BRITANI- Një i arratisur shqiptar i kërkuar pasi dyshohet se ka porositur një vrasjeje për gjakmarrje në Shqipëri, ka jetuar në Britani i pazbuluar për katër vjet. Lorenc Lala, 47 vjeç, u arrestua nga policia këtë javë pasi forcat e rendit në Shqipëri e gjurmuan atë në Mbretërinë e Bashkuar dhe lëshuan një urdhër arresti që kërkonte arrestimin dhe ekstradimin e tij për gjykim në vendin e lindjes.

Ai dyshohet se ka organizuar pagesën prej 50,000 eurosh (42,000 paund) për vrasjen e Albi Bashaliut në vitin 2021, në shenjë hakmarrjeje për vrasjen e mëparshme të një burri tjetër në fshatin Gjocaj të Peqinit. Kuptohet që Lala është larguar nga Shqipëria për në Britani me besimin se kjo i siguronte një vendndodhje më të sigurt jashtë mundësive të urdhrit të arrestit evropian. Që kur Britania doli nga BE-ja, ajo nuk është më pjesë e sistemit të urdhërarresteve.

“Një brez i ri shqiptarësh të përfshirë në krimin e organizuar dhe të kërkuar në Shqipëri, Itali, Greqi ose Gjermani po hyjnë në Mbretërinë e Bashkuar ilegalisht kryesisht në pjesën e pasme të kamionëve”, tha një ekspert për krimin e organizuar shqiptar.

“Ata po e përdorin Mbretërinë e Bashkuar si një vend të sigurt për të shmangur sa më shumë që të munden çdo urdhër arresti evropian të lëshuar për ta.”, shtoi ai.

Chris Philp, sekretari i brendshëm në hije, tha: “Mbretëria e Bashkuar nuk mund të bëhet një lloj strehe e sigurt për kriminelët e rrezikshëm. Ne kemi nevojë për një goditje ndaj sigurisë kufitare për të siguruar që emigrantët e paligjshëm dhe kriminelët e rrezikshëm të mos mund të hyjnë në Mbretërinë e Bashkuar.”

“Jam i shqetësuar se ky i dyshuar shqiptar mund të përpiqet të shfrytëzojë ligjet tona të dobëta për të drejtat e njeriut për të qëndruar këtu. Kjo është arsyeja pse akti i të drejtave të njeriut duhet të shfuqizohet për çështjet e imigracionit.”

Lala u arrestua nga njësia e ekstradimit të Policisë Metropolitane dhe u paraqit para magjistratëve të Westminsterit me akuzat për komplot për vrasje në Shqipëri. Ai aktualisht po mbahet në paraburgim përpara një seance të mëtejshme dëgjimore në korrik, ndërsa Shqipëria kërkon ta ekstradojë atë.

Në një deklaratë, Policia e Shtetit Shqiptar tha se ai ishte akuzuar në mungesë për dyshimin e tij për “përfshirje në një vrasje për gjakmarrje, krijimin e kushteve për të vrarë dhe për anëtarësim në një grup të krimit të organizuar”.

“Vrasja e Albi Bashaliut ndodhi në vitin 2021. Lorenc Lala ishte organizatori i asaj vrasjeje, duke financuar të tjerë për ta kryer atë dhe duke krijuar kushtet që krimi të ndodhte. Ai më pas e ndihmoi vrasësin të largohej nga vendi i ngjarjes”, thuhej në deklaratë.

Pas vrasjes, Lala, i cili njihej edhe me pseudonimin Kristian Lala, iku nga Shqipëria. Ai u fsheh në Mbretërinë e Bashkuar. Vendndodhja e tij në Mbretërinë e Bashkuar u përcaktua përfundimisht nëpërmjet informacionit të ndarë nga policia shqiptare me autoritetet e Mbretërisë së Bashkuar. Kreshnik Ajazi, kreu i prokurorisë në Elbasan, i cili hetoi këtë vrasje tha se e kishin zgjidhur çështjen pasi një anëtar i grupit kriminal vendosi të bashkëpunonte me policinë.

“Arrestimi i tij në Mbretërinë e Bashkuar dhe ekstradimi i mundshëm nga gjykatat britanike është një sukses i madh dhe vazhdon marrëdhënien e shkëlqyer midis autoriteteve tona në aspektin e bashkëpunimit të ndërsjellë në fushën e drejtësisë penale”, tha ai.

Një zëdhënës i Ministrisë së Brendshme tha: “Mbretëria e Bashkuar ka marrëveshje të gjera për të bashkëpunuar me partnerët e zbatimit të ligjit në të gjithë botën, përfshirë Shqipërinë, për të siguruar që Mbretëria e Bashkuar të mos jetë kurrë një strehë e sigurt për ata që kërkojnë t’i shmangen drejtësisë.”

Një burim nga Ministria e Brendshme tha se kishte marrëveshje zyrtare ekstradimi me Shqipërinë. Përpara se të largohej nga BE-ja, Mbretëria e Bashkuar e kishte në fuqi Urdhërin Europian të Arrestit vetëm me Shtetet Anëtare të BE-së, i cili nuk e përfshinte Shqipërinë.

Në vitin 2023 kalimet rekord të paligjshme të Kanalit nga më shumë se 12,000 shqiptarë në vitin 2022 çuan në një rritje të krimit, me 80 emigrantë shqiptarë që u dënuan me 130 vjet burg vetëm në katër muajt e parë të atij viti. Një sërë marrëveshjesh midis Mbretërisë së Bashkuar dhe Shqipërisë për të goditur krimin dhe për të përshpejtuar deportimet ka bërë që numri i shqiptarëve që kalojnë kanalin të bjerë në vetëm 630 vitin e kaluar./ The Telegraph

37 të burgosur u liruan gabimisht sipas një skeme të lirimit të parakohshëm të prezantuar nga qeveria britanike për shkak të mbipopullimit të burgjeve në Angli dhe Uells, sipas ministrisë së drejtësisë.

Rreth 1,750 të dënuar u liruan këtë muaj sipas programit të qeverisë që konsideron se disa të burgosur kanë të drejtë për lirim, të cilët kanë kryer 40 për qind të dënimit të tyre.

Mijëra të tjerë pritet të lirohen.

Në një deklaratë, një zëdhënës i Ministrisë së Drejtësisë, duke konfirmuar raportimin e djeshëm të Daily Mirror, tha se një numër shumë i vogël i të burgosurve, janë liruar gabimisht.

Gjithsej 37 të burgosur që ishin në burg për shkelje të urdhrave të ndalimit u liruan gabimisht, por shumica prej tyre tashmë janë kthyer në burg.

Pesë nuk janë kthyer ende.

Britania ka shkallën më të lartë të të burgosurve në Europën Perëndimore dhe po përballet me një krizë, me numrin e të burgosurve që po rritet ndjeshëm pas periudhës së pandemisë për shkak të dënimeve më të gjata, vonesave në shumë raste dhe një marrëveshje sipas së cilës ata që janë dënuar për krime të rënda duhet të kryejnë të paktën 65% të dënimit të tyre.

Pas marrjes së pushtetit në korrik, qeveria laburiste njoftoi një skemë të lirimit të parakohshëm për shkak të mbipopullimi të burgjeve.

Një shqiptar është dënuar me 34 muaj burg në Angli, pasi u kap duke punuar në një fermë kanabisi në Oakley. Shqiptari i arrestuar është identifikuar si Samir Haxhiaj, i cili tentoi të largohej me vrap nga shtëpia, që u bastis nga policia, por është kapur brenda pak minutash.

Haxhiaj, nga Larch Close, Londër, u shpall fajtor, ndërsa u dënua për dy akuza. Haxhiaj u dënua me 34 muaj burg. Haxhiaj pretendonte në dëshminë e tij se ishte trafikuar nga Londra në një vend të çuditshëm dhe ishte lënë atje me dy persona të tjerë.

Tri sondazhe të opinionit britanik parashikojnë një disfatë të sigurt për Partinë Konservatore të kryeministrit Rishi Sunak në zgjedhjet e ardhshme të përgjithshme.

Sondazhet u publikuan rreth gjysmës së fushatës zgjedhore, një javë pasi konservatorët dhe laburistët publikuan manifestet e tyre dhe pak para se votuesit të fillojnë të marrin fletëvotimet me postë.

Agjencia kërkimore “Savanta” njoftoi se Partia Laburiste e Kier Starmer do të ketë 46 për qind të votave ose dy për qind më shumë krahasua me sondazhin pesë ditë më parë, ndërsa mbështetja për konservatorët ra 4 për qind, në 21 për qind. Sondazhi është bërë nga data 12-14 qershor për Sunday Telegraph.

“Hulumtimi ynë sugjeron se këto zgjedhje mund të jenë asgjë më pak se një goditje për Partinë Konservatore,” tha drejtori i kërkimit politik të Savanta, Chris Hopkins.

Një sondazh i agjencisë Survey, i publikuar nga Sunday Times, parashikon se konservatorët mund të fitojnë vetëm 72 nga 650 vendet në Dhomën e Komunave, më të ulëtat në historinë e tyre gati dyqindvjeçare, ndërsa laburistët do të fitojnë 456 vende. Sondazhi i tyre u krye nga 31 maji deri më 13 qershor.

Sondazhi i tretë, i realizuar nga “Opinium” për Sunday Observer, është realizuar nga data 12-14 qershor dhe ka treguar se laburistët kanë 40 për qind, konservatorët 23 dhe reformistët 14 për qind.

Pas Londrës, kryeministri Edi Rama ka shtyrë edhe takimin që kishte parashikuar me emigrantët në Dyseldorf në Gjermani.

Ky takim ishte parashikuar për në datën 16 qershor, ndërsa raportohet se shkak i shtyrjes janë zgjedhjet në Parlamentin Evropian.

Mësohet se ky takim pritet të zhvillohet në muajin shtator.

Më herët u raportua se kryeministri anuloi dhe takimin me diasporën në Britaninë e Madhe, që mesa duket do të zhvillohet pas zgjedhjeve të parakohshme atje, që do të mbahen më 4 korrik.

Kujtojmë që kryeministri Edi Rama ka nisur një tur takimesh me diasporën shqiptare.

Kreu i qeverisë e nisi më 12 maj në Athinë takimet me emigrantët shqiptarë.

Më 26 maj, Rama u takua me bashkatdhetarët në Itali, në pallatin e sportit në ‘Busto Arsizio’ afër qytetit të Milanos.

Ngjarja tronditëse  ku një baba në Britani,  vrau djalin e tij gjashtë muajsh, duke e tronditur për vdekje, do të kalojë pesëmbëdhjetë vite në burg .

David Holick, 29-vjeç, nga Walsall, Britani, shpërtheu në lot kur togat e zeza e njoftuan me vendimin.

29-vjeçari sulmoi për vdekje djalin e tij të vogël, i cili ndodhej në banesën e gjyshërve së bashku me të atin

Nga sulmi, foshnja fatkeqe pësoi lëndime të rënda dhe kur u dërgua në spital dhe nuk po merrte më frymë.

Ngjarja ka ndodhur mëngjesin e 9 shkurtit të vitit 2020 dhe fëmija ndërroi jetë tre ditë më vonë.

Holick i shkaktoi fëmijës së tij dëmtime në tru, kur ai e goditi në kokë të paktën dy herë.

“Lëndimet u shkaktuan nga një sulm shumë i rëndë dhe fëmija ishte klinikisht i vdekur, ai nuk kishte asnjë shans për t’u shëruar. Ju keni qenë përgjegjës për shkaktimin e këtyre lëndimeve. Kajro ishte nën kujdesin tuaj në atë kohë. Ju ishit i vetmi që e dinit se çfarë ndodhi atë natë dhe se si Kajro mori plagët e tij fatale. Ju thatë në gjyq se u penguat dhe ratë duke mbajtur fëmijën. Juristët e hodhën poshtë këtë pretendim dhe janë të bindur se lëndimet nuk janë shkaktuar nga aksidenti. Ajo që i bëre ishte një tradhti e plotë e detyrës si prind. Është e qartë nga videot që pamë në gjyq se sa fëmijë i mrekullueshëm ishte. Është e vështirë të mendosh që një prind të sulmojë dhe të vrasë fëmijën e vet”, i tha prokurori të pandehurit.

Kajro ishte fëmija i dytë i Holick dhe Adina Johnson, të cilët u takuan kur ishin adoleshente.

Çifti pas lindjes së Kajros, u nda dhe fëmija jetoi me të atin tek gjyshërit e tij. Fëmija i madh jetonte me nënën e tij.

ANGLI- Një grua është vënë në pranga në Britaninë e Madhe nën dyshimin për vrasje pasi tre fëmijë u gjetën të vdekur në një banesë në Bristol.

Policia lokale tha se ngjarja e rëndë u zbulua të dielën pasi oficerët morën pjesë në një thirrje për kujdesin e mirëqenies në Blaise Walk, Sea Mills, rreth orës 12:40 të mëngjesit.

Tre fëmijët e vegjël kishin ndërruar jetë në vendngjarje. 42-vjeçarja e dyshuar për vrasjen e tyre ndodhet në paraburgim, ndonëse ende nuk dihet motivi i ngjarjes së rëndë, shkruan The Guardian.

Një nga fqinjët thanë se familja kishte dy djem, rreth tetë vjeç dhe gjashtë muajsh, dhe një vajzë rreth katër vjeç. Ajo tha se kishte pasur vështirësi në muajt pas lindjes së fëmijës së saj më të vogël. Ai tregoi se se gruaja ishte me origjinë sudaneze.

BRITANI-Dy tregtarë kokaine të cilët fshehën kokainën në një ndarje të fshehtë të një kutie dorezash në një përpjekje “të kotë” për të fshehur kriminalitetin e tyre janë burgosur.

Orest Malushi dhe Olsian Vogli u kapën jashtë një apartamenti që Vogli e përdorte si depo ku policia gjeti 100,000 £ para. Ata u dënuan përkatësisht me dy vjet e gjashtë muaj dhe pesë vjet e katër muaj në Gjykatën Harrow Crown më 9 janar për vepra që lidhen me drogën. Shtetasit shqiptarë po hetoheshin nga oficerët e Partneritetit të Krimit të Organizuar (OCP) një njësi e përbashkët e Agjencisë Kombëtare të Krimit dhe e Shërbimit Policor Metropolitan.

Dyshja u arrestuan pranë makinës së Malushit në Hendon në korrik të vitit të kaluar nga oficerët e OCP që i kishin nën vëzhgim. Vogli ishte parë teksa hynte dhe dilte nga një banesë në Caversham Road, Colindale, të cilën e përdorte si strehë pak para arrestimit. Oficerët e OCP kontrolluan një çantë shpine të zezë që ai mbante, e cila përmbante gjysmë kilogram kokainë.

Ata gjetën gjithashtu tre telefona celularë dhe dy kilogramë e gjysmë kokainë të tjera, të cilat ishin fshehur brenda një ndarje të përshtatur posaçërisht në kutinë e dorës së makinës së Malushit. Më shumë se 100,000 £ në para të gatshme dhe një telefon celular me disa karta SIM u gjetën pasi banesa u kontrollua.

Malushi dhe Vogli u deklaruan fajtorë për posedim kokaine me qëllim furnizimin gjatë seancave të mëparshme në Gjykatën e Kurorës St Albans, raportojnë mediat.

Andrew Tickner, nga OCP, tha: “Kokaina e furnizuar nga Olsian Vogli dhe Orest Malushi po gjeneronte qartë fitime të mëdha për grupin e krimit të organizuar ku ata i përkisnin, siç tregohet nga sasia e parave të gatshme që gjetëm në apartament.

Fshehja në makinën e Malushit ishte në fund të fundit një përpjekje e kotë për të fshehur kriminalitetin e tij, por tregon kohën dhe vëmendjen që furnizuesit e drogës do t’i kushtojnë profesionit të tyre kriminal.

Marsid Senia dhe Mentor Selmani janë dënuar me 33 vjet burg për një sherr fatal në rrugë, ku mbeti i vrarë një 22-vjeçar shqiptar. Dy të rinjtë janë dënuar nga pakujdesia për rolet e tyre në një përleshje të madhe në rrugë në Sheffield, e cila çoi në vdekjen e një 22-vjeçari, janë vënë pas hekurave. Armend Xhika vdiq nga plagët me thikë pas një përleshjeje masive midis dy grupeve shqiptarësh në rrugën Earl Marshall në Fir Vale, Sheffield më 13 maj 2021, thuhet në media.

Policia e Yorkshire-it të Jugut thotë se pas një përplasjeje në trafikun rrugor, e cila ndodhi më herët atë ditë, pasi një nga grupet fajësoi zotin Xhika për aksidentin. Marsid Senia, 26 vjeç (majtas) dhe 29-vjeçari Mentor Selmani (djathtas) u shpallën fajtorë për vrasje nga pakujdesia në lidhje me vdekjen e 2023, pas më shumë se dy vitesh pritje, familja e Z. Xhika më në fund iu dha drejtësi kur dy nga personat përgjegjës për vdekjen e tij të parakohshme u burgosën për një total prej 33 vitesh e katër muajsh gjatë një seance në Gjykatën e Sheffield Crown.

Duke përshkruar rolet e Selmanit dhe Senias, gjyqtari, Nicholas Hilliard, i tha gjykatës se megjithëse provat nuk sugjeronin se asnjëri i pandehur ishte vrasësi me thikë që i shkaktoi plagën fatale me thikë z. Xhika, të dy ishin pjesë e një grupi që ‘inkurajonte ‘ dhe ‘ndihmuan’ vrasësin. Duke dhënë dënimin, z. Justice Hilliard tha se ashpërsia e çështjes kërkon ‘dënime të rëndësishme’ dhe e burgos Selmanin, nga Matcham Road, Stratford, Londër për 20 vjet; ndërsa Senia, nga Burnett Street, Bradford u dënua me 13 vjet e katër muaj pas hekurave.

Të dy të pandehurve iu tha se duhet të kryejnë të paktën dy të tretat e dënim

Një 38-vjeçar shqiptar është dënuar me 6 vite e 6 muaj burg për vrasje nga pakujdesia të bashkatdhetarit të tij, pas një sherri për motive të dobëta.

Gjykata e Kurorës në Maidstone, ka lënë në burg Shpendi Hakili, për vrasjen e Sazan Bako më 20 nëntor të këtij viti në Londër.

Bëhet fjalë për ngjarjen e ndodhur mbrëmjen e 20 nëntor, në Cuxton Road Strood, ku Shpendi Hakili është përfshirë në një sherr me bashkatdhetarin e tij Sazan Bako, që i ka marrë jetën këtij të fundit.

Sipas mdiave britanike goditja e fortë ka bërë që 35-vjeçari të bjerë mbrapsht dhe të përplaset me kokë në trotuar.

Ai vdiq në spital tre javë më vonë, raportojnë mediat angleze, ndërsa Hakili ka mohuar të ketë shkaktuar vdekjen e 35-vjeçarit.

Pas incidentit, oficerët nga Drejtoria e Krimeve të Rënda të Kent dhe Essex nisën një hetim dhe fillimisht arrestuan dy persona në lidhje me ngjarjen.

Më vonë ata u liruan pa akuzë. Detektivët vazhduan hetimet dhe në mars 2023, shqiptari Hakili, u arrestua në Francë.