendrore.

Kujtojmë se vitin e kaluar zjarre tepër të fuqishme dogjën për më shumë se dy javë Greqinë verilindore duke shkatërruar një zonë më të madhe se qyteti i Nju Jorkut dhe duke vrarë të paktën 21 persona.

Policia e Tiranës ka arrestuar pesë persona për vepra të ndryshme penale në Tiranë. Në pranga ka rënë një 30-vjeçar me inicialet K. Sh., pasi dyshohet se ka ushtruar dhunë ndaj bashkëjetueses së tij.

Një 39-vjeçar me inicialet B. P., është arrestuar pasi dyshohet se ka përndjekur dhe kanosur me mjet prerës ish-të dashurën e tij.

Një 32-vjeçar me inicialet A. K., është arrestuar pasi në një karburant në Vaqarr, ka furnizuar automjetin dhe është larguar pa kryer pagesën.

Gjithashtu u arrestuan R. B., 44-vjeç, banues në Tiranë, pasi u kap duke drejtuar automjetin në gjendje të dehur; E. E., 24-vjeç, banues në Tiranë, pasi u kap duke drejtuar automjetin, në efektin e lëndëve narkotike.

Një ngjarje e rëndë është regjistruar mbrëmjen e djeshme në Gjakovë ku nga shkëputja e kavos së një ashensori kanë mbetur të plagosur 2 persona. Mësohet se dy të plagosurit kanë marrë dëmtime të rënda. Lajmin e ka konfirmuar zëdhënësi i Policisë së Kosovës për rajonin e Gjakovës, Sheremet Elezaj.
Elezaj tregoi se në ashensor kanë qenë një çift me dy fëmijë. Zëdhënësi njoftoi se ashensori ka rënë në bodrumin e banesës. Prindërit janë dërguar në Spitalin e Gjakovës dhe janë jashtë rrezikut për jetë e fëmijët kanë shpëtuar pa lëndi


“Rreth orës 21:15 është këputur kavo e një ashensori në një objekt banesor në Gjakovë. Ashensori ka rënë në bodrum. Dy persona kanë pësuar fraktura. Në ashensor kanë qenë katër persona, prindërit dhe dy fëmijë të vegjël (foshnja)”, ka thënë Elezaj.

Mjeku i Spitalit “Isa Grezda”, Arben Veseli u shpreh se pacientja ka pësuar thyerje në gju dhe i është nënshtruar një operacioni. Ndërsa, për pacientin tjetër mjeku tha se pritet që sot t’i nënshtrohet operacionit, pasi s’ka thyerje të dy nyjet e poshtme të këmbëve.