Minatorët në Bulqizë kanë vijuar me protestën e tyre edhe ditën e sotme. Ata kanë deklaruar se protesta nuk do të ndalet deri në realizimin e pikave që i kanë kërkuar kompanisë “Albchrome”.

Ndër pikat e kërkuara më kryesoret minatorët kanë përmendur rritjen e pagës që ju ishte premtuar që në muajin janar dhe heqja e punës së detyrueshme ditëve të shtuna. Një tjetër kërkesë e rëndësishme e tyre është miratimi i statusit të minatorit.

Sipas raportimeve, ditën e sotme minatorët e turnit të dytë dhe të turnit të tretë nuk janë lejuar që të futen brenda rrethimit të minierës për të mbështetur kolegët e tyre. Ata janë shprehur se kompania iu ka bllokuar aksesin e kartave me të cilat futen brenda.

TIRANA- Ish-Kryebashkiaku i Bulqizës, Lefter Alla, ka dalë nga burgu pasi përfundoi dënimin me dy vite të dhënë nga Gjykata e Posaçme. Alla vuajti dënimin për veprën penale “të shpërdorimit të detyrës” dhe “shkelje të barazisë në tendera”.

SPAK kërkoi fillimisht 3.6 vite burg për Lefter Allën, por me gjykim të shkurtuar, ai u dënua me 2 vite e 4 muaj heqje lirie dhe dënim plotësues që për 5 vite të mos ushtrojë asnjë funksion publik. Në dhjetor të vitit 2023, Alla kërkoi nga Gjykata e Posaçme që ta shpallë të pafajshëm.

Lidhur me çështjen, bashkë me Allën u vu në pranga dhe nënkryetarja Enkelejda Lleshi dhe 11 të tjerë që janë identifikuar si: Rubin Kola, Erion Isaku, Leonard Daci, Arsen Gjoka, Kujtim Zogu, Denis Xholi, Rasim Daci, Dalo Gazidedja Aqif Konesha, Kastriot Ibrahimaj, Ana Nishku.

Këta persona në bashkëpunim me njëri-tjetrin dyshohet se kishin kryer veprime të paligjshme në dhënien e një tenderi me vlerë 3 milionë euro për ndërtimin e një Ujësjellësi në qytetin e Bulqizës. Tenderi i bashkisë drejtuar nga Alla, u fitua nga një kompani BOE England e cila mendohet se u favorizua gjatë procedurës. Por punimet, u kryen nga një tjetër kompani, OE 2AF Albania shpk, lidhje shoqërore e kryetarit të Bashkisë.

Aksidentohet vagonisti në Minierën e Bulqizës. Ai është nisur menjëherë drejt Spitalit të Traumës.

‘Me datë 29.06.2024, rreth orës 11.00, dyshohet se është aksidentuar gjatë punës në një subjekt minerar në Bulqizë, shtetasi V.N me detyrë vagonist në minierë.

I dëmtuari është transportuar drejt spitalit të Traumës në Tiranë, për ndihmë mjekësore më të specializuar dhe aktualisht ndodhet jashtë rrezikut për jetën.

Grupi hetimor po punon për zbardhjen e rrethanave të kësaj ngjarjeje’, informon policia.

Një zjarr i përmasave të mëdha ka përfshirë gjatë pasdites së sotme një pjesë toke pranë fshatit Koçaj, në afërsi  të Bulqizës.

Gazetari Enver Doçi ka raportuar se flakët janë ndihmuar edhe nga era e fortë, duke sjellë që dhjetëra hektarë pyje dhe kullota të digjen.

Sakaq, mësohet se ndërhyrja e zjarrfikësve është e pamundur në këto momente për shkak të terrenit të vështirë, ndaj edhe kanë kërkuar ndërhyrje nga ajri.