Alarme për cunami janë lëshuar pas dy tërmeteve të fuqishme në Paqësor.

Qendra e Paralajmërimit për Cunami në Paqësor e ka vënë Gadishullin Kamchatka të Rusisë nën kërcënim për cunami pas tërmeteve me magnitudë 7.4 dhe 6.7 ballë të shkallës Rihter pranë brigjeve të tij.

Tërmeti me magnitudë 7.4 goditi rreth 143 kilometra në lindje të qytetit rus Petropavlovsk-Kamchatsky, shkruajnë mediat e huaja.

Qyteti ka një popullsi prej 180,000 banorësh dhe është vendbanimi më i madh i rrezikuar nga kërcënimi.

Një tërmet pak më i vogël me magnitudë 6.7 goditi vetëm pak minuta më parë në një zonë të ngjashme.

Kishte frikë se edhe Hawaii do të prekej, por një paralajmërim për cunami në të gjithë ishullin tani është tërhequr.

Alarmet u lëshuan gjithashtu për Guamin dhe Samoan Amerikane, por edhe ato tani janë hequr.

USGS paralajmëroi se “valët e rrezikshme të cunamit janë të mundshme” brenda 300 kilometrave nga epiqendra në Paqësor.

Nuk pati raportime të menjëhershme për viktima pas tërmeteve

GREQIA- Një tërmet me magnitudë 4.5 ballë të shkallës Rihter është regjistruar sot në zonën detare përballë Kretës. Sipas Institutit Gjeodinamik të Greqisë, epiqendra e tërmetit është lokalizuar rreth 47 kilometra në jugperëndim të Palaiochoras, në prefekturën e Haniot, ndërsa thellësia fokale është vlerësuar në 20.6 kilometra.

Ndërkohë, kreu i Organizatës për Antisizmologji në Greqi (OASP), Efthymios Lekkas, deklaroi për televizionin publik ERT se tërmeti ndodhi mbi një segment të harkut helenik dhe është ndjerë lehtë në zonën e Haniot.

Pas një hetimi që zgjati 18 muaj, autoritetet franceze kanë realizuar një ndërhyrje të madhe antidrogë duke sekuestruar 800 kilogramë kokainë gjatë natës mes 3 dhe 4 prillit.

Droga u gjet e fshehur në një anijeje mallrash me flamur liberian, që kishte nisur udhëtimin nga Brazili dhe kishte si destinacion Amsterdamin, në Holandë.

Operacioni u zhvillua në ujërat pranë Dunkerque (në veri të Francës), në momentin kur ekuipazhi po transferonte kokainën nga anija e madhe në një barkë peshkimi. Plani ishte që droga të transportohej fshehurazi deri në portin e vogël të Ouistreham, në Calvados.

Gjithë ekuipazhi i anijes – 22 marinarë nga Filipinet – janë ndaluar dhe ndodhen në paraburgim. Ndërkohë, tetë bashkëpunëtorë të tjerë, përfshirë tre peshkatarë, janë arrestuar në qytetet Le Havre, Ouistreham dhe Tancarville.