Durrës, 29 maj 2025 – Policia e Burgjeve ka ushtruar sot një kontroll të befasishëm në ambientet e burgut të Durrësit, ku janë sekuestruar 10 telefona celularë që dyshohet se përdoreshin në mënyrë të jashtëligjshme nga të dënuarit.

Operacioni u zhvillua me urdhër të Drejtorisë së Përgjithshme të Burgjeve dhe kishte si synim identifikimin dhe largimin e sendeve të ndaluara brenda institucionit të vuajtjes së dënimit.

Autoritetet janë duke vijuar hetimet për të përcaktuar mënyrën se si këto pajisje kanë përfunduar në duart e të burgosurve dhe për të identifikuar çdo përgjegjës të mundshëm nga brenda apo jashtë sistemit. Kontrolli është pjesë e një strategjie më të gjerë për forcimin e sigurisë në institucionet penitenciare të vendit.

Përgjimi i pajisjeve telefonike dhe kartave SIM është një nga mjetet efektive të përdorura nga hetuesit e Byrosë Kombëtare të Hetimit për të arritur tek provat ndaj zyrtarëve të korruptuar dhe anëtarëve të grupeve kriminale.

Në krahasim me vitin 2022, Prokuroria e Posaçme thotë se gjatë vitit 2023 ka pasur rritje të ndjeshme të rasteve të ndjekura përmes metodës së përgjimit.

“Gjatë vitit 2023, Prokuroria e Posaçme ka përdorur metodën e përgjimit për 186 procedime penale ku janë interceptuar 3335 pajisje fundore (pajisja/numri telefonik i subjektit në përgjim), ku vërehet rritje krahasuar me vitin 2022”, shkruan newsbomb.

Rastet e korrupsionit ku janë të përfshirë politikanët, zyrtarët e lartë dhe funksionarët shtetëror zënë pjesën më të madhe të procedimeve penale ku është kërkuar dhe aplikuar metoda e përgjimit.

Në vitin 2023, pjesën më të madhe të procedimeve penale ku është kërkuar përgjimi, e kryesojnë çështjet e hetuara për veprën penale të korrupsionit me 109 procedime penale ku janë interceptuar 1436 pajisje fundore, nga 69 procedime penale dhe interceptuar 1023 pajisje fundore, të aplikuara ne vitin 2022.

Po ashtu, raporti evidenton se për çështjet penale të hetuara në kuadër të grupit të strukturuar kriminal janë përdorur metoda të posaçme hetimore në 77 procedime penale, ku janë interceptuar 1899 pajisje fundore, nga 53 procedime penale janë interceptuar 1154 pajisje fundore, të aplikuara në vitin 2022

“Duhet cilësuar se ka pasur një rritje të aplikimit të metodave të hetimit proaktiv, në rastin e përgjimeve telefonike, por është rritur gjithashtu edhe aplikimi i metodave të posaçme te hetimit si: vëzhgime, kontrolle, simulime, sekuestro i provave materiale, letërporosi, agjentë të infiltruar etj”, vijon raporti i SPAK.

Një 39-vjeçar nga Kavaja është arrestuar nga policia, pasi ishte shpallur në kërkim.

Blutë bëjnë me dije se i riu me iniciale R.P në vitin 2022 i kishte vjedhur një shtetaseje përmes mashtrimit 55 000 lekë, sende personale dhe 3 celularë.Pas shkëmbimit të informacioneve me Policinë e Kavajës, me qëllim ndalimin e një shtetasi të akuzuar për mashtrim, shërbimet e Komisariatit të Policisë Peqin kapën dhe ndaluan shtetasin R. P., 39 vjeç, banues në fshatin Pajovë.