Policia e Korçës dhe specialistët e krimit ekonomik kanë nisur hetimet për një avokat, i cili dyshohet se vidhte në bankë paratë e një klienti të tij.

Kështu, janë referuar në prokurori materialet për avokatin A. L., 56 vjeç pasi dyshohet se gjatë periudhës 2020-2022, ka tërhequr shuma parash nga llogaria bankare e një 70-vjeçari, i cili aktualisht është në burg.

Rrjetet e fshehta financiare që fshihen pas krimit: Si pika e ‘Exchange’ të BIZNESMENIT u kthye në bankën e vëllezërve “Çopja”!

Mësohet se avokati, për të cilin ka një masë sigurie “Arrest në burg”, i merrte paratë duke përdorur prokurorën që ia ka marrë klientit duke shfrytëzuar besimin dhe gjendjen shëndetësore të tij.

Njoftimi i policisë:

Specialistët e Sektorit për Hetimin e Krimit Ekonomik dhe Financiar referuan materialet në Prokurori, për shtetasin A. L., 56 vjeç, me profesion avokat, aktualisht me masë sigurie “Arrest në burg”, pasi dyshohet se gjatë periudhës 2020-2022, ka tërhequr shuma parash nga llogaria bankare e një 70-vjeçari (aktualisht në IEVP Shënkoll), duke përdorur prokurorën që ia ka marrë duke shfrytëzuar besimin dhe gjendjen shëndetësore të tij.

Një 28-vjeçar shqiptar i burgosur, është arratisur ditën e sotme nga spitali i Kosturit.

28-vjeçari, i cili ishte shtruar në klinikën kirurgjikale të Spitalit të Përgjithshëm të Kosturit, u arratis në rrethana të paqarta, edhe pse mbahej nën vëzhgim nga gardianët.

Sipas policisë, bëhet fjalë për person të dënuar për vepra të rënda penale dhe ka dyshime se ka pasur bashkëpunëtorë nga jashtë.

Policia ka ngritur pika kontrolli në akset kryesore të Kosturit pasi zona është afër me kufirin shqiptaro-grek.

Humb jetën në Spitalin Rajonal të Shkodrës shtetasi i dënuar Gjevalin Lika

Gjevalin Ndue Lika, 42 vjeç, ka ndërruar jetë në Spitali. Rajonal të Shkodrës si pasojë e një arresti kardiak. Ai ishte shoqëruar me urgjencë në spital pasi kishte marrë ndihmën e parë nga shërbimi shëndetësor i IEVP Lezhë.

Lika vuante nga skizofrenia dhe trajtohej me medikamentin Resperidon. Që nga viti 2021, ai ndodhej në IEVP Lezhë, pas transferimit nga IEVP Krujë.

Në vitin 2015, ai ishte arrestuar për dhunë në familje dhe mbahej me masë mjekësore të detyruar, të caktuar nga Gjykata e Tiranës.

Drejtoria e Përgjithshme e Burgjeve ngushëllon famijen për humbjen e parakohshme të njeriut të tyre

Afrim Shaqiri 39 vjeç, i burgosur në burgun e Fushë Krujës ka ndërruar jetë pasditen e së premtes.

Ai është dërguar pa shenja jete nga IEVP Fushë Krujë në qendrën shëndetësore të këtij qyteti.

Ende nuk dihet shkaku i vdekjes, por paraprakisht dyshohet për shkaqe natyrale. Viktima trajtohej me metadon, pasi ka qenë përdorues narkotikësh.

Pritet që autopsia të zbardhë shkakun e vdekjes.

Shërbimi Korrektues i Kosovës dhe Departamenti Shëndetësor i Burgjeve ka njoftuar se në qendrën e paraburgimit në Gjilan, ka ndërruar jetë një i burgosur.

Në njoftim, thuhet se i burgosuri ka nisur të vuajë dënimin nga data 24 qershor dhe se ai kishte pasur një sëmundje.

“Shërbimi Korrektues i Kosovës dhe Departamenti Shëndetësor i Burgjeve njoftojnë opinionin publik se më datë 18.07.2024, rreth orës 24:00, në QP në Gjilan, ka ndërruar jetë i burgosuri K.S.

K.S është pranuar në burg më datë 24.06.2024, me histori të sëmundjes paraprake. Me urdhëresë të organit kompetent gjyqësor është dërguar në IPFK për ekspertizë më datë 05.07.2024 dhe ka qëndruar atje deri më datë 18.07.2024”, thuhet në njoftim.

Më tej, thuhet se terapinë e lëshuar në fletë-lëshim, i burgosuri e ka marrë me kohë dhe nuk ka pasur asnjë shqetësim apo simptomë për ndonjë përkeqësim të gjendjes psikike ose organike.

“Organet kompetente janë duke zhvilluar procedurat ligjore, ndërsa bazuar në ligjet në fuqi, autopsia do të verifikojë shkakun e vdekjes”, vijon njoftimi. Shërbimi Korrektues i Kosovës dhe Departamenti Shëndetësor i Burgjeve kanë shprehur ngushëllime për të afërmit e viktimës.

Banda të armatosura kanë sulmuar burgun kryesor në kryeqytetin e Haitit, Port-au-Prince, duke liruar shumë të burgosur. Shumica dërrmuese e rreth 4,000 burrave të mbajtur atje tani janë arratisur.

Midis të arrestuarve ishin anëtarë të bandës të akuzuar në lidhje me vrasjen e presidentit Jovenel Moise në vitin 2021. Dhuna në Haiti, vendi më i varfër në Amerikën Latine është përkeqësuar vitet e fundit. Bandat që synojnë të rrëzojnë kryeministrin Ariel Henry kontrollojnë 80% të Port-au-Prince.

Rritja e fundit e dhunës filloi të enjten, kur kryeministri udhëtoi për në Nairobi për të diskutuar dërgimin e një force sigurie shumëkombëshe të udhëhequr nga Kenia në Haiti. Të premten, presidenti kenian Uilliam Ruto tha se ai dhe Henry kishin nënshkruar një marrëveshje dhe po punonin për të përshpejtuar dislokimin.

Në janar, OKB-ja tha se më shumë se 8,400 njerëz ishin viktima të dhunës së bandave të Haitit vitin e kaluar, duke përfshirë vrasjet, plagosjet dhe rrëmbimet – më shumë se dyfishi i numrit të vitit 2022.

Një i burgosur në Prishtinë, ka ndërruar jetë në Qendrën e Paraburgimit. Lajmi konfirmohet nga Shërbimi Korrektues i Kosovës, nëpërmjet një komunikate për shtyp.

Në deklaratë, theksohet se i burgosuri ishte duke u trajtuar sipas rekomandimeve të institucioneve shëndetësore publike (IPFK-së).

Më tej, Shërbimi Korrektues i Kosovës, thekson se organet kompetente po zhvillojnë procedurat ligjore, teksa autopsia do të dalë në përfundime për shkakun e vdekjes.

“Shërbimi Korrektues i Kosovës dhe Departamenti Shëndetësor i Burgjeve njoftojnë se sot rreth orës 07:40 në Qendrën e Paraburgimit në Prishtinë ka ndërruar jetë i burgosuri, V.M. Vdekja është konstatuar nga ekipi i Qendrës Emergjente të Qytetit. I burgosuri ishte duke u trajtuar sipas rekomandimeve të institucioneve shëndetësore publike (IPFK-së)”, thuhet në njoftim.