Moska do të hakmerret ndaj caqeve të Britanisë së Madhe, nëse armët britanike përdoren nga Ukraina për sulme brenda territorit rus, tha të enjten zëdhënësja e Ministrisë së Jashtme të Rusisë, Maria Zakharova.

Zakharova tha për gazetarë se caqet britanike “brenda territorit të Ukrainës dhe përtej kufijve të saj” mund të goditen në një skenar të tillë.
Ajo e përsëriti paralajmërimin që Moska e bëri në fillim të këtij muaji, pasi sekretari i Jashtëm britanik, David Cameron, tha se Ukraina mund t’i përdorë armët britanike kundër caqeve brenda Rusisë, nëse dëshiron.

Komentet e Cameronit e bëjnë Britaninë të mbajë qëndrim më luftarak karshi Rusisë – së paku publikisht – sesa SHBA-ja, e cila thekson se armët me të cilat e furnizon Ukrainën duhet të përdoren vetëm brenda kufijve të Ukrainës të njohur ndërkombëtarisht, dhe jo kundër caqeve brenda territorit të Rusisë.

Ukraina thotë se i përdor dronët e vet dhe armë të tjera për të kryer sulme kundër caqeve brenda Rusisë, si për shembull, kundër rafinerive të naftës apo infrastrukturës hekurudhore./REL

Moti i keq ka përfshirë Britaninë. Përmbytjet e tunelit kanë sjellë anulimin e lëvizjeve të trenave. Mbretëria e Bashkuar po përgatitet për kushte ekstreme të motit.

Meteorologët paralajmërojnë se vendi do të përfshihet nga reshje shiu erëra të forta, si edhe borë dhe mund të ketë përmbytje në zona të ndryshme.

Gjithashtu theksohet se do të ketë edhe ndërprerje të transportit.

Eurostar, i cili drejton shërbimet nga Londra në Paris, Bruksel dhe Amsterdam, tha se janë anuluar 41 trenat për dhe nga kryeqyteti për shkak të motit të keq.

Përmbytjet, në një tunel pranë Ebbsfleet International, po pengojnë gjithashtu trenat e Hekurudhave Juglindore, ndërsa drejtori menaxhues i operatorit Steve White tha se nuk ka “asnjë afat kohor” se kur do të zgjidhet problemi.