Në të njëjtën ditë që në Shqipëri u zhvillua samiti i Komunitetit Politik Europian, Partia Demokratike mbajti një protestë për zgjedhjet e 11 Majit.

Kryetari i selisë blu, Sali Berisha, i kthyer direkt nga Brukseli, tha se “zgjedhjet e 11 Majit ishin botërisht të njohura si farsë elektorale dhe para se të zhvilloheshin.

Njoha miqtë me të gjithë shkeljet monstruoze dhe bindja e përgjithshme ishte se karrigia e Edi Ramës qëndron mbi krimin monstruoz të grabitjes dhe plaçkitjes së zgjedhjeve të qytetarëve shqiptarë. Të dashur miq, forumi botëror i partive të qendrës së djathtë, u njoh me përdorimin nga Edi Rama të bandave më të rrezikshme të Shqipërisë, rajonit dhe Europës. U njoh me listën e kandidatëve të krimit, me në krye Edi Ramën dhe vazhdon me Sara Milen, me ministrin e krimit, me Taulant Ballën, me dhjetëra kandidatë të tjerë të botës së krimit. U njoh dhe u denoncua botërisht përdorimi i qindra milionë eurove për të blerë vullnetin e qytetarëve shqiptarë. Dhurata 70 milionë euro për votën, falja e 200 milionë eurove të gjobave, mbi gjysmë miliardë euro koncesione dhe prokurime”, deklaroi Berisha.

Ai theksoi se janë disa rezoluta që i dënonin ato.

“Edi Rama nuk bëri gjë tjetër veçse dëshmoi se është një kriminel, një monstër, ndaj vullnetit të lirë të shqiptarëve. Ju garantoj se çdo ditë në këtë betejë ne do arrijmë qëllimet tona”, u shpreh Berisha.

Kreu i PD-së paralajmëroi se beteja do të zhvillohet edhe ndërkombëtarisht.

“Kjo betejë do zhvillohet në çdo zyrë të rëndësishme, në çdo qeveri të vendeve të lira në Europë dhe në botë. Kjo betejë do fitohet nga luftëtarët e lirisë, luftëtarët e botës së lirë”, u shpreh Berisha.

“Pra, zgjedhjet në Shqipëri ishin farsa elektorale më e shëmtuar pas rënies së Perdës së Hekurt në Ballkan dhe Europë. Ndaj, dhe ju përshëndes ju dhe u garantoj se Edi Rama kurrë nuk do mund të qëndrojë në atë karrige me zgjedhje të vjedhura, me zgjedhje krimi, me zgjedhje të korrupsionit, por do marrë përgjigjen që meriton dhe që kanë diktator, çdo narkodiktator”, shtoi kreu demokrat.

Teksa Berisha fliste, protestuesit kërkuan edhe qeveri teknike.

Sa i përket saimit të KPE-së, Berisha u shpreh se Rama “i priti ata (liderët evropianë) si hajdut, si plaçkitës, i priti si Toto Riina”.

Të pranishëm ishin edhe disa nga drejtuesit politikë të qarqeve në zgjedhje. Mes tyre edhe Belind Këlliçi. Ky i fundit tha se protesta e sotme është “akti i parë i aksionit politik të PD për demontimin e plotë të farsës elektorale të 11 Majit”.

Berisha në Bruksel: Zgjedhjet e 11 majit ishin farsë, kërkoj mbështetje për votim të lirë në Shqipëri

Në një fjalim të mbajtur gjatë samitit të Unionit Demokratik Ndërkombëtar (IDU) në Bruksel, lideri i opozitës Sali Berisha i cilësoi zgjedhjet parlamentare të 11 majit në Shqipëri si një “farsë të paralajmëruar dhe masive”, të zhvilluara në kushte të jashtëzakonshme politike dhe shoqërore.

Berisha akuzoi Kryeministrin se ka shndërruar Shqipërinë në një “narkoshtet”, duke përdorur drejtësinë, administratën, mediat dhe burimet publike për të siguruar mandatin e katërt. Ai theksoi se tre drejtues të partive të opozitës janë arrestuar apo ndodhen nën ndjekje penale, ndërsa dhjetëra zyrtarë të opozitës janë shkarkuar apo burgosur.

Sipas tij, organizata kriminale janë përdorur hapur për të garantuar votat e nevojshme, ndërsa “njerëzit më të votuar janë anonimë të përzgjedhur nga bandat”. Ai përmendi dhënien e 100 eurove pensionistëve në mes të fushatës, një amnisti të gjobave për 200 milionë euro, punësime masive në administratë dhe licenca për kultivim të kanabisit si pjesë të një “makinerie elektorale të plotë të shtetit”.

Berisha akuzoi gjithashtu për kontroll total mbi mediat kombëtare, bllokimin e rrjeteve sociale si TikTok dhe përdorimin e aktiviteteve publike, përfshirë eventin Giro d’Italia, për qëllime propagandistike në ditën e zgjedhjeve.

Ai falënderoi institucionet ndërkombëtare si OSBE, Parlamenti Europian dhe Këshilli i Europës për qëndrimet kritike ndaj procesit dhe kërkoi mbështetje nga partnerët ndërkombëtarë për të garantuar një proces zgjedhor të lirë në të ardhmen.

“Po nuk u kthye e drejta e votës për shqiptarët, ky vend po zbrazet. Vetëm në 10 vitet e fundit janë larguar mbi një milion shqiptarë drejt BE-së,” deklaroi Berisha, duke e përmbyllur fjalën me një apel për solidaritet ndërkombëtar dhe përkrahje nga IDU, PPE, CDI dhe qeveritë në pushtet. /noa.al

Bashkimi Europian në faqen zyrtare ka publikuar orare tjera të takimeve në kuadër të dialogut Kosovë-Serbi. Takimet, që fillimisht ishin planifikuar për orën 15:00, do të nisin nga ora 16:30.

Përfaqësuesi i Lartë i BE-së, Josep Borrell, do të takojë fillimisht kryeministrin Albin Kurti nga ora 16:30, ndërsa gjysmë ore më pas do të zhvillojë takimin me presidentin e Serbisë, Aleksandar Vuçiç.