Ditën e sotme, Vëllai i Madh i ka surprizuar banorët me letra higjienike në të gjithë shtëpinë, si në ambientet e brendshme ashtu edhe të jashtme.

Përmes një zarfi u ka shpjeguar banorëve se ata duhet ë ecin nëpër shtëpi pa prekur dhe pa prishur letrën. Nëse ndodh një gjë e tillë, atëherë në një vazo me gogla do të shkojnë të marrin një dënim.

Në momentin që kryen dënimin, banori do vijojë sërish sfidën. Luiz Ejllit i ka rënë një dënim mjaft interesant, ai duhet të qëndrojë dorë për dore me 1 banor për 1 orë.

Shtëpia e Big Brother është kthyer në një “kaos”, ku rrëmuja dhe pisllëku mbizotërojnë në të gjithë vendin.

Jori, Lorenci dhe Gerti kishin një mision të fshehtë nga Vëllai i Madh që të kthenin “përmbys” shtëpinë dhe të fshihnin disa sende të rëndësisshme të banorëve, në një vend që atyre nuk do u shkonte mendja për t’i gjetur.

Ndonëse misioni ishte vetëm për Jorin, Lorencin dhe Gertin, edhe Luizi u bë pjesë e kësaj loje. Ky i fundit sapo u ngrit nga gjumi, derdhi ketchup-in në tavolinën e ngrënies.

Më pas, ai fshehu lugët e ekspresit bashkë me Elvisin dhe pastaj, hodhi atletet e Kristit në pishinë.

Pasi Luizi e bëri këtë veprim, Olta u zgjua nga gjumi dhe iu habit kur pa këpucët e Kristit brenda në pishinë. 

Ajo shkoi në dhomën e gjumit dhe zgjoi Kristin, duke i thënë këtij të fundit që Vëllai i Madh ose banorët, ia kishin hedhur këpucët në pishinë.

Kristi u ngrit me shumë qetësi, mori atletet dhe i la në diell për tu tharë. Pas kësaj, ai hyri sërish në kuzhinë dhe pa që mbi tavolinë ishte shkruar emri i tij me Ketchup dhe nisi të qeshte.