SPANJE – Bota e çiklizmit është zhytur në zi këtë të shtunë, pasi një çiklist junior ka humbur jetën pas një aksidenti të rëndë gjatë etapës së dytë të Vuelta Internacional Júnior Ribera del Duero.

Sipas njoftimit të organizatorëve, ngjarja ndodhi në mes të etapës, kur grupi po hynte në zonën e El Amogable dhe pas një kryqëzimi me rrugën N-234 ndodhi një rrëzim masiv me përfshirjen e shumë garuesve.

Për shkak të mungesës së ambulancave në vendngjarje për të ofruar ndihmën e parë, drejtuesit e garës vendosën të pezullonin etapën. Më vonë, organizata konfirmoi lajmin e hidhur për ndarjen nga jeta të një prej çiklistëve që po konkurronin në itinerarin mes Langa de Duero dhe Laguna Negra de Vinuesa.

Në komunikatën zyrtare, organizatorët shprehën ngushëllimet më të sinqerta për familjen dhe të afërmit e sportistit, duke e cilësuar këtë humbje një goditje të rëndë për çiklizmin dhe për garën. Ky incident tragjik kujton edhe një herë rrezikun që mbart ky sport dhe sakrificat që bëjnë të rinjtë në ndjekje të ëndrrës së tyre sportive.

Tre çiklistë janë plagosur pasi dolën nga rruga nga humbja e papritur e kontrollit mbi mjetet e tyre, por është e paqartë se çfarë ndodhi.

Ngjarja ndodhi sot pasdreke rreth orës 14:40, në aksin rrugor Kuç-Qeparo, gjatë itinerarit të garës të etapës së katërt të Turit të 81-të Çiklistik të Shqipërisë.

Policia konfirmoi se tre prej çiklistëve dyshohen se kanë humbur kontrollin mbi drejtimin e biçikletave dhe si pasojë kanë dalë nga rruga.

Të tre çiklistët janë transportuar në spital për ndihmë mjekësore.

Grupi hetimor po punon për zbardhjen e plotë të rrethanave të aksidentit.