Tension i lartë tek Parku Olimpik teksa po numërohen votat e Diasporës. Kjo pasi, qarku i Lezhës është ndarë me një grusht votash midis dy partive të mëdha, duke shkuar në foto-finish.

Kjo duket se ndezi gjakrat dhe pas debatit të mëhershëm mes përfaqësuesve të PD, Jorida Tabaku e Gjin Gjoni me kryekomisionerin Ilirjan Celibashi për 50 vota që pretendohej prej tyre se dolën tepër në kutitë e fundit, pati edhe tone të ngritura mes përfaqësuesve të dy partive.

Në një moment, ka qenë drejtuesi i PS për Diasporën, Taulant Balla, i cili ka kontestuar një fletë votimi në stendën e qarkut Lezhë, çka ka ndezur reagimin e demokratëve në sallë, duke shkaktuar tension deri në kufijtë e përplasjes fizike.

Në fund ishin të djathtët ata që gëzuan, teksa numërimi i fletëve të fundit të Diasporës u prit me duartrokitje nga ligjvënësit dhe vëzhguesit e PD në sallë.

Por teksa nisën festimet në kampin demokrat, Flamur Noka i zuri rrugën deputetit Taulant Balla dhe pasi shkëmbyen fjalë nisi ta shtynte me duar.

Ndërhyrja e të pranishmëve shmangu vijimin e tensioneve dhe përplasjeve. Por deputeti Xhelal Mziu tentoi të përplasej fizikisht me Ballën, por demokrati u ndal nga kryekomisioneri Ilirjan Celibashi, që e kapi nga xhaketa.

Më pas situata u qetësua. Të dyja palët e pranuan rezultatin, teksa kishte edhe batuta e shtrëngime duarsh mes palëve. Socialisti Admir Kadeli i ka uruar fitoren Gjin Gjonit.

Me këtë rezultat, PD arrin të ruajë fitoren në tre qarqe të veriut: Lezhë, Shkodër dhe Kukës.

HIMARË- Kreu i Komisionit Qendror Zgjedhor, Ilirjan Celibashi ka treguar disa nga problematikat e procesit zgjedhor në Himarë. Celibashi tha se në përgjithësi ka qenë një procesi i qetë.

Lidhur me kartat e ID të skaduara, ai tha se kjo çështje mbetet jashtë procesit zgjedhor në themelin e vet, duke shtuar se nuk është një kompetencë e KQZ.

Më tej tregoi se në një qendër votimi disa persona të paautorizuar mbanin shënim votuesit, çështje që u zgjidh sipas tij pas ndërhyrjes. Kreu i KQZ-së tha se një tjetër incident është shënuar në Lukovë, pasi përfaqësues të medias nuk janë lejuar të filmojnë brenda qendrës.

PJESË NGA FJALA E CELIBASHIT:

Çështja që ka qenë objekt i diskutimi dhe i sjelljes në vëmendje, është ajo e mjeteve të identifikimit. Por sikurse dhe më herët e kemi bërë me dije, kjo është një çështje që nuk ka të bëjë me përgjegjësitë e KQZ, është çështje që mbetet jashtë procesit zgjedhor.

Janë rreth 6 mijë votues të cilët dokumentet e identifikimit ose u ka skaduar ose u skadon sot. Gati po e njëjta shifër votuesish ka qenë dhe në zgjedhjet e kaluara. Tani, pse këto zgjedhje nuk u mor nga vendim nga Këshilli i Ministrave me një akt normativ, këtë nuk mund ta them. Komunikimin e kemi bërë kur ka patur komunikim zyrtar nga partitë politike dhe e kemi patur në ditët e fundit. Ngelet një çështje që është jashtë sferës së përgatitjes dhe vëmendjes që duhet të ketë KQZ.

Është çështje që mund të diskutohet she secili nga të interesuarit mund të kenë Nuk kemi patur komunikim sot me përfaqësues të qeverisë dhe MB për këtë çështje, sepse nuk mund të kishte zgjidhje. Duhej të ishte zgjidhur më parë dhe është një çështje që votuesit nuk të shohin nëse kanë interes apo jo për të patur një mjet identifikimi të vlefshëm.

Qëndron në këtë lloj mënyrë dhe për partitë politike dhe subjekte të tjera të interesuara. Nuk po përpiqem të shmang graviteti e problemit, por lidhet me votuesit, kandidatë dhe pjesëmarrësit e tjerë në garë. Në përgjithësi procesi ka shkuar qetë. Ka patur raste që janë evidentuar problematikë. Në një qendër votimi ka patur persona të paautorizuar dhe është pretenduar se mbanin shënim votuesit. Është ndërhyrë dhe është zgjidhur.

Në Lukovë përfaqësues të mediave nuk janë lejuar përfaqësues të medias të filmonin. Nëse ndonjë nga anëtarët nuk ndihet komod me këtë, të largohen. Komunikimi në institucionet publike shqiptare, ka detyrim të përdorë gjuhën shqipe. Këtë gjuhë duhet ta ndërtojmë në komunikim zyrtar dhe votuesit.