Të burgosurit e parë nga Danimarka pritet të transferohen në burgun në Gjilan në pjesën e parë të vitit 2027, konfirmuan nga Shërbimi danez i Burgjeve për Radion Evropa e Lirë.

Ky shërbim tha se institucioneve të Kosovës u janë dorëzuar kërkesa specifike për renovimin dhe përshtatjen e burgut të Gjilanit.

“…duke përfshirë një ndërtesë të re për punësim dhe ambiente të reja për vizitorë. Ne presim që puna të nisë këtë verë, kurse gjatë gjysmës se parë të vitit 2027, pritet që burgu të vihet në përdorim”, tha Shërbimi danez i Burgjeve.

Të paktën 15 të burgosur u vranë dhe 14 të tjerë u plagosën gjatë një përleshje në një burg në qytetin-port të Guayaquilit që është dorëzuar karshi dhunës, ka thënë shërbimi shtetëror i burgjeve.

“Në një pavijon të burgut Litoral, u raportuan incidente të rënda mes të burgosurve, ku vdiqën 15 dhe 14 janë plagosur”, ka thënë shërbimi i burgjeve.

Të burgosurit shiheshin duke vendosur trupat e vdekur në oborrin e burgut në një rresht të gjatë kufomash, sipas pamjeve që ka siguruar AFP-ja.

Ekuadori është bërë një nga vendet më të dhunshme në botë dhe qendër kryesore e trafikut të drogës në vitet e fundit.

Pjesa më e madhe e dhunës ka ndodhur në burgje ku përleshjet midis karteleve rivale të drogës kanë lënë të vdekur më shumë se 460 të burgosur që nga viti 2021.

Burgu Litoral është më i madhi i Ekuadorit, që zë 6.800 të burgosur.

Shërbimi i burgut ka bërë të ditur se autoritetet ekuadoriane e kanë marrë kontrollin e burgut.

Ditën e nesërme, 24 prill, do të nisë lirimi i të burgosurve që përfitojnë nga Amnistia.

Nga ky ligj, që u miratua më 4 prill në Kuvend, përfitojnë 1100 të dënuar me burgim, nga të cilët 700 do të lirohen menjëherë, ndërsa 400 të tjerë përfitojnë ulje dënimi. Po ashtu, nga amnistia përfitojnë edhe 2 700 persona në shërbim prove.

Nga kjo amnisti do të përfitojnë personat të cilëve dënimi u ka marrë formë të prerë deri në datën 31 mars 2024. Përfitojnë të dënuarit burra që u kanë mbetur pa vuajtur më pak se 4 vjet dhe gratë e të miturit që u kanë mbetur 5 vite. Përfitojnë gratë që janë mbi 50 vjeç, burrat mbi 60 vjeç dhe personat që kanë qenë nën moshën 18 vjeç kur kanë marrë dënimin.

Ulja e dënimit do të jetë në 1.5 vite për burrat dhe 2 vite për gratë si masë lehtësuese. Nga amnistia do të përfitojnë 11 gra, dhe 11 të mitur që lirohen menjëherë

Hakerat kanë vjedhur bazën e të dhënave të të burgosurve rusë, në shenjë hakmarrje për vdekjen e liderit të opozitës Alexey Navalny.

Pak orë pas vdekjes së Navalnyt në muajin shkurt, në një burg rus, një grup hakerësh anti-Kremlin, u shfaqën në kërkim të hakmarrjes.

Duke përdorur aksesin e tyre në një rrjet kompjuterik të lidhur me sistemin e burgjeve të Rusisë, hakerët vendosën një foto të Navalny-t në faqen e internetit të kontraktorit të burgut të hakuar.

“Rroftë Alexey Navalny!”- shkruhej në një mesazh në faqen e internetit të hakuar, shoqëruar me një foto të Navalny-t dhe gruas së tij, Yulia.

Hakerët gjithashtu kanë vjedhur një bazë të dhënash që përmban informacione për qindra mijëra të burgosur rusë, të afërmit dhe kontaktet e tyre, duke përfshirë, të dhënat e mbajtura për të burgosurit në koloninë penale të Arktikut, ku Navalny vdiq.

Hakerët, të cilët thonë se janë një përzierje kombësish, duke përfshirë emigrantët rusë dhe ukrainas, po ndajnë ato të dhëna, duke përfshirë numrat e telefonit dhe adresat e e-mailit të të burgosurve dhe të afërmve të tyre “me shpresën se dikush mund t’i kontaktojë ata dhe të ndihmojë të kuptojë se çfarë ndodhi me Navalny. ”, i tha CNN-it një haker që pretendon të jetë i përfshirë në shkelje.

Përveç kësaj, hakerët përdorën aksesin e tyre në komisariatin online të sistemit të burgjeve ruse, ku anëtarët e familjes blejnë ushqim për të burgosurit.