Reshjet e shiut të gjatë natës së kaluar si dhe gjatë ditës së sotme janë shoqëruar me temperatura të ulëta dhe reshje dëborë në zonat malore, kryesisht në fshatrat e thella të njësisë aministrative Martanesh dhe Zerqan, ku trashësia e dëborës ka arritur deri 10 centimetra.

Reshje dëbore ka pasur edhe në zonat minerale në Thekën të Martaneshit, si dhe në zonën e Tërnovës, ku punojnë minatorët.

Ndërkohë, policia lokale e Bulqizës bën thirrje drejtuesve të automjeteve, të cilët transportojnë minatorët të përdorin zinxhirë në rrugët ku ka dëborë.

Një aksident rrugor ka ndodhur para pak minutash në aksin rrugor Bulqizë-Pishat në vendin e quajtur Gurët e Skënderbeut.

Policia dhe zjarrëfiksja ka mbërritur në vendin e ngjarjes ndërsa nuk dihet nëse ka të lënduar.

Ende nuk dihen shkaqet e aksidentit.

Bulqizë, 24 mars 2025 – Një banesë në katin e parë të një pallati në “Lagjen e Vjetër” në Bulqizë është përfshirë nga flakët ditën e sotme, duke shkaktuar vdekjen e një të moshuari që jetonte i vetëm.

Viktima është identifikuar si Xhevdet Cara, 80 vjeç. Sipas dyshimeve paraprake, zjarri mund të jetë shkaktuar nga një shkëndijë elektrike brenda banesës. Forcat zjarrfikëse ndërhynë menjëherë dhe arritën të vënë flakët nën kontroll, ndërsa autoritetet po hetojnë për të përcaktuar shkaqet e sakta të ngjarjes.

Bulqizë

Mëngjesin e sotëm, rreth orës 09.10, në qytetin e vjetër Bulqizë, në katin e parë të një pallati, në banesën e shtetasit Xh.C, ka rënë zjarr.

Menjëherë kanë shkuar shërbimet zjarrfikëse dhe shërbimet e Policisë ku kanë bërë të mundur nxjerrjen nga banesa të shtetasit Xh.C, i cili ka humbur jetën në spital.

Grupi hetimor ndodhet në vendin e ngjarje dhe po punon për sqarimin rrethanave dhe përcaktimin e shkakut të rënies së zjarrit.

Policia e Bulqizës ka dhënë informacion për të shtënat me armë që u regjistruan në këtë qytet.

Sipas informacioneve, objektiv i atentatit ka qenë shtetasi Luan Tërnova.

Tërnova sapo dilte nga xhamia ku kishte kryer faljen e namazit të së premtes kur u qëllua nga një person i paidentifikuar.

Më pas policia gjeti mjetin e djegur në aksin rrugor Qafa e Buallit-Klos që dyshohet se u përket autorëve.

‘Mesditën e sotme, shtetasi L.T, ka njoftuar sallën operative se në qytetin e Bulqizës, një person i paidentifikuar ka qëlluar me armë zjarri, por pa shkaktuar dëmtime.

Nga kontrolli i territorit, në aksin rrugor Qafa e Buallit-Klos, është gjetur i djegur një motomjet që dyshohet të jetë përdorur nga autori i këtij rasti.

Grupi hetimor nën drejtimin e Prokurorisë, po kryen hetimet për zbardhjen dhe rrethanat e këtij rasti.

Në përfundim të veprimeve të para hetimore do të japim informacion më të plotë’, njofton policia vendore.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Detaje të reja janë bërë me dije nga aksidenti në Bulqizë, ku humbi jetën një 60-vjeçar.

Viktima e aksidentit në aksin rrugor Bulqizë – Maqellarë është Femi Leka.

Një automjet ende i paidentifikuar dyshohet se e ka përplasur për vdekje 60-vjeçarin, i  cili punonte si roje në një firmë.

Policia është vënë në kërkim të autorit të dyshuar që mund të ketë shkaktuar aksidentin dhe aktualisht janë marrë në pyetje disa banorë të zonës që mund të kenë parë ngjarjen.

Rrahje masive në Bulqizë. Policia vuri në pranga dy vëllezër Azem dhe Pelikron Osmani dhe procedoi penalisht 5 të tjerë, të cilët u konfliktuan fizikisht me njëri-tjetrin.

‘Shërbimet e Komisariatit të Policisë Bulqizë, pas marrjes së njoftimit se në një lokal në fshatin Trebisht, po ndodhte një konflikt midis disa shtetasve, shkuan menjëherë në adresën e dhënë.

Falë ndërhyrjes në kohë, shërbimet e Policisë bënë të mundur neutralizimin dhe shoqërimin në Komisariat të personave të përfshirë në konflikt, që mund të kishte pasoja për jetën.

Nga veprimet e shpejta rezultoi se gjatë një konflikti të çastit, për motive të dobëta, në ambientet e një lokali në fshatin Trebisht, shtetasit A.O., P.O., dhe H.O., janë konfliktuar fizikisht me shtetasit B.Z., E.D., P.D., dhe I .D., duke përdorur dhe sende të forta ndaj njëri-tjetrit.

Si pasojë e konfliktit kanë mbetur të dëmtuar shtetasit P.D., dhe I.D., të cilët ndodhen në Qendrën Spitalore Universitare Tiranë.

Në vijim të veprimeve procedurale për rastin, specialistët e Seksionit për Hetimin e Krimeve arrestuan në flagrancë shtetasit:

– A.O., 32 vjeç; – P.O., 45 vjeç, për veprën penale “Plagosja e rëndë me dashje” kryer në bashkëpunim.

Si dhe nisi procedimi penal për shtetasit B.Z., H.O., E.D., P.D., dhe I.D., për veprën penale “Plagosja e lehtë me dashje”, kryer në bashkëpunim.

Materialet procedurale i kaluan Prokurorisë për veprime të mëtejshme’, citohet në njoftim.

Zbardhet ngjarja e ndodhur në datën 29 qershor të vitit 2018 , në lagjen “Minatori”, ku një shtetas i paidentifikuar i vendosi lëndë eksplozive automjetit të një shtetasi.

Si rezultat i veprimeve të thelluara, profesionale dhe hetimore, bënë të mundur identifikimin i autorit të dyshuar të vendosjes së lëndës eksplozive, si dhe vijon puna intensive për kapjen e tij.

Strukturat hetimore të Drejtorisë Vendore të Policisë Dibër në bashkëpunim të ngushtë me Komisariatin e Policisë Bulqizë dhe me Prokurorinë e Dibrës, si rezultat i veprimeve të thelluara hetimore, të ndjekura me metoda proaktive, bënë të mundur zbardhjen dhe dokumentimi me prova ligjore të ngjarjes kriminale me eksploziv, të ndodhur në vitin 2018, në Bulqizë.

Si rezultat u identifikua dhe u shpall në kërkim autori i dyshuar i ngjarjes, shtetasi R.I., 46 vjeç, banues në Fushë-Krujë.

Gjykata e Rrethit Gjyqësor Dibër, ka caktuar ndaj këtij shtetasi masën e sigurisë “Arrest në burg”, për veprën penale “Shkatërrimi i pronës me eksploziv”.

Shtetasi R.I., dyshohet se me datë 29 qershor 2018, në lagjen “Minatiri”, ka vendosur lëndë plasëse në automjetin e shtetasit T.T.

Vijon puna intensive për lokalizimin dhe kapjen e 46-vjeçarit. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

Rreth 56 persona janë paraqitur me shenja helmimi në Spitalin e Bulqizës.

Gazetari ka dhënë detaje për helmimin masiv të qytetarëve. Ai tha se disa persona jana paraqitur në spital edhe me të vjella. Sipas gazetarit, rasti është u hetuar.

“56 persona deri tani janë paraqitur pranë Spitalit të Bulqizës. Pesonat që janë paraqitur në spital kanë pasur të vjella. Në Qytetin e Ri po punohet në kanalizime dhe dyshohet se ujërat e zeza janë përzier me ujërat e pastra. Po hetohet se nga ka ardhur helmimi.

Personat e helmuar janë nga Bulqiza dhe njësitë administrative përreth. Ka qenë dhe ditë e shtunë e mund të ketë pasur edhe dasmë. Janë marrë të gjitha analizat. Shëndeti Publik, AKU dhe grupi hetimor po punojnë për të zbardhur shkaqet e helmimit”.

ULQIZË- Një 52-vjeçar i shpallur në kërkim pasi ishte dënuar me 8 muaj burg për shpërdorim detyre është arrestuar në Bulqizë, në kuadër të megaoperacionit “Sundimi i ligjit”.

Në pranga është vënë, Gëzim Boba, i cili në vitin 2010, teksa mbante detyrën e përgjegjësit të Zyrës së Urbanistikës në bashkinë Bulqizë, me veprimet e tij në kundërshtim me ligjin, ka vendosur dërgimin për miratim të dy kërkesave për leje ndërtimi, të kërkuara nga dy persona të tjerë.

NJOFTIMI I POLICISË:

Dibër/Vijojnë kontrollet intensive në kuadër të megaoperacionit “Sundimi i ligjit”.

Kapet dhe ndalohet një 52-vjeçar, i dënuar nga Gjykata e Dibrës me 8-muaj burgim, për veprën penale “Shpërdorimi i detyrës”.

Strukturat e Policisë të DVP Dibër, në zbatim të masave të hartuara në kuadër të megaoperacionit policor të koduar “Sundimi i ligjit”, bazuar në informacionet e siguruara nga inteligjenca policore, mbi vendndodhjen e një shtetasi në kërkim, kanë intensifikuar kontrollet për kapjen dhe vënien e tij përpara përgjegjësisë ligjore.

Si rezultat u bë e mundur kapja dhe ndalimi i shtetasit G.B., 52 vjeç, banues në Bulqizë, pasi Gjykata e Shkallës së Parë e Juridiksionit të Përgjthshëm Dibër, e ka dënuar me 8-muaj burgim për veprën penale “Shpërdorimi i detyrës”.

Ky shtetas në vitin 2010, teksa mbante detyrën e përgjegjësit të Zyrës së Urbanistikës në bashkinë Bulqizë, me veprimet e tij në kundërshtim me ligjin, ka vendosur dërgimin për miratim të dy kërkesave për leje ndërtimi, të kërkuara nga dy shtetas.

Megaoperacioni “Sundimi i ligjit” vazhdon.

Ky është peshkatari 30-vjeçar,Klodian Kala,  që humbi jetën pasditen e sotme, pasi ra në kontakt me rrymën elektrike teksa peshkonte me gjenerator.