Pedagogu për marrëdhëniet ndërkombëtare, Emilio Çika thotë se Shqipëria, në aspektin teknik, i ka përmbushur kushtet për hapjen e negociatave me Bashkimin Evropian.about:blank

Në një intervistë televizive, Çika u shpreh se çështja e kryebashkiakut të zgjedhur të Himarës, Fredi Beleri, i përket drejtësisë.

Megjithatë, sipas Çikës, mes Shqipërisë dhe Greqisë duhet të ketë dialog politik, pasi vetoja e Athinës zyrtare po e pengon hapjen e negociatave.

“Çështjet e integrimit duhen ndarë në dy faza. Përpjekja e Shqipërisë dhe të gjitha arritjet e diplomacisë shqiptare në lidhje me integrimin, në aspektin teknik, duhet të flasim kryesisht për përmbushjen e kushteve teknike, nuk duhet të ketë dyshim, është e pranuar nga Bashkimi Evropian dhe liderët e Bashkimit Evropian, që Shqipëria e ka përmbushur pjesën teknike për hapjen e negociatave, kjo është faza e parë. E dyta është çështje politike, që ka të bëjë në parim me pranimin që bëjnë shtetet e Bashkimit Evropian për t’i dhënë dritën jeshile vendeve që janë aplikante. Në këtë rast flasim për Shqipërinë dhe bllokimin e Greqisë për çështjen Beleri. Një veto e cila ishte e paralajmëruar nga qeveria greke, nga kryeministri i Greqisë. Kjo është një çështje që është një ngërç në marrëdhëniet mes dy vendeve. Nga deklarata e ministrit shqiptar, shohim se mund të jemi në fazën e diskutimeve. Nuk mund t’i hiqet dimension politik që ka kjo çështje dhe është dimensioni politik që ka penguar Shqipërinë. Nga deklarata e djeshme e ministrit shqiptar, shihet se ka një angazhim nga palët. Kjo është diçka e cila është në rang të gjerë. Propozimi i Scholz lidhet edhe me reformën që do të bëjë Bashkimi Evropian, që ka sjellë në lidhje me heqjen e vetos, me procesin e zgjerimit. Kjo është në shkallë më të gjerë. Ajo që duhet parë është negociatat mes palëve. Procesi politik mes dy palëve nuk duhet shmangur dhe duhet të ketë negociata paralelisht me vendimin e gjyqësorit në Shqipëri.

Kjo është diçka shumë pozitive në momentin që të dyja palët kanë vendosur që të negociojnë për çështjen. Si çështje politike, duhet të ketë negociata mes dy vendeve. Për arsye të këtij ngërçi, janë lënë çështje më të rëndësishme që janë pezull mes dy vendeve. Është hap shumë i rëndësishëm nga ana e qeverisë shqiptare. Në aspektin teknik, Shqipëria nuk ka se çfarë të diskutojë më, të gjitha detyrat e Shqipërisë në lidhje me përshtatjen e kapitujve, është në një fazë të mirë dhe Shqipëria i ka përmbushur kushtet. Pengesë është procesi politik dhe heqja e vetos nga qeveria greke për të shkuar në hapat e mëtejshëm.

Reforma në drejtësi është nga investimet shumë vjeçare që ka bërë qeveria shqiptare dhe partnerët tanë, Bashkimi Evropian dhe SHBA, po jep rezultatet e para, në lidhje me atë që ka qenë një kërkesë nga ndërkombetarët, por edhe opinioni i brendshëm në Shqipëri, për ndjekjen e peshqve të mëdhenj të korrupsionit”, theksoi ai.

Gjatë diskutimit në një program televiziv ish-ministri i qeverisë Rama, Ylli Manjani është shprehur se ‘çështja Berisha’ është një sajesë.

Sipas tij, kjo dosje nuk ka brum fare, është një budallik.

‘Realisht në çështjen ‘Berisha’ nuk ka brum fare, ashtu siç nuk ka edhe në çështjen ‘Beleri’, nuk ka arsye ligjore për të krijuar një çështje të tillë.

Ju siguroj me bindje dhe ndershmëri ekstreme, se ashtu siç ka çështje të tjera rutinë në SPAK që nuk kanë brum, por ama janë çështje. Ajo që e bën sot të pabesueshme apo problematike reagimin opozitar është; pse nuk reagoni për të tjerët njësoj.

Vijmë te elementi besimi, duhet të krijosh marrëdhënie besimi, duhet ti rrish një parimi, sepse, unë e përsëris këtë gjë; çështja Berisha nuk ka substancë, është sajesë. Është e krijuar nga asgjëja, sepse është budallik ti thuash që, kryeministri i ka dhënë pronën, pronarit që nuk e konteston askush.about:blank

Në rastin ‘Partizani’ duhet gjykuar se si është e mundur që shteti i fortë i Berishës nuk nxirrte ca zaptues nga godina. Asgjë nuk kishin privatizuar ata të ministrisë së Mbrojtjes, ua kishin zënë njerëzit atë godinë.

Nuk bëhet kjo, por bëhet krejt e  kundërta, ngrenë një çështje nga asgjëja. Tani ti ngresh tjetrit një çështje nga asgjëja, është e papranueshme. Kur kjo i ndodh një shefi opozite është 100 herë më e papranueshme’, tha Ylli Manjani

Historiania Elena Kocaqi, teksa ka komentuar çështjen Beleri ka deklaruar se Greqia po bën gjithë këtë presion diplomatik për betimin e Fredi Belerit sepse kërkon që të kontrollojë Shqipërinë përmes Himarës. Dje, në një intervistë televizive, Kocaqi thotë se Greqia shpresonte se duke marrë Himarën do realizonte ëndrrën e vet. “Greqia ëndërronte dhe shpresonte se duke marrë Himarën të plotësojë ëndrrën e veta që janë edhe në tokë edhe në det me qëllim që të plotësojë ëndrrat e saj për Epirin. Ai i ka marrë votat nga opozita. Ky nuk është vetëm një problem që ka të bëjë me zgjedhjet në Shqipëri. Që duhej ta kishin zgjidhur ndryshe, s’duhej të ishte shpallur fare fitues. PS duhej të kishte ankimuar rezultatin. Duhej ta kishin bërë paralel nga pikëpamja juridike, prokuroria punë e vet dhe KQZ punë e vet. Si mund të betohet një kandidat i arrestuar për blerje votash dhe t’i bën presion që të betohet si kryetar bashkie. Kur ai akuzohet për vjedhje votash kjo është një mangësi e KQZ që e shpalli fitues. A ka ndërhy ndonjëherë shteti shqiptar dhe të thotë dëno këtë e mos dëno atë. Zero tolerancë, mirë ja ka bërë Rama. S’ka punë Greqia me sistemin e drejtësisë shqiptar. Ai është një shtetas shqiptar dhe njësoj do përgjigjet para ligjit. kur ti njëherë dy herë i shmangesh drejtësisë, normal që sistemi i drejtësisë nuk të lëshon. Mos të bëjë sikur nuk e njeh Greqia këtë gjë. Në marrëdhëniet me shqiptarët nuk do t’i respektojë këtë parime. Sjellja e Ramës ka qenë dinjitoze”, deklaroi Kocaqi. 

Ministri i Jashtëm i Greqisë, Georgos Gerapetritis, ka komentuar sërish mbi çështjen e Fredi Belerit, i cili mbahet në burg prej 12 majit.

Në një konferencë të mbajtur në Athinë, Gerapetritis, teksa ka folur për integrimin në BE të vendeve të Ballkanit Perëndimor, është shprehur se Greqia nuk mund të pranojë vende kandidate që nuk përmbushin kriteret e anëtarësimit dhe parimet bazë të BE-së, si demokracia dhe shteti i së drejtës, duke iu referuar Shqipërisë.

I pyetur mbi çështjen “Beleri”, Gerapetritis tha se arrestimi dhe mbajtja në burg e tij, “përbën një devijim nga e drejta evropiane”, si dhe “shkelje të qartë të të drejtave politike të zotit Beleri, shkelje të prezumimit të pafajësisë dhe të shtetit ligjor”.

“Rasti i kryetarit të zgjedhur të Bashkisë Himarë, Fredi Belerti, mendoj se përbën një devijim nga e drejta evropiane. Është lajthitje, përderisa një kryetar i zgjedhur për Pushtetin Vendor, nuk ka mundur të marrë përsipër detyrat e tij, sepse nuk është lejuar, të betohet dhe të marrë përsipër detyrat e tij.

Kjo, nga pikëpamja e vendit tonë dhe nga pikëpamja e së drejtës ndërkombëtare, përbën shkelje të qartë të të drejtave politike të zotit Beleri, shkelje të prezumimit të pafajësisë dhe të shtetit ligjor”, është shprehur ai.

Pjesë nga deklarata e tij:

Secili vend ka karakteristikat e veta të veçanta dhe ne duhet t’i respektojmë ato, por gjithashtu duhet të respektojmë termat dhe kushtet e vendosura nga institucionet e Bashkimit Evropian dhe në veçanti nga Këshilli Evropian, dhe që kanë të bëjnë me respektimin e rregullave themelore të Bashkimit Evropian.

Sidomos në mesin e tyre, në radhë të parë vlerësoj respektin për demokracinë dhe shtetin e së drejtës.

Sot pata rastin të diskutoj me zëvendëskryeministrin e Maqedonisë së Veriut për çështjet që kanë të bëjnë me zgjerimin e Ballkanit Perëndimor dhe në veçanti të vendit fqinj, për të konstatuar çështjet që dalin dhe për të përcjellë qëndrimin themelor të vendit tonë, që në parim ne kërkojmë dhe inkurajojmë integrimin e vendeve të Ballkanit Perëndimor në familjen evropiane.

Megjithatë, respektimi i shtetit ligjor kërkon edhe një qëndrim praktik, i cili tregohet në jetën e përditshme dhe jo vetëm në institucione.

Rasti i kryetarit të zgjedhur të Bashkisë Himarë, Fredi Belerti, mendoj se përbën një devijim nga e drejta evropiane. Është lajthitje, përderisa një kryetar i zgjedhur për Pushtetin Vendor, nuk ka mundur të marrë përsipër detyrat e tij, sepse nuk është lejuar, të betohet dhe të marrë përsipër detyrat e tij.

Kjo, nga pikëpamja e vendit tonë dhe nga pikëpamja e së drejtës ndërkombëtare, përbën shkelje të qartë të të drejtave politike të zotit Beleris, shkelje të prezumimit të pafajësisë dhe të shtetit ligjor.

Prandaj, po, në parim ne mbështesim me gjithë zemër integrimin e vendeve të Ballkanit Perëndimor, por duhet treguar respekt për parimet e Bashkimit Evropian, të cilat në një masë të madhe janë edhe parime universale dhe kanë të bëjnë me demokracinë dhe shtetin e së drejtës.