Aargau, 28 prill 2025- Një incident i rëndë me armë zjarri ndodhi të shtunën pasdite në qytetin Brugg të kantonit Aargau, Zvicër, duke lënë të plagosur një shtetas nga Kosova.

Sipas Policisë Kantonale të Aargaut, ngjarja ndodhi në një zonë parkimi, ku nga një automjet BMW u qëllua në drejtim të një makine Skoda. Brenda Skodës ndodheshin dy persona, ndërsa njëri prej tyre, një 31-vjeçar kosovar, mbeti i plagosur dhe u transportua me urgjencë në Spitalin Kantonal të Badenit.

Pas ngjarjes, zona u izolua nga policia dhe u vendosën masa të rrepta sigurie. Edhe në ambientet e urgjencës së spitalit, u shtuan masat për shkak të ndjeshmërisë së rastit, raportojnë mediat zvicerane.

Autoritetet kanë ndaluar një 24-vjeçar zviceran, i dyshuar si autor i të shtënave, si dhe një shtetas tjetër kosovar. Të dy janë marrë në ndalim për hetime të mëtejshme.

Prokuroria ka nisur procedurat penale, ndërsa hetimet vazhdojnë për të zbardhur rrethanat e plota të incidentit.

Një tërmet me magnitudë 5.0 Rihter është regjistruar mbrëmjen e sotme në brigjet e Santorinit. Lëkundjet janë ndjerë edhe në Athinë.

Protothema.gr bën me dije se tërmeti ka ndodhur në orën 21:05 (me kohën lokale). Epiqendra e tërmetit ishte 21 kilometra në jugperëndim të Arkesinit, Amorgos dhe thellësia fokale e tij ishte 11.2 kilometra.

Në orën 20:41, është regjistruar një tërmet 4.2 Rihter me epiqendër 21 kilometra në jug-jugperëndim të Arkesinit, Amorgos.

Në orën 17:16, është regjistruar një tërmet me magnitudë 4.4 Rihter, sipas Institutit Gjeodinamik, me epiqendër 21 kilometra në jug-jugperëndim të Arkesinit, Amorgos.

Thellësia fokale e lëkundjes u vlerësua në 14 kilometra.

Mesditën e së dielës, 9 shkurt, dy tërmete të forta tronditën ishujt Cyclades. Fillimisht në orën 13:54 një lëkundje 4.1 Rihter është regjistruar 19 km në jug të Arkesinit, Amorgos në një thellësi fokale prej 12 kilometrash. Më pas, në orën 13:59, një tërmet edhe më i fortë me magnitudë 4.4 Rihter është regjistruar në të njëjtin vend dhe me një thellësi fokale 15.4 kilometra.

Tërmeti më i madh që ka ndodhur në orët e para të mëngjesit ka qenë 4.1 ballë i shkallës Rihter në orën 3:35, 26 kilometra në veriperëndim të Anafit.

Tetë tërmete më të vogla me magnitudë 3 deri në 3.8 ballë të shkallës Rihter u regjistruan brenda një periudhe gjysmë ore, nga ora 4:30 deri në 5 të mëngjesit të së dielës në zonën detare midis Santorinit dhe Amorgos.

Dhjetë persona kanë ndërruar jetë pasi katër persona të armatosur hynë në një lokal dhe hapën zjarr gjatë fundjavës. Pamjet e tmerrshme nga vendi i ngjarjes tregojnë se autorët tërhiqen drejt një pike turistike meksikane me një kamionçinë përpara se të sulmojnë turmën brenda rastësisht.

Të shtënat shpërthyen të shtunën mbrëma në lokalin Los Cantaritos në lagjen qendrore të Santiago de Querétaro, rreth 120 milje në veriperëndim të Mexico City. Pamjet e sigurisë nga lokali treguan personat e armatosur duke dalë nga automjeti i tyre rreth orës 21:30. Secili nga të dyshuarit dukej se kishte armë me rreze të gjatë, të cilat i mbanin në dorë teksa qëlluan drejt lokalit. Një nga autorët është parë duke filluar të hapë zjarr jashtë lokalit.

Video më tmerruese nga brenda lokalit tregoi sulmuesit duke qëlluar pa ndalim mbi njerëzit që ishin ulur në tavolina. Njerëzit u panë duke bërtitur dhe duke u hedhur në dysheme dhe poshtë tavolinave për t’u fshehur nga plumbat që “fluturonin” në bar. Pas disa minutash të shtëna me armë, grupi i kriminelëve shkuan drejt makinës dhe u arratisën.

Kur policia mbërriti në skenën e përgjakshme atë natë, gjeti 10 persona të vdekur dhe të paktën shtatë të tjerë të plagosur, sipas shefit të departamentit të sigurisë publike të qytetit, Juan Luis Ferrusca. Viktimat e vrarë përfshinin shtatë burra dhe tre gra, thanë policët. Policia gjurmoi targën e kamionit të arratisjes dhe e ndoqi atë në një qytet aty pranë, ku gjeti automjetin të braktisur dhe në flakë, teksa një i dyshuar është arrestuar.

Një 63-vjeçar u arrestua nga Policia e Fierit pasi dyshohet se ka qëlluar me armë në drejtim të banesës së krushkut, vjehrrit të djalit.
“Shërbimet e Komisariatit të Policisë Fier, pas kallëzimit të marrë nga një shtetas se dikush ka qëlluar me armë zjarri në drejtim të banesës së tij, menjëherë ka organizuar punën për identifikimin dhe kapjen e autorit.

Në bashkëpunim me Komisariatin e Policisë Divjakë, dhe falë inteligjencës policore u bë e mundur kapja dhe arrestimi në flagrancë i shtetasin P. S., 63 vjeç, banues në fshatin Karavasta e Re, Divjakë”, njoftoi Policia.

Ky shtetas dyshohet se pas konflikteve të vazhdueshme familjare me vjehrrin e djalit të tij, ka qëlluar drejt banesës së këtij të fundit me automatik duke kanosur atë dhe familjarët. Pas kontrollit të banesës së shtetasit P. S., shërbimet e Policisë kanë gjetur dhe sekuestruar armën e zjarrit dhe municion luftarak.

Njoftimi nga Policia
Fier/Qëlloi me armë zjarri automatik, në drejtim të banesës së vjehrrit të djalit të tij, vihet në pranga autori.
Sekuestrohet arma e zjarrit tip automatik.
Shërbimet e Komisariatit të Policisë Fier, pas kallëzimit të marrë nga një shtetas se dikush ka qëlluar me armë zjarri në drejtim të banesës së tij, menjëherë ka organizuar punën për identifikimin dhe kapjen e autorit.

Në bashkëpunim me Komisariatin e Policisë Divjakë, dhe falë inteligjencës policore u bë e mundur kapja dhe arrestimi në flagrancë i shtetasit:
-P. S., 63 vjeç, banues në fshatin Karavasta e Re, Divjakë.

Ky shtetas dyshohet se pas konflikteve të vazhdueshme familjare me vjehrrin e djalit të tij, ka qëlluar drejt banesës së këtij të fundit me automatik duke kanosur atë dhe familjarët. Pas kontrollit të banesës së shtetasit P. S., shërbimet e Policisë kanë gjetur dhe sekuestruar armën e zjarrit dhe municion luftarak.
Materialet procedurale i kaluan Prokurorisë, për veprime të mëtejshme.

Një ditë pas breshrit që goditi zonën e Ersekës, është bërë dhe përllogaritja e dëmeve në bujqësi.

Nga grupet e punës që zbritën në terren mëngjesin e sotëm, evidentohen dëme të shumta në drufrutorë, perime, etj.

Gazetarja Lorena Kodra raporton se kontrollet janë ushtruar në zonën e Ersekës në qytet, Rehovë, Starje, Psar, Bejkove dhe Tac. Mësohet se breshëri ka shkatërruar 10 ha sipërfaqe të mbjella me domate, speca dhe sallata apo dhe te rrushi. Ndërkohë, dëme janë shkaktuar dhe te pemët frutore, në rreth 2000 rrënjë kumbulla po ashtu dhe te rreth 2 mijë rrënjë mollë.

Pasditen e djeshme, Torino u godit nga një stuhi breshëri e cila preku kryesisht zonën veriore të qytetit, midis rretheve Sassi, Barriera di Milano, Madonna di Campagna dhe San Donato.

Mediet italiane raportojnë se moti i keq shkaktoi probleme pasi solli përmbytjen e rrugëve dhe ngadalësimin e trafikut.

Disa pemë ranë dhe uji arriti në nivelin e dyerve të makinave, veçanërisht përgjatë Corso Novara.

Më tej, pranë Corso Gamba u përmbytën bodrumet e disa shtëpive.

Breshëri zbardhi rrugët duke bërë të dukej si një skenë dimri ndërsa meteorologët u habitën nga rreth 80 mm shi që ranë brenda një ore.

Ata nuk kishin shpjegime për fenomenin e papritur natyror i cili nuk kishte ndodhur më parë në këtë qytet në prag të sezonit veror.

Temperaturat ranë në 10°C teksa rrugët u mbushën me akull për shkak të breshërit. Situata u qetësua pas disa orësh teksa banorët dhe punonjës të bashkisë nisën pastrimin e breshërit nga rrugët dhe sheshet e qytetit.

Reshje të dendura breshëri kanë përfshirë sot qytetin e Milanos në Itali.

Vendi prej ditësh ka pasur prezencë të masave ajrore të paqëndrueshme, me shira të dendur, ndërsa në ditët në vijim pritet të ketë një përmirësim të kushteve atmosferike dhe rritje të temperaturave.

Edhe vendi ynë ka qenë nën ndikimin e të tilla kushteve, por me temperatura të larta.

Reshje të shumta shiu shoqëruar me breshër janë regjistruar pasditen e sotme në dy fshatra të njësisë administrative Leskovik.

Bëhet fjalë për fshatrat Gërmenj dhe Shelegur, breshër që ka shkaktuar dëme të shumta në drufrutore dhe kultura bujqësore.

Dëmet me të mëdha kanë qenë në qershi dhe kumbull si dhe kultura bujqësore prashitëse.

Mot i paqëndrueshëm pritet të jetë prezent gjatë gjithë javës në zona të ndryshme të juglindjes së vendit, ku temperaturat do të shkojnë deri në 5 gradë celsius.

Pas temperaturave të larta, zona e Mirditës është përfshirë nga reshjet e dendura të shiut dhe nga breshëri.

Pothuaj i gjithë territori i Shqipërisë është përfshirë nga reshjet e shiut, ku në disa zona malore dhe verilindore ka pasur dhe reshje dëbore.

Një stuhi breshëri dhe shiu të rrëmbyer gjatë orëve të pasdites së djeshme shkaktoi dëme të mëdha në disa fshatra të Njësisë Administrative Kukur në Gramsh.

Në fshatrat Kukur, Rovje, Gribë Irmath dëmet janë të mëdha në vreshtari si dhe tokat e mbjella me kultura të ndryshme bujqësore.

Dëmtime të mëdha ka pësuar edhe akset rrugore që lidh fshatrat me qytetin.

Në aksin rrugor Rovje-Gramsh disa përrenj kanë dalë nga shtrati, prurjet e shumta kanë sjellë inerte e shkëmbinj të përmasave të mëdha të cilët kanë shkatërruar edhe urën automobilistike që lidh qendrën https://www.jetoilumtur.al/wp-content/uploads/2010/08/triforce-wallpaper.jpgistrative Kukur me zonën e Mokrës në Pogradec.

As linjat e furgonëve dhe autobusëve që lidhin fshatrat me qytetin nuk kanë qarkulluar.