Gentian Sula, Meriman Palushi, Fatmir Bektashi, Sokol Kryeziu dhe Shkëlqim Fusha janë vënë në detyrim paraqitje nga SPAK, për të njëjtën çështje, që është vendosur arrest me burg për kryebashkiakun Erion Veliaj.

Superkupa e Shqipërisë, Egnatia – Kukësi, do të luhet më 26 dhjetor, në orën 19:00. Dueli i fundit për këtë vit dhe trofeu i parë sezonal do të vendoset në stadiumin “Arena Kombëtare”.

Një ndeshje interesante pritet mes dy ekipeve që do të kërkojnë me çdo kusht trofeun e Superkupës. Egnatia vjen në këtë sfidë si kampione e Shqipërisë dhe fituese e Kupës, ndërsa Kukësi si finalisti i Kupës së Shqipërisë.

Në ditët në vijim, FSHF do të nxjerrë në shitje edhe biletat për këtë takim.

Kandidati republikan për president të SHBA-së, Donald Trump, ka rënë dakord me rrjetin Fox News për t’u angazhuar në një telekonferencë me zëvendëspresidenten demokrate Kamala Harris më 4 shtator.

Kjo gjë konfirmohet dhe në një postim në platformën e tij Truth Social.

“Rregullat do të jenë të njëjta si debati im me Sleeping Joe, i cili u trajtua tmerrësisht nga partia e tij, por me një audiencë të madhe,” tha Trump, duke iu referuar Presidentit Joe Biden, i cili që atëherë është tërhequr nga fushata.

Postimi u hoq dhe u zëvendësua

disa minuta më vonë me një të ri, me Trump që fshiu propozimin për një ngjarje “të madhe” ‘Town Hall’ (dmth një me një audiencë që bën pyetje) në të njëjtën datë nëse Harris “nuk është e gatshme ose nuk është në gjendje të marrë pjesë në debat”.

Harris ishte përgjigjur muajin e kaluar se ishte “gati” kur Fox News sugjeroi një debat presidencial më 17 shtator midis dy kandidatëve.

Pasi Biden u tërhoq nga gara presidenciale më 21 korrik dhe mbështeti Harris, Trump tha se nuk do të angazhohej në një debat me të sepse ajo nuk është kandidatja zyrtare e partisë së saj.

Si dëshmi e mungesës së mbështetjes së saj, Trump shtoi se ish-presidenti Barack Obama nuk e kishte mbështetur kandidaturën e Harris.

Megjithatë, Obama një ditë më vonë doli në anën e saj, ndërsa dje Harris mori zyrtarisht numrin e votave të nevojshme nga elektorët për t’u bërë kandidate e Partisë Demokratike për presidencën e SHBA-së.

Gjykata e Apelit në Tiranë ka caktuar 11 qershorin (ora 10:00) si datën kur do të rinisë sërish gjykimin e vulës dhe statutit të Partisë Demokratike që është kthyer në një betejës mes grupit të Lulzim Bashës dhe Rithemelimit të Sali Berishës.

Relatore e çështjes është caktuar gjyqtarja Alma Ahmeti, ndërsa pjesë e trupës gjykuese janë Iliba Bezati dhe Elona Toro që do të rishqyrtojnë në vijim, betejën e nisur që në vitin 2021.

Çështja për vulën e Partisë Demokratike u rikthye në Apel pas vendimit të Gjykatës së Lartë me 27 dhjetor 2023.

Gjykata e Lartë e riktheu në Apel çështjen e vulës së Partisë Demokratike për të marrë vendim në themel për vendimin e mëparshëm të Agron Zhukrit, që i la vulën e PD-së Sali Berishës.

Thënë ndryshe, Gjykata e Lartë e detyron Apelin që të marrë një vendim, nëse qëndrimi i Agron Zhukrit, i cili ia dha vulën Sali Berishës është i drejtë apo i gabuar.

Pra është Gjykata e Apelit, ajo që duhet të thotë fjalën e fundit, se kujt i takon vula e PD-së, Sali Berishës apo i Lulzim Bashës dhe e jo ta kthente çështjen në shkallën e parë.