Ish-kryebashkiaku i Burrelit, Agron Malaj, është paraqitur në Gjykatën kundër Korrupsionit dhe Krimit të Organizuar.

Paraqitja e tij vjen pasi deputeti i Partisë Demokratike Xhelal Meziu është paditur për shpifje në GJKKO nga Malaj, i cili u zgjodh edhe deputet në siglën e Partisë Socialiste. 

Padia erdhi pas një deklarate të bërë nga Xhelal Mziu një ditë përpara zgjedhjeve parlamentare të 11 majit, se automjeti që përdorej nga Malaj ka shpërndarë para në këmbim të votave. 

Gjatë kontrolleve të një nate më parë në të gjitha institucionet e vuajtjes së dënimit të sigurisë së lartë, janë gjetur sende të paligjshme.

Burime pranë Burgut në Burrel, i cili është një nga ata të sigurisë së lartë thanë se gjatë këtyre kontrolleve është gjetur një celular i futur në një frigorifer që do të futej brenda tek të burgosurit.

Bëhet me dije se po të njëjtat burime bënë të ditur se frigoriferi ku ishte fshehur telefoni vinte nga burgu i Peqinit ku do të transferoheshin disa të burgosur. Fillimisht ka ardhur ngarkesa me materialet, më pas do të vinin të burgosurit.

Ndërkohë, ende nuk dihet se kujt i përkiste frigoriferi në të cilin është gjetur një aparat celular i vendosur në një vend të fshehtë të tij.

Megjithatë, kanë nisur hetimet për të dokumentuar ngjarjen dhe ndëshkimin e personave që kanë tentuar të fusin sende të paligjshme në qelitë e të burgosurve.

Ngjarje e rëndë në Mat. Një 26-vjeçar është arrestuar ditën e sotme pasi akuzohet se ka kryer marrëdhënie seksuale me një të mitur.

Ngjarja ka ndodhur në fshatin Komsi të Burrelit, ku 26-vjeçari dyshohet se e ka mashtruar të miturën duke e futur në makinën e tij dhe më pas ka kryer marrëdhënie seksuale me të. Pas denoncimit, policia e ka lokalizuar të riun dhe e ka arrestuar.

Policia vendore informon se ‘specialistët për Hetimin e Krimeve të Komisariatit të Policisë Mat në bashkëpunim me strukturat Hetimore të DVP Dibër, bënë të mundur lokalizimin, kapjen dhe arrestimin e shtetasin 26 vjeç, banues në fshatin Komsi, Burrel, pasi nëpërmjet mashtrimit ka marrë në automjetin e tij një shtetase të mitur dhe më pas dyshohet se ka kryer marrdhënie seksuale me të’.